DÍLI----Kompaña Heineken Timor, S. A Hamutuk ho Asosiasaun Empresarial Mulher Timor Leste (AEMTL) no Primeira Dama Inagura kios hitu ne’ebe mak hili husi AEMTL mak Maria Sousa Amaral-Hera, Maria Dias da Costa-Hera, Juliana D. S Macedo-Aimutin, Elisa S. D. Reis-Santa Cruz, Carmen P. De Jesus-Camea, Becora, Isabel das D. Tilman-Becora, no Rosalia B. da silva-Tibar hodi ajuda sira kondisaun moris povu nian iha vida negosiu.

Iha serimonia Inagurasaun kios hitu ne’e hetan partisipasaun direita husi Diretor kompaña Heineken, Presidente AEMTL Asesor Prinsipal Primeira Dama no Sekretaria ba Igualdade Konkluzaun (SIK) Maria Jose Fonseca.

Iha serimonia inagurasaun simples ida ne’e Diretor Kompaña Heineken Vinay Mathur hateten nu’udar parte husi inisiativa sosial responsabilidade kompaña Heineken nian ho parseria AEMTL atu ajuda feto maluk desempregu ne’ebe sustenta ema barak ho meius ida ne’ebe sustentavel tamba Kompaña hahu fo apoiu kios ba maluk feto sira iha 2016 hodi hari kiosk iha uma laran ka besik husi familia nia uma atu fornese sasan kreditu kios nian hodi fa’an nomos hamutuk ho Sekretaria Estadu ba Igualdade no Konkluzaun fornese formasaun ba maluk feto sira atu jere negosiu diak liu tan.

Iha Inagurasaun ne’e kompaña Heineken ho AEMTL no Primeira Dama hamutuk ho Sekretaria ba Igualdade no Konkluzaun sei esforsu hodi suporta loke kios no fornese produtu ba maluk feto sira hodi hahu negosiu rasik i harii ona kios hitu ne’e feto maluk empresaria sira hetan mos treinu husi AEMTL kona ba oinsa atu hala’o sira nia negosiu i oinsa mantein kontas no AEMTL mos tulun hodi fo sasan balun atu hahu negosiu to’o bele jere mesak, dehan Diretor kompaña heneiken ba jornalista sira, iha Santa Cruz-Dili, sexta (8/02).

Diretor kompaña Heineke dehan, Heineken iha Timor Leste iha kompromisiu atu tulun komunidade lokal no dalan ida liu husi programa ida bolu “programa lokal Empresaria ba Komunidade Empoderamentu’’ hodi fornese ba maluk feto sira ne’ebe iha esperiensia susar ho liberdade ekonómiku iha vida umana i la’os deit fornese ba sira ka sira nia familia balansu ida maibe mos desemvolve jerasaun tuir mai ne’ebe forte, uma-kain ida ne’ebe feto iha rendimentu, oan sira nunka hamlaha no iha tempu ba edukasaun ne’ebe propriu.

Nune’e Heineken fiar ho kontrbuisaun ki’ik oan ida ne’e bele permite iha negosiu ne’ebe sei hadia sira nia moris nomos hadia sira nia familia no komunidade sira iha vida negosiu i importante mos enkoraja a’an diak liu tan ba vida negosiu ho fuan.

No ikus liu kompaña Heineken hahu programa hakbi’it komunidade ida ne’e ho objektivu atu ajuda no hadia kondisaun moris povu nian liliu atu fo liberdade ekonomia ba feto sira ne’ebe iha sofrimentu triste pesoal, laiha apoiu ruma maibe iha oan no inan-aman ne’ebe dependente ba sira.

Biban ne’e mos Sekretaria ba Igualdade no Konkluzaun (SIK) Maria Jose Fonseca hatutan tan, ohin loron feto maluk sira hetan apoiu husi Heineken liu husi AEMTL nu’udar apoiu ida ne’ebe atu bele impodera ita bo’ot sira hotu nune’e bele hahu ita hotu nia moris, atu hadia ita nia vida ekonomia tamba feto Timor ita sempre hasoru problema finanseiru i dala barak mos ita hasoru violensia tamba ita hakarak presiza hadia no sustenta familia maibe ho ekonomia finanseiru laiha.

Tamba ne’e feto maluk presiza atu hakore ita nia a’an, presiza atu hetan apoiu finanseiru liu husi inisiativa ekonomikamente ne’e ita bele hakotu, ita bele desidi saida maka diak liu ba ita nia a’an ho nune’e hau husu agradesementu ba organizasaun sira ne’ebe laran luak fo apoiu ba feto maluk sira iha timor ne’ebe presiza teb-tebes apoiu hodi hadia sira nia vida.

“Nune’e hau husu mos ba AEMTL nu’udar Organizasaun ida ne’ebe moris halibur feto Timor sira ne’ebe ho espritu imprendedorismu i neste momentu situasaun Timor-Leste hatudu katak Konstituisaun da Republika maske garantia ona ita hotu nia oportunidade atu partisipa aktiva prosesu dezemvolvimentu,” tenik nia.

Nia dehan, Liu husi partisipasaun ekonomia maibe realidade hatudu katak dala barak ita hetan obstaklus dezafius barak ne’ebe relasiona ho ita nia situasaun valores ka situasaun kultural ne’ebe ke la fo oportunidade ba ita sei ita hakat observa ka espriensia rasik, ita nia kultura adat sira la fo opotunidade ba ita atu hetan asesu ba rai.

Nune’e rai nu’udar kapital ida ke importante teb-tebes atu uza nu’udar garantiha ba feto maluk sira atu hetan asesu kreditu iha banku tamba dala barak kestaun ida ne’e feto sira barak iha inisiativa diak la konsege hetan oportunidade no konfiansa husi organizasaun sira ne’ebe ke kriditu tamba laiha kapital hanesan garante.

“Tamba ne’e AEMTL agora loke ona ho ki’ik oan ida ne’e kontinua loke liras liu tan hodi bele halo nia funsaun hanesan feto sira ne’ebe ke bele desemvolve ekonomia ho idustry sira ne’ebe ke ki’ik oan ba fali iha eskala menengah nomos bele ba to’o leten diak liu tan”.

Tuir mai representa familia feto KIOS hitu Elisa S. D. Reis hateten katak hau agredese ba Apoiu tomak ne’ebe mak husi Heineken ho parseria AEMTL bele haforsa hau hodi bele kontinua buka negosiu ki’ik ba hau nia familia no liliu ba hau nia oin sira nia edukasaun ba futuru oin mai, tenik nia.

“Ho nune’e hau garante katak Kios ne’e sei bele dudu hau ba oin nu’udar feto ida ne’ebe ho inisiativu ba negosiante iha rai ida ne’e tamba hau sei kuidadu kios ne’e ho diak i bele desemvolve ba oin tan”. dehan nia. (BT)