DÍLI----Tuir observasaun hosi Camará Comerciu no Industria Timor-Leste (CCI-TL) nia hare’e ba tratamentu governu nian ba setór Publiku, Privadu no Kooperativa la iha diskriminasaun, tanba governu sempre fo apoiu hanesan ba setór tolu ne’e.

Presidente CCI-TL Oscar Lima hatete, CCI-TL hanesan parseiru importante governu nian, ne’e dunik konaba tramentu hosi governu ba setór publiku, setór privadu no setór kooperativa, tuir CCI-TL nia hare’e hanesan (normal).

“Ami hanesan parseiru importante governu nian, ne’e dunik atu koalia konaba tratamentu governu nian ba setór publiku, setór privadu no setór kooperativa, tuir ami nia hare’e normal. tanba seidauk iha rajaun ka keixa ruma hosi setór tolu ne’e konaba ida ne’e, ne’e dunik koalia konaba tratamentu ba setór tolu ne’e, tuir ami nia hare’e to agora ne’e diak teb-tebes” dehan Oscar.

Ne’e dunik ba nia setór privadu hotu-hotu diak, maibe sei iha problema ituan maka konaba buat kikuan sira, hanesan pratikamente sistema pagamentu hosi governu. Maibe intermus jerais (no seu todo) governu ho CCI-TL diak teb-tebes no la iha problema, tanba CCI-TL sempre hetan apoiu barak tebes hosi governu konaba treinamentu no seluk tan, nomos parseiru internasional sira seluk inklui Banku sira.

“Maibe atu dehan governu fo apoiu hanesan ou lae i ida ne’e ita seidauk hatene, maibe tuir hau nia hare’e iha valansu. Tanba setór tolu ne’e governu sempre fo apoiu,” informa Presidente CCI-TL Oscar Lima ba BT iha nia knaar fatin. Setór importante tolu ne’e nu’udar parte ida importante tebes atu kontribui ba hadi’a ekonomia nasaun nian no lori Timor-Leste atu diversifika ninia ekonomia tanba durante ne’e nasaun foun ne’e ninia ekonomia dependente de’it ba mina no gas. (BT)