DÍLI----Kompañia Timor Food nudar Kompañia Nasional ida ne’ebé harii iha tinan 2000 wainhira Timor-Leste ukun a'an no to’o ohin loron konsege emprega ka fó servisu ba timoroan 600.

Diretór Kompañia Timor Food James Jong hateten traballador sira ne’ebé kompañia emprega kompostu husi kontraktor (Borong) nomós funsionáriu permanente ne’ebé mak halo knar iha kompañia Timor Food.

“Karyawan hanesan kontaktu nomós staff permanente no sira ne’ebé kontraktu (borong) bainhira ró tama sira mai servisu balun iha ró no balun iha Armajen hamutuk 300 inklui mós permanente mós kuaze 300,” dehan Diretor Kompañia Timor Food James Jong ba BT foin lalais ne’e.

Nia esplika funsionáriu permanente ne’ebé mak servisu okupa pozisaun sira hanesan Jestor, Operador, Kondutor, Atendimentu Kliente inklui mós to’o staff bai-bain no halo komparasaun ho staff sira husi rai liur numeru kiik tebes.

“Ba staff permanente sira ne’e hola pozisaun hahu husi Manajer, Operador, kondutor, atedimentu ba kliente sira no to’o ba iha staff bai- bain. Kona ba traballadores husi Indonesia ladun barak tanba traballadores estranjeiru ema na’in 5 ka nain 6 de’it,” katak nia.

Nia afirma katak liga ho situasaun impase politika iha Timor-Leste maske iha kompañia balun konsege hasai nia funsionáriu sira tanba rendimentu menus hodi labele selu funsionariu sira maibe iha kompañia Timor Food numeru funsionáriu sira la’ós tun maibe kontinua aumenta ba beibeik wainhira mosu impase politika.

Rajaun Timor Food kontinua aumenta nia funsionáriu sira tanba kompañia sei kontinua haboot nia negósiu iha Timor Leste ba oin ho nune’e kompañia konsege halo rekrutamentu tan funsionáriu sira hodi tuir formasaun hodi prepara rekursu ba espasaun negósiu ne’ebé kompañia iha.

“Kona ba tinan kotuk iha kompañia balun konsege hasai nia staff maibe ami kompañia Timor Food Laiha tanba iha tinan 2018 ne’e ami nia karyawan aumenta tanba ami planu atu halo espansaun ba ami nia negósiu tanba agora mai fo formasaun hela ba staff permanente sira, Uluk iha tinan 2017 ami nia karyawan ne’e ladun barak liu-liu permanente tanba iha momentu ne’eba ami iha staff permanente 200 resin maibe agora ami sa’e ona ba 300,” afirma nian.

Nia mós dehan kompañia Timor Food harii liu husi mehi ne’ebé iha no durante tinan 5 nia laran konsege hamosu tan kompañia Perisos no ohin loron kontinua mehi atu loke tan negósiu balun oinsa bele kria kampu servisu ba Timoroan sira rasik.

“Alende ne’e mos ami mos fo formasaun ba staff permanente sira hodi prepara di’ak liu tan sira tanba ami mos planu atu harii tan bisnis foun iha Timor–Leste, Tanba husi mehi ne’ebé iha Timor Food Harii tan kompañia Perisos tan ne’e agora ami planu tan atu hetan mehi ne’e hodi harii tan bisnis balun hodi bele emprega timoroan sira rihun ida,” katak nia.

Tan ne’e target ba futuru Timor Food hodi emprega joven sira atu servisu to’o rihun ida inklui mos sei ajuda ema oan kiak sira. No husi mehi refere kontinua fo badinas servisu tanba kompañia la’ós atu buka lukru de’it maibe tenke kontribui mos ba nasaun liu liu tenke sai masin no naroman.

Nia dehan liu tan katak mask ho mehi atu emprega numeru timoroan sira ne’ebé iha maibe sei hasoru problema tanba antes ne’e kompañia balu mos hasoru problema ne’ebé mak iha.

“Tan ne’e espera katak kompañia barak mak harii iha Timor Leste liu rihun ida hanesan Timor Food mak sei minimize numeru dezempregu, ha’u fo ezemplu iha nasaun Thailandia de’it ema rai nain de’it la to’o atu servisu no tenke presiza tan husi rai liur hodi halo servisu iha Thailandia,” informa nian. (BT)