DÍLI----Embaixador Indonesia ba Timor-Leste Sahat Sitorus Hatete Timor-Leste presiza dezemvolve fatin Turizmu sira hahu hosi baze hafoin mak bele hare ba iha turismu boot sira. Tanba Timor-Leste ukun an tinan sanulu 19 ona maibe TL sei depende nafatin ba mina tamba ne’e hanesan KBRI, Timor-Leste la presiza dezemvolve fatin turizmu husi bo’ot maibe tenke hahu hosi turismu komunitariu ne’ebe mak iha.

“Hau dala barak ona hau sempre fo Hanoin bebeik ba governu, atu dezemvolve setor turizmu iha Timor-Leste Tamba hau hare turizmu sira iha ne’e mesak didiak deit la presiza dezemvolve ne’e bo’ot kedan maibe tenke hahu hosi ki’ik mak foin bele ba bo’ot ne’e,” informa Kedutaan Besar Republik Indonesia, Sahat Sitorus ba FamTrip Jornalista Timoroan sira depois de hasoru malu FamTrip hato’o agradese ba Kedutaan besar, iha Farol, Kuarta-Feira (18/09).

Nia dehan fatin turismu sira ne’ebe iha Timor-Leste iha potensial tebes maibe governu to’o oras ne’e seidauk dezenvolve tanba to’o agora governu sempre hanoin liu atu dezenvolve turizmu ne’ebe boot. “Nune’e Fatin turizmu sira iha TL kuaze sia ka sanulu mesak interesante tebes deit maibe governu seidauk iha hanoin atu dezemvolve sira hahu hosi baze I sira hakarak dezemvolve bo’ot kedas hanoin ida ne’e sei han tempu naruk,” katak nia.

Sahat dehan durante ne’e Kedutaan Besar sempre kolia bebeik ho governu inklui kria mos workshop kona b Turizmu iha Timor-Leste atu oinsa bele dezenvolve diak liu tan, tanba turismu iha Timor-Leste potensial tebe. Nia afirma katak durante Timor-Leste ukun an tinan 19 ona maibe hare fatin turizmu sira iha ne’e abandonadu tebes, nune’e Timor-Leste Durante ne’e uza osan fundu Petrolifeiru mak dezemvolve infraestrutura ka uja ba bens do servisu deit.

“Tan ne’e TL la presiza dezemvolve fatin turizm sira ho bo’ot maibe neneik deit mos diak, tamba hau hare hanesan Ainaro, Same, Aileu, Maubise sira ne’e kuaze mesak didiak deit maibe hau hare governu seidauk iha hanoin atu dezemvolve fatin sira ne’e,” katak nia. Embaixador klarifika katak durante ne’e Governu mos dezenvolve ona bemanas maibe governu lolos ne’e tenke tau seguransa ida iha ne’eba hodi hare no ema sai tama tenke selu ona taxa nune’e mos prepara kanting ki’ik oan sira ba visitante sira hodi bele fo reitas ba komunidade nomos governu.

“Tamba ne’e la’os fatin turizmu sira deit maibe hanesan aeroportu sira hanesan iha munisipiu sira mos bele dezemvolve ona, hare Oe-cusse, Suai sira ne’e diak ona neneik-neneik ita sei buka par route balun ba ne’eba,” katak nia. Nia hatete iha transporte Aero hanesan Dili no Kupang laiha maibe ohin loron konsege establese ona inklui ho kondisaun Aeroportu Oecusse Governu Indonesia mos sei tau rote ida oinsa bele fasilita liu tan pasajeiru sira iha Munisipiu refere.

“Hanesan ohin dehan katak governu mos tenke prepara fatin turizmu sira ona atu hadia tamba ne’e route sira tama ona iha munisipiu sira ne’e, ema turista mai ne’e la’os mai iha kota maibe sira mai ho objetivu atu hare fatin turizmu sira ne’ebe mak interesante,” katak nian.

Ho politika ne’ebe Governu Indonesia iha liu husi Embaixada Indonesia iha Timor-Leste hodi servisu hamutuk ho Ministeriu Turismu Indonesia hodi indika Media sira visita direitamente ba iha fatin ne’ebe potensial iha Indonesia hodi bele sai referensia ba Timor-Leste. Alende ne’e Sitorus mos husu media nasional sira ne’ebe mak tuir ona FamTrip Jornalista nian ba iha Indonesia tenek hakarek halo didiak nune’e ema hotu bele le’e no abele mos aplika tuir referensia ne’eba foti hosi indoesia ne’eba.

“Hau husu ba media nasional sira ne’ebe mak ba tiha ona Indonesia, sei la sala ba daruak ona, iha ne’eba m,ai hakereke informasaun sira kona ba tuirzmu iha Indonesia tenke hakareke halo didiak nune’e ema ssira ne’eba mak le bele komprenede ddiak liu tan,” Informa Sitorus. (BT)