DÍLI----Relasiona Eventu ne’ebe mak organiza husi Governu Indonesia liu husi Ministru Turismu Indonesia nian hodi realize eventu promosaun ba Area Arte, Kultura no Turismu iha Flores, iha eventu ne’e Timor-Leste sai nudar Konvidadus Espesial iha Eventu ne’e.

Maske eventu ne’e lao ho simples iha Profinsia Flores maibe delegasaun Timor-Leste Kompsotu husi Agensia Travel 10 inklui mos Media tolu mak hola parte maibe konsege lori Timor-Leste nia naran boot iha eventu refere.

Husi prezensa agensia Travel husi Timor-Leste nomos Media Timor-Leste nian sai orgullu boot ba iha populasaun Flores tanba liu husi eventu promosaun Turismu Flores (Florata) hetan prezensa husi nasaun Vizinu Timor-Leste. Tuir vice Governador Mangarai (Flores) Maria Geong hateten katak liu husi prezensa Timor-Leste sai Orgullu boot ida tanba bele promove mos potensialidade entre nasaun rua hanesan Timor-Leste nomos Indonesia (Flores).

“Ita sente Kontenti tanba iha eventu ida ne’e konsege marka prezensa husi Nasaun Timor-Leste maske antes ne’e hola parte mos iha Indonesia,” dehan vice Governador Mangarai (Flores) Maria Geong iha eventu promosaun area Turismu ne’ebe halao iha kabupaten Flores Tersa-Feira (30/06).

Nia esplika katak tuir politika Governu Central nomos liu husi karta Deklarasaun Governador Mangarai nian hodi hili profinsia Flores mak sai uma nain ba eventu promosaun area Turismu iha Flores konsege konvida nasaun rua hanesan Timor-Leste nomos Filiphina. “ Eventu ne’e ita konvida nasaun rua hanesan Timor-Leste no Nasaun Filiphina, maibe Filipina laiha maibe Timor-Leste konsege marka prezensa no sai orgullu boot ida ba ita Flores,” katak nian.

Nia dehan liu husi prezensa Timor-Leste sei hafanun liu tan Populasaun Sira iha Timor-Leste bele halao visita area Turismu sira iha Flores tanba iha profinsia Flores iha area Turismu barak mak hanesan Illa Padar, Illa Kawana, Illa Komodo, inklui mos fatin sira seluk tan.

“Hau hanoin Timor-Leste nia prezensa Importante tebes iha eventu espozisaun Turismu ida ne’e no espera ba oin populasaun husi Timor-Leste sei visita barak liu tan iha profinsia ida ne’e,” dehan nia.

Vice Governador Mangarai (Flores) Maria Geong mos hateten katak laos deit Populasaun sira husi Timor-Leste deit mak halao visita ba Flores maibe husi eventu ne’e bele lori mos populasaun Flore bele halao mos nia visita ba iha Timor-Leste liu-liu iha area Turismu sira ne’ebe Kuinesidu iha Timor-Leste.

Iha biban ne’e mos Repzentante Ajensia Largrima Travel Timor-Leste Angelo Viegas de Araujo prezensa Timor-Leste iha espozisaun ba promosaun Turismu iha Flores ninia tanba iha Fulan hirak liuba Wonderfull Indonesia realize enventu ida iha Timor-Leste ne’ebe servisu hamutuk ho Ajensia travel sira hodi halao promosaun ba area Turismu Indonesia no Timor-Leste.

Liu husi eventu ne’ebe realize iha Timor-leste konsege kria amizade hodi konvida ajensia Travel sira ne’ebe halao atividade iha Timor-Leste hodi partisipa iha Eventu Espo Florata refere. “Foin lalais WonderFull Indonesia mos foin lalais loke espo ida iha Timor Plaza kona-ba turismu ne’ebe mak iha Labuan Bajo, no husi ida ne’e mak konvida Timor-Leste hola Parte iha espozisaun ida ne’e,” dehan Angelo Viegas de Araujo ba jornalista sira iha fatin Espozisaun Labuan Bajo Foin lalais ne’e.

Nia dehan liu husi prezensa Timor-Leste nia iha espozisaun ne’e oinsa bele foti esperensia balun husi Labuan Bajo hodi nune’e implementa fali iha Timor-Leste tanba Timor-Leste mos nudar nasaun ida ne’ebe mak potensial mos ba area Turismu.

Iha cermonia abertura ba espozisaun Florata konvida mos Timor-Leste hodi partisipa iha abertura liu-liu kona-ba entrega sistema Kultura ne’ebe mak sira halao. Partisipa iha sermonia ne’e ekipa delegasaun husi Timor-Leste halao mos paseu hodi hare Illa estratejiku sira hanesan Padara, Illa Kawana, Ilha Rinca, Illa Komodo nomos Fatuk Lalenok.

Delegasaun hirak ne’e mak hanesan Alice Maria husi Obrigadu Tour no Travel, Angelo Viegas de Araujo husi Lagrima Travel, Flora de Araujo Franco Husi Fast Tour no Travel, Astuti Soares husi Iana Tour, Anarela Dos Santos Mendosa Husi Uno Travel Dili, Veonita Amena Dos Santos Husi Gesano Tour and Travel, Cesarina Maria XImenes husi Fatubesi Travel, Veydora Maria Brazao Oliveira husi TimorPost, Pedro Ximenes Husi Media Business Timor, Evanio Cesaltino Orange Tour and Travel, Franky husi Ace Travel, Iman Hanafi husi Antika Travel, Madalena Horta Husi STL, Andrie Taufan Asmara Husi Media Timor. (BT)