DÍLI----Iha reuniaun Konsellu Ministru hahú halo ona ajudikasaun kontratu ba konslutor sira atu tau matan ba prosesu implementasaun no projetu supervizaun, konstrusaun melloramentu manutensaun ba estrada nasional husi Baucau ba Venilale no husi Venilale ba Viqueque.

Prosesu refere hahú kedas aprovizionamentu iha tinan kotuk Komisaun Nasdional Aprovizionamentu hodi mai KM no projetu nia nain maka Ministériu Obras Públika (MOP) .Tanba projetu ne’e liu $ miliaun 5 sei hato’o mós ba Kámara de kontas hodi kompleta prosesu.

“Estensaun ida ne’ebé hala’o ho klean no aprosimadamente 58.27 km, no importante ligasuan entre municipiu iha ponta leste no iha capital Díli, nia prosesu aprovizionamentu hahú no sa’e makaas iha tinan 2007 ne’ebé sei finanasia husi ADB,” dehan Ministru Estado Presidencia Konsellu Ministru Agio Pereira hafoin reuniaun KM iha Palasiu Governu (13/02).

Ho nune’e Ministru Obras Públika Salvador Pires hatete, ida ne’e prosesu ona mai KM atu deside no formalilza dezisaun ne’e. “Iha ne’ebá kompaña lubuk ida maka tuir prosesu pre kualifikasaun, to’o tuir tender na’in neen ida depois to’o avalisaun nop sei haruka ba ADB atu haree fali avaliasaun sira ne’ebé halo,” informa nia.

KM mós desidi ona katak, atu fó tempu ituan hodi halo revizaun ba prosesu ne’e tomak hafoin aprosima MK nian maka foin foti desizaun. “Total ormanetu ne’e ho total $1.5 milhoens ne’e ba konsultor sueprvisaun ba estrada Baucau no Viqueque,” katak nia. Ministru hatete, orsamentu ne’e impréstimu mai husi ADB estrada Baucau, Venilale no Viqueque kuaze $ miliaun 32 ho konsultor ne’ebé maka sei deside husi KM bazeia ba prosesu tenderizasaun ne’ebé CNA halo iha tinan 2017.

“Ohin prosesu final mai aprejenta iha KM atu hatete manan na’in maka se atu nune’e bele ofisializa tiha tanba husi prosesu ida tenderizasaun avaliasaun iha CNA,” informa Ministru. Nia afirma, normalmente ADB mós fó impréstimu no obra sira ne’e tenke iha konsultor, supervisor ne’ebé maka diariamente halo supervizaun ba projetu estrada ne’e rasik.

Governante ne’e informa, bainhira selesiona ona konsultor supervisor ne’e tenke komesa ona no Ministériu finansas mós tenke fó pareser legal Low atu nune’e ADB mós disponibiliza osan ne’e atu nune’e bele hahú ezekuta. “Kontratu hotu ona iha kestaun kiikida ne’ebé MOP husu atu CAN atu tau tan iha kontratu ne’e depois prosesu ne’e hotu iha tempu badak bele tama iha kontratu no mobilize nia konstrusaun” tenik nia. (BT)