DÍLI----VIII Governu Konstituisionál liu husi Ministériu Reforma Legislativa no Asuntu Parlamentares (MRLAP) Fidelis Manuel Leite Magalhães koordena liu husi Banku Nasionál Komérsiu Timor-Leste (BNCTL) no Banku Central, atu nune’e bele fo asesu kréditu diak ba sidadaun timoroan sira.

Tuir Ministru Reforma Legislativa no Asuntu Parlamentares (MRLAP) Fidelis Manuel Leite Magalhães hatete Governu sei koordena ba BNCTL no Banku Central atu nune’e bele fo kréditu ba sidadaun sira, hodi bele asesu ba finansiamentu hodi loke sira nia emprejas atu halao diak.

“Hau rasik servisu liu husi BNCTL no koalia ona koordena ba Banku Central, atu bele fo mekanismu oferta ba sira ne’ebé mak diak liu, atu bele fo asesu kreditu ne’ebé mak diak ba ita nia komunidade sira,” dehan Ministru Reforma Legislativa no Asuntu Parlamentares (MRLAP) Fidelis Manuel Leite Magalhães, hafoin remata ekontru ho instituisaun relevante sira iha Edifisiu Tradelnvest Kolmera Díli, Kinta-Feira (05/09).

Governante ne’e hatutan tenki asegura ba ita nia sidadaun sira, iha asesu ba finansiamentu atu nune’e bele loke sira ninia emprejas hodi bele la’o ba oin. Tanba iha Timor-Leste emprejáriu no iha Banku Internasionál barak, maibe barak ne’e lafo fali ba sira nia kréditu ba ita nia komunidade sira, ita nia sidadaun iha Timor, maibe osan sira ne’e sira sei lori hotu ba rai liur ne’e lalos.

Fidelis informa hanesan 1 Miliaun sira fo imprestimu ne’e 100 Miloens hanesan ne’e, ne’e nia eskándalu ne’ebé mak boot, ida ne’e ita tenki koalia ho sira atu nune’e sira bele fokus hodi orienta depósitu ne’ebé mak sira atu hetan, no fatin balun hodi fo fali ba kréditu, atu nune’e bele finansia ba ita nia Setór Privadu sira no empreja sira bele moris.

Tanba ne’e konsidera hirak ne’e mak VIII Governu mos liu husi Banku Nasional Comersiu Timor-Leste (BNCTL), no kolaborasaun liu husi Banku Cenral, fo eskema garantia kréditu ida ne’ebé mak Banku Central avansa ona ho projeitu pilotu 4 Miloens no futuru sei hare tan dalan atu aumenta. MRLAP konsidera Sidadaun sira ne’ebé mak rai ladun folin labele halo jaminan Banku Central bele tama no bele partilla hodi fo jaminan ba sira kolateral ba sira, atu nune’e ema bele hetan asesu kréditu.

Fidelis dehan Governu nia hare oinsa bele lori motor mos ba bele halo jaminan ba foti osan, karik problema ho rai motor sira ne’e bein moves sira mos bele sai jaminan. Nia klarifika ida ne’e importante atu asesu ba kréditu ne’e importante, atu hadia liutan ekonómia Timor-Leste, ita tenki hare lalais ba lei rai no propriedade, lei iha ona maibe ita presiza liutan, agora lei subsidiária sira ita sei rona husi justisa atu nune’e bele implementa no opersionaliza implementasaun lei ba rai nian. (BT)