DÍLI----VIII Governu liu husi Ministériu Obras Públika (MOP) preokupadu tebés, tanbá Ponte Mota Ulun Komoro seidauk harii waihira tempu udan bele fó afeitadu tebés ba Transporte Públiku ne’ebé mak dadauk hala’o sira nia viajen tama sai Munisípiu mai Kapital Díli.

Relasiona ho ponte refere ne’ebé mak seidauk hari MOP iha planu hodi hari tanbá liu husi ponte refere husi Munisípiu hat mak liu hala’o viajen atu ba Munisípiu.

Tuir Ministériu Obras Públika (MOP) Salvador Eugénio Soares Dos Reis Pires hatete senti Preokupadu tebés tanbá Mota Ulun seidauk iha ponte mota tun sei afeita tebes ba Transporte Públiku wainhira sira hala’o sira nia viajen ba mai Munisipiu no mós Kapital Díli ne’e sira labele.

“Tanbá ne’e MOP nia esforsu ba atende lalais infelismente iha muda Estrada sorin balun hodi transporte sira bele liu, MOP halo ona atuasaun hodi hasai foer sira ne’e” dehan Ministériu Obras Públika (MOP) Salvador Eugénio Soares Dos Reis Pires hafoin remata Debate iha uma fukun Parlamentu Nasional (PN), Tersa-Feira (19/03).

MOP Salvador informa katak Estrada liga ba Manleu nian no mós iha Lahane, ne’e Foho sorin balun monu MOP preokupadu tebés dadersan kedas Vise ho Prezidenti hodi mobiliza atu atende lalais, iha Lahane nian ne’ebá, atu fó asesu liga ba Munisípiu hat nian mak hanesan Aileu, Same, Ainaro inklui mai Díli.

Governante ne’e dehan total númeru ne’e lubuk ida saida mak ami hetan kordena kedas informa prezidenti Asosiaun Jestaun Ekipamentu oinsá mobiliza ekipamentu halo atuasaun.

Nia dehan iha tempu badak atu aprezenta Kosellu Ministru maibé lei nee’ebé mak iha ne’e MOP presiza los mak ida ne’e, MOP sei tenta hela ida fali tan mak dekretu lei ba poluisaun okupasaun ba area sira ne’ebé mak proividas hanesan ba dezastre naturais, Mota iha Tasi ibun inklui ba Foho lolon sira ne’ebé mak ita nia komunidade okupa hela. Tanbá ne’e normalmente husi MOP hetan relatóriu hanesan emerjensia ba informasaun informal liu husi media sosial liu husi mensazen atraves ba buat sira ne’e. (BT)