DÍLI----Kompana Timor Food nudar kompana ida ne’ebe mak hari’I iha tinan 2000 ho nia atividade mak halai liu ba iha negosiu liu-liu sai nudar Importador nomos distributor ba Fos ho marka Globus ne’ebe oras ne’e Kuinesidu iha Timor Leste.

Tan ne’e Kompana Timor Food Promete katak kontinua fornese fos ho Marka Globus ho folin baratu ba publiku tanba durante ne’e maioria povu sira mak konsumu fos ho marka Globus.

Tuir Diretor Kompana Timor Food James Jong hateten katak Maske situasaun politika mosu iha Timor-Leste Volume Importasaun Fos husi Kompana Timor Food kontinua lao estavel ho rajaun tanba tau preokupasaun liu ba moris povu nian hodi kontinua importa foos nune’e bele hatan ba povu sira nia prekupasaun moris nian.

“Volume Importasaun fos husi Kompana Timor Food nia kontinua estavel tanba Knar Bisnis iha hau nia rasik, Bisnis laos buka untung deit tanba knar ne’ebe iha konfiansa husi Povu, Husi Ami nia kliente hahu kedas iha tinan 2000 tanba fos Marka Globus kuinesidu iha Timor Laran desde iha 2000,” dehan diretor Timor Food James Jong ba BT iha nia knar fatin foin lalais ne’e.

Nia esplika katak maske durante ne’e hetan lukru uituan deit husi faan fos maibe tanba nesecidade povu nian nomos knar Negosiu nian hakarak ka lakohi tenke importa fos hodi hatan ba prekupasaun povu kiik sira nia halerik.

“Durante ne’e ami halo negosiu ba fos laos atu buka Untung maibe nudar parte ida atu atende necesidade povu nian tanba fos ne’ebe mak ami faan ami hetan lukru uituan deit tanba kada saka ida ami untung mak centavus sanulu (0,10 cent) deit tanba imi bele husu ba sira ne’ebe hatama foos sira sei la kontenti tanba la hetan lukru maibe iha sasan seluk ita bele hetan untung makas liu halo komparasaun ba fos,” esplika James.

Nia dehan durante ne’e kompana faan fos Globus ho folin baratu to’o ohin loron tanba maioria povu kiik barak mak sosa fos marka refere maske iha tinan 2 nia laran mosu problema politika hodi halo kompana barak tauk hodi importa maibe Timor Food Kontinua halo importasaun tanba hare ba povu sira nia moris.

“Kona ba fos Globus durante ne’e povu kiik mak barak sosa no hau tau nia folin baratu, segundu mak ita hare katak iha tinan kotuk to’o agora ligadu ho ita nia problema politika povu paniku inklui kompana sira ne’ebe importa fos mos tauk hatama fos maibe ami kontinua importa fos agora iha armagen 20.000 tonelada,” dehan nian.

Nia mos dehan maske situasaun lao iha rai laran kompana kontinua prepara fos Globus ho stok ne’ebe mak iha hodi faan ho folin normal ba publiku tanba fos Globus ho todan 25kg ho folin $11,25 no 20Kg ho folin $9,25.

Nia klarifika katak tanba knar no moral ba povu Timor leste Timor Food kada fulan sempre halo importasaun fos husi nasaun tolu mak hanesan Thailand, Vietnam no Pakistan no kada fulan bele halo importa liu tonelada 5.000 to’o 10.000 tonelada maibe depende ba povu nia presiza.

Tan ne’e nia informa katak to’o agora Kompana Timor Food nafatin prepara Stok foos ho sufisiente hodi responde ba Merkadu rai laran liu-liu povu sira iha Timor leste. Tan ne’e atu taka nia promote katak sei nafatin responsabilidade moral ba povu Timor Leste hodi fornese Folin Fos Globus ne’ebe mak baratu nomos ho fos ne’ebe mak diak atu bele sosa. (BT)