DÍLI----Governu Austrália liu husi Programa Workforce Development Timor-Leste (PWDTL), fo apoiu fasilidade hanesan Komputadór, Mákina Foto kópia no apoiu mós Material Konstrusaun nian ba governu Timor-Leste. Objetivu Governu Austrália Fo apoiu liu husi SEFOPE hodi rehabilita edifisiu, atu nune’e Funsionáriu sira bele utiliza hodi halo atendimentu ho dignu ba Juventude sira ne’ebé mak iha interese ba kursu lian Korea iha Bekora.

Sekretáriu Estadu Formasaun Profisionál no Empregu (SEFOPE) Julião da Silva agradese ba Governu Austrália iha Timor-Leste ne’ebé mak fó apoiu material konstrusaun no sasan sira seluk hodi nune’e bele fasilita ba funsionáriu sira ne’ebé mak atende ba joven sira ne’ebé mak iha interese ba tuir formasaun lian Korea no Inglesh.

“Agradese ba governu Austrália ne’ebé suporta ona SEFOPE atu nune’e bele hadia kondisaun ne’ebé mak infrenta, hodi halo hela fatin atu nune’e bele fo tratamentu ne’ebé mak dignu ba funsionariu servisu nain sira, ne’ebé kandidatu sira atu ba Austrália no Korea nian,” dehan Sekretáriu Estadu Formasaun Profisionál no Empregu (SEFOPE) Julião da Silva, hafoin rehabilita edifisiu (DNE’E) ba Jornalista sira iha Edifisiu Formasaun lian Korea iha Bekora, Kinta-Feira (26/09).

Governante ne’e hatutan buka meius oinsá atu hadia fatin sanitáriu atu nune’e kandidatu sira bele mai utiliza, tanba agora kandidatu sira aumenta tan mai husi munisipiu sanulu resin rua inklui mos RAEOA. “Tanba durante fatin ne’e ladun sufisiente ba funsionáriu sira, tanba kandidatu ne’ebé barak los, la’os ida ne’e deit, maibe mos ita sei buka Orsamentu atu nune’e bele hadia mos fatin saniatáriu atu nune’e kandidatu sira bele mai bele utiliza fatin ida ne’e ho diak,” Tenik nia

Nia dehan Joven no timoroan sira ne’ebé mak iha interese mai tuir formasaun iha ne’e bele utiliza ba fatin sira ne’e ho diak, liu-liu atu fasilita ba ita nia funsionáriu SEFOPE nian atu nune’e bele fo atendiemntu ne’ebé mak ho dignu. Tanba ne’e apoiu ho tékniku sira fo finansas ne’ebé hola ekipamentu, ita nia estudante sira ne’ebé tuir formasaun iha Sentru Senae Bekora no Sentru Tibar ne’ebé mak mai halo Solda, Pinta, Nahe, Listrik no buat sira seluk.

Governante ne’e akresenta Sentru ida ne’e hanaran Diresaun Nasionál Empregu Exteriór (DNE’E), uluk departamentu deit, agora ita fo pexu nia sai hanesan Dirensaun Nasionál ida, tanba nia atendeimentu ne’ebé mak barak liu lahanesan ho uluk. Alende ne’e mos Embaixadór Austrália ba Timor-Leste Peter Robert argument programa ida ne’e sei kontinua importante liu programa ida ne’e diak ba Timor-Leste no Austrália.

Nia dehan tanba Timoroan bele hetan esperensia ne’ebé atu ba servisu iha Austrália, hodi bele hetan rendimentu no dezenvolve kapasidade depende ba Timoroan atu produs produtu kualidade ne’ebé diak iha Austrália. Embaixadór Peter informa iha programa ida ne’e Timor-Leste mos manan Australia mos manan, tanba ami hakarak kontinua nafatin ba programa ida ne’e.

Nia esplika tinan ida ne’e timoroan 1500 ne’ebé mak ba programa ida ne’e, ami hakarak atu kontinua nafatin ba programa ida ne’e ho diak liutan ba fututru oin nian, atu nune’e joven sira bele iha kuñusimentu ba servisu iha Austrália hodi nune’e bele fila mai timor hodi dezenvolve Timor. Tanba ne’e programa ida ne’e importante duni ne’ebé mak servisu iha Austrália, antes timoroan fila mai Timor-Leste, fila lori ho Osan no kapasidade, no ami hakarak suporta nafátin. (BT)