SUMATERA UTARA----Family Trip Jornalista Timor oan na’in 10 ne’ebé kompostu husi media imprimi, eletronika no online halo vizita ba air terjung situmurum ne’ebe lokaliza iha sentru Danau Toba.

Tan ne’e Jornalista na’in 10 ne’e mak hanesan, Jacinta Siquera (STL), João Guterres (Díli Post), Florindo Calunha (Timor Post), Pedro Alves (INDEPENDENT), Françisco Poto Oqui (Business Timor), João Basilio da Costa (Media Timor), Evandes Lopes (RTM), Renato (Tafara online) no Ezequel das Neves. ne’e viagem do’ok tebes no hare fatin turistiku sira ne’ebe mak ho furak no bele atrai turizta hosi nasaun estranjeiru sira.

Tuir Pedro Alves, hanesan FamTrip jornalista hosi Independente, Haktuir katak hanesan FamTrip Jornalista Timoroan sente kontenti tebes ho programa ne’ebe mak hosi Ministeriu turizmu Indonesia fo oprtunidade ba jornalista timor oan sira hodi halo observasaun ba turistika indonesia liliu iha Sumatera Utara no especial iha Air terjun Danau Toba.

“Hau espera katak ho oportuidade ida ne’e diak tebes hodi hare no observa fatin turizmu sira iha Sumatera Utara hodi bele fo hatudu ba Timor atu oinsa bele hadia fatin turizmu sira iha Timor-Leste no oinsa mos bele promove diak liu tan fatin turizmu sira entre rai rua (Indoesia no Timor-Leste) nomos sai hanesan referensia ida ba hau rasik liliu ba TL oinsa bele dezemvolve disak liu tan turizmu sira iha Timor leste,”tenik Pedro Ximenes ba jornalista iha ró danau Toba Sabadu (14/09/).

Nia dehan, fatin turizmu sira iha Indonesia liliu iha Danau Toba ne’e fatin turizmu ne’ebe mak furak tebes no hola parte iha nivel Internasional nian tamba durante loron rua tiha ona hare fatin turizmu sira mesak diak deit no buat hotu preparadu hanesan “ bainhira ami ba hare fatin sira sempre iha restaurante, Haris fatin prepara hotu kedan iha dalan, no saida-saida mak presiza iha fatin turizmu ne’e kompletu ne’ebe ami ba hare ne’e atrai teb-tebes” katak nia.

Alende ne’e mos Xefe Kasubbit Area IBB Pengembangan Pemasaran regional III, Herbin Sarangi, husu ba jornalista Timoroan na’in sanolu ne’ebe sae ro iha danau toba vizita ba air terjung ne’e hare didiak, observa didiak no bele enjoy ambiente danau toba ho diak hodi nune’e fila ba Timor ho istoria katak Air terjung iha Danau Toba ne’e furak tebes.

Nia dehan, Danau Toba ne’e foho bo’ot ida ho nia vulkanu ne’e super erusaun tebes maibe depois vulkanu mosu hotu iha tinan rihun 75 ne’e liu tiha entaun to’o sai tiha logoa bo’ot ida no agora sai hanesan fatin turizmu ida ne’ebe interasante tebes. Nune’e lagoa ne’e hetan akontesimentu ne’ebe mak iha tempu rihun 75 liuba ne’e kuaze bo’ot tebes no toba ne’e mak super erupsaun ona tamba nia vulkanu ne’ebe mak maka’as tebes iha Indonesia.

Nia haktuir tan, danau toba ema barak sempre mai vizita hanesan Family Trip jornalista Timoroan mai vizita ne’e, sira mai vizita danau ne’e dpois ba sa’e ba vizita tan air terjung tamba danau toba ne’e la’os adanau deit maibe iha mos air terjung bo’ot ida kuaze nia naruk ne’e 30 metros tuna mai danau ne’e.

Alende vizita delegasaun ne’e la’os mai hare deit maibe sempre vizita hotu haris mos iha ne’e tamba ema mai vizita gosta air terjun ne’e
“Tamba ne’e mak FamTrip vizita ne’e hetan mos akompana husi Kasubbit Aarea IBB Pengembangan Pemasaran regional III, Herbin Sarangi, ho nian espoza no oan mane, familiarization media TL, sa’e ro iha area Simalungun ba to’o air terjung kuaze lori oras hat nian laran,” informa Sarangi. (BT)