DÍLI----Diretór Nasionál Diresaun Aprovizionamentu Ministeriu Obrás Públiku (MOP) Quintiliano Afonso Belo hatete kompaña internasionál Baekmoon husi nasaun Korea ne’ebe priense rekezitu hodi konkorre atu hala’o konkursu ba estudu estrada no Ponte.

Tuir Diretór Nasionál Aprovizionamentu Quintiliano Afonso Belo hateten, Kompañia Baekmoon 100% internasionál mai husi Nasaun Korea ne’ebe hodi priense rekezitu hodi konkorre atu hala’o atividade estudu ba estrada no Ponte.

“Baekmoon prepara dokumentu ho diak, priense rekezitu sira ne’ebe mak mai presiza nia priense hotu, ida ne’e mak nia liu, kompaña Baekmoon ne’e 100% mai husi Internasionál husi nasaun Korea,” dehan Diretór Nasionál Aprovizionamentu Quintiliano Afonso Belo iha Konferensia Imprensa ba Jornalista sira iha Edifíu MOP Kaikoli, Tersa-Feria (24/09).

Nia hatutan konstrusaun Governu deside tenki halo estudu, tanba MOP deside halo estudu ba Trosu Sanulu Resin Rua (12) ba estrada pakote rua pakote rua ba Ponte, trosu sira ne’e ida mak Laga ba Baguia, ida seluk Maliana Urbana Vila laran, ida seluk Lolotoe Vila Manatutu Laklo iha Sanulu ida hanesan ne’e. DNA sujere Kompaña Baekmoon foti trosu nia liu Munisípiu Maliana Vila, Lolotoe, liu mos Munisípiu Manatutu, Aileu, nia liu trosu sira ne’e la’os tamba nia dokumentu mak diak atu hala’o aprezentasaun.

Quintiliano esplika iha estatutu Kompaña la mensiona Sr. Jorse nia oan nia naran, haree dokumentu ne’e hotu 100% ema sidadaun Korea, sira mai hala’o investimentu iha Timor-Leste, sira mai selu taxa ba estadu, sasan sira ne’ebe mak mai husi Korea tama Timor-Leste selu taxa ba estadu ne’e laiha sala ida, loke tender internasionál ho lokál, lokal la priense rekezitu ema internasionál iha vantajen atu manan.

Tamba ne’e Kompaña Lokál sira tenki preparadu labele ba protes deit, rezultadu agora avalisaun aprezentasaun hela, semana rua tan bele fo sai, totál hamutuk Miliaun $12 Paket hamutuk 12 inklui mos Ponte Rua ne’e iha pakote ida, Ponte Lima, Pakote ida Sanulu inklui Mota Ulun momentu Bus Monu nian ne’e hotu, Ponte Samfuk, Ponte Manatutu.

DNA Quintiliano informa ba Jornalista sira dokumentu avalia iha ne’e aprovizionamentu molok atu halo evalusaun forma ekipa ne’ebe komisaun evaluasaun ne’ebe iha kompeténsia tomák, ne’e despaixu husi MOP mak fo despaixu sira mak halo desizaun koletivamente la’os ema na’in ida de’it.

Tanba ne’e sira hamutuk na’in Hitu (07) ne’ebe halo desizaun koletiva, maiória tékniku ema projeitu na’in sira husi estrada, tanba Bekmoong agora trosu estrada nian, tanba ne’e tékniku mak barak liu, aprovizionamentu nain rua deit, restu ema tekniku hotu. Nia hatutan tékniku ne’e mak invole iha laran, sira hamutuk mak deside Baekmoon bele liu kala’e, Sr. Joese Teme ne’e asesor ba Ministru MOP nian, la’os asesor ba aprovizionamentu, aprovizionamentu nein liga asesór ida.

Quintiliano dehan Politika Governuda Ualu, loke plafon ba projeitu hotu, fo sai atu nune’e públiku bele hatene, halo sasan ne’ebe tuir nia dalan, maibe ema barak mak preokupa bainhira halo sasan momos, tanba sira senti ameasadu sira la preparadu ba ita. Nia klarifika rekezitu oinsá mak kompaña sira tenki priense hodi tuir konkursu ne’ebe mak iha rekezitu ne’e iha Sanulu Resin Hitu (17), iha dokumentu Bit no ami nia dokumentu ne’ebe ami fa’an kompletu iha laran, se mak bele lee rekezitu ne’e nia merese atu manan no hetan sotlis, primeiru tenki ba hasai bizit atu sai mandatóriu, laba la lahetan.

Tanba ne’e kompaña Baekmoon manan la’os nia mak hakarak manan barak, maibe Kompaña Baekmoon hola trosu barak liu, nia hetan manan hotu iha trosu sira ne’e, kompaña sira manan ne’e tamba hola derepenti hola deit trosu ida ne’ebe sira manan, la’os hola hot-hotu. DNA realsa tan rekezitu segundu mak tenki iha lisensa iha Timor, lisensa ne’e tenki válidu no moris, mandatóriu lisensa ne’e mak laiha, sei deskolla no dokumentu sei laloke, orsamentu tenki sufisiente atu nune’e bele subtenta ba servisu sira ne’ebe mak halo.

Nia hatutan iha dokumentu ne’ebe ami tau 25% mak ami fo sai, orsamentu ne’ebe mak rai iha banku tenki 25%, sa’e liu $960 Mil ne’e trosu Maubisse no Turiskai mak boot liu, kompaña barak liu mak orsamentu laiha, sira barak hatama duni maibe iha banku ne’e hakerek Ober Book ne’e sinifika Banku dehan orsamentu ne’ebe mak rai ne’e la too 25%.

Quintiliano dehan loke tenderizasaun 1-12 trosu ida ne’e ida-idak ninia baze, se mak mai sosa dokumentu ba trosu ne’e hotu nia iha obrigatóriu atu hatama fila-fali dokumentu, Baekmoon ne’e sosa trosu sanulu, nia liu Ualu (08) rua (02) laliu, siknifika Kompaña seluk liu, nia manan Ualu (08) tamba nia sosa barak liu.

Nia dehan prosesu ida ne’e faze segundu primeiru mak halo Sotlis, segundu agora tama aprezentasaun terseiru mak sei hela rua mak Kompaña 1-2 ne’ebe sei hili ba responsablidade ne’e nia prosesu seidauk iha. Tamba ne’e mak saida mak Tempu Timor hakerek ne’e lalos, seidauk iha inisiu katak, Baekmoon atu manan prosesu sei la’o hela. (BT)