DÍLI----VIII Governu liu hosi Ministeriu Koordenador Assunto Ekonomiku (MKAE) konvoka reuniaun Ida ho SEFOPE, SEA, SEKoop no Ekipa Hosi MTCI hodi define programa preoridade orsamentu 2020.

Tuir MKAE Fidelis Manuel Leite Magalhães hatete reuniaun ida ne’e halo ho Sekretariu Estadu ne’ebe maka iha Ministru Koordenador ninia supervizaun maka hanesan Sekretariadu Estadu Formasaun Profesional no Empregu (SEFOPE), Sekretariu Estadu Meu-Ambiente (SEA), Sekretariu Estadu Kooperativa (SEKoop) no Aumesmu tempu mos ekipa hosi MTCI nian atu bele mai hamutuk par depois hare lala’ok hahu desde tinan kotuk to’o agora halo diskusaun ba kle’an liutan kona-ba preoridade orsamentu 2020.

“Ohin hau nu’udar Ministru Koordenador Assunto Ekonomikus (MKAE) Interinu, konvoka enkontru ida kona-ba oinsa bele define preoridades programas ba tinan 2020 importante tebes ba Ministeriu sira liliu pilar ba ekonomikus nia okos, atu bele iha dialogu konverziu ho sira para labele kria duplikasaun fokus liuba implementasaun hodi garante katak buat ne’ebe mak ita sei halo, sei la’os hanesan programa sira ne’ebe mak sei monu lakon le’et deit maibe programa sira ne’ebe iha duni impaktu ne’ebe diak ba ita nia populasaun.

“Ita hatene ita presiza halo preoridade ne’ebe diak ita tenke halo definisaun ba programa ne’ebe di’ak hodi nune’e tau orsamentu ne’ebe ho diak ba ejekusaun programa prioridades hirak ne’ebe atinji ita defini tiha ona,” hateten ministru Fidelis Manuel Leite Magalhães ba jornalista sira depois de reuniaun iha salaun TradeInvest, Vera Cruz, Tersa-Feira (03/09).

Nia informa semana oin sei enkontru ho ajensia sira hanesan AIFAESA, TradeInvest, SERVE, atu sira hotu ba iha prosessu servisu ba iha tinan oin, avalia sira nia lala’ok i hadia sira nia presepsaun servisu ba tinan oin para nune’e sidadun sira bele hetan satizfasaun ka servisu hirak ne’ebe maka entidade publiku hirak ne’e priesta ba sira. “Konsidera tempu badak foin lala’is ita hari’I instituisaun hirak ne’e, konsidera I avansus ne’ebe positivu maibe nune’e maske iha avansu ne’ebe positvu ita tenke kontinua hadia nafatin prestasaun servisus ita nian,” katak nia.

Nia haktuir, entidade hirak ne’ebe mak iha Ministru Koordenadór Asuntu Ekonómiku (MKAE) nia okos ne’e dever ministru nian atu ezize nafatin par hadia nafatin sira nia servisu, hadia sira nia rekursu umanus ne’ebe iha, hadia jestaun ne’ebe mak sira iha instituisaun ne’e, I hadia mos maneira ke sira iha ka sira halo hodi fo no hodi trata ita nia sidadaun. Alende kona-ba programa preoridade nian iha ne’e tanba iha sekretariadu tolu nomos sira ohin hanesan AIFAESA, TradeInvest, SERVE sei hasoru malu tiha depois foin mak hare programa saida-saidak mak sei tau preoridade ba tinan oin 2020 nian.

Ne’ebe ohin hanesan konvoka reuniaun ho sekretariadu sira para oinsa sira bele prepara programa no define programa nomos tau programa ba tinan oin nian saida-saida mak atu halo. Nune’e mos semana oin sei konvoka reuniaun ho ajensia sira hamutuk na’ain sanulu (10) hanesan ne’e, ne’ebe ba preoridades MTCI hahu ida pur ida, hosi MTCI preoridade ida ne’ebe mak hosi MKAE I Preoridade ida maka tama Organizasaun Mundial Komersiu.

“Ba MTCI ita hare ba proridades ne’ebe mak agora prinsipal maka Turizmu, ho Industria, ba iha Komersiu depois tanba komersiu ne’e ita fa’an, so ita fa’an sasan ona mak aban bainrua ita bele fa’an ne’ebe preoridade imidiatu turizmu ho Industria,” Afirma nia. Nia afirma, “Preotidade ba Turizmu tanba agora dadauk estrada komesa la’o diak ona, be’e mos komesa ba fat-fatin sira komesa iha dadauk ona, ne’ebe ita presiza hadia buat balun maibe ita komesa bele hahu ona planea atu nune’e turizmu bele avansa ba oin,” informa Fidelis. (BT)