DÍLI----Liuhusi reuniaun Konsellu Ministuru semana liubá Banku Dezenvolvimentu Aziatiku tiku (ADB) halo aprezentasaun hodi fahe métodu atu halo previzaun ba lala’ok dezenvolvimentu Timor-Leste nian iha futuru.

Tuir Ministru Reforma Lejislativa Asuntu Parlamentar Fidelis Magalhães katak, Konsellu Ministru rona aprezentaun husi ADB ne’ebé fahe sira nia métodu kona-ba oinsa atu halo previzaun ba futuru iha lala’ok dezenvolvimentu nian.

“Konseluu Ministru rona de’it informasaun ne’ebé ADB iha no aplika ho sira nia parseiru sira iha rejiaun kona-ba vizaun jeral ba dezenvolvimentu oinsa ita define iha futuru no halo esforsu atu bele atinji iha future nia aprosimasaun la’ós tau futuru dook maibé ita defini tiha future maka foin halo fali metodu aprosimasaun mai kotuk atu nune’e bele define di’ak liu tan lala’ok dezenvolvimentu iha tempu naruk nia laran,” dehan Ministru Fidelis ba Jornalista sira hafoin enkontru KM iha Palasiu Governu (12/02).

Nia dehan, ida ne’e aprezentasaun ida ne’ebé informativa tebes, loke diskusaun no hanesan lori ai-han barak ba hanoin atu nune’e lihusi ida ne’e governu bele diskuti kona-ba lala’ok di’ak liu tan atu oinsa bele objetivu sira dezenvolvimentu nian atu atinji planu estratéjiku dezenvolvimentu no oinsa apar ho kondisaun real iha tempu naruk.

Kualker governu ida bainhira hala’o nia knar iha objetivu ida atu hadia povu nia moris iha futuru ho ida ne’e husi tempu ba tempu governu hanoin tur hamutuk hodi hanoion future saida maka hakarak. Ho nune’e ida ne’e abstrata atu halo redefinisaun diskusaun kona-ba futuru.

Ministru ne’e esplka, apoiu ne’ebé durante ne’e ADB fó maka hanesan estrada maioria liu ba infrasturura ida ne’e mai husi koopersaun ADB no iha modalidade tolu maka iha diskusaun hanesan Grant katak osan ne’ebé fó de’it hanesan nasaun ida ne’ebé simu apoiu ne’ebé maka sira fó.

“Ida maka impréstimu soft katak, impréstimu ne’ebé maka ho funan ne’ebé di’ak liu maibé funan ne’e hanesan forma sira apoiu ita tanba sira apoiu ita nia dezenvolvimentu tanba ne’e maka sira fó impréstimu ida ho funan kiik tebes no funan ida ne’e hanesan sira apoiu ita.” Esplika nia.

Ida maka sira fó apoiu mai ita tuir dalan kréditu babain ne’e nia funan hanesan funan merkadnu nian. “Agora akbe ba ita TL atu desidi apoiu ne’ebé ita simu husi ADB ne’e ida ne’ebé maka sei fó vantajem ekonómiku mai ita” dehan nia.

Iha dikusaun maka kualker desizaun ne’ebé governu hola tenke di’ak ba governu no nasaun nia dezenvolvimentu. “Agora ita tenke haree nia funan hira no selu oinsa no nia periodu ita atu selu oinsa ida ne’e maka governu presiza diskuti klean liu tan ba futuru atu nune’e kualker obsaun ne’ebé ita hili sei fó vantajen liu ba TL,” tenik nia. (BT)