DÍLI----Bankada Opozisaun iha Parlamentu Naional (PN) vota kontra reapresiasaun ba Orsamentu Jeral Estadu (OJE) 2019 ne’ebé antes ne’e Presidente Repúblika Francisco Guterres Lu-Olo veto hodi haruka fali ba iha PN tanba orsamentu refere la fó benefísiu ba povu nia moris.

Tan ne’e iha iha loron 31 fulan Janeiru 2019 liu husi uma fukun Parlamentu Nasional halo reapresiasaun ba OJE ne’ebé iha, hatudu katak Opozisaun kontinua vota Kontra tanba husi votasaun hatudu votu afavor 40, kontra 25 no abstensaun 0.

Iha diskusaun reapresiasaun ba OJE 2019, iha proposta númeru 2 ba Ministériu Petróliu no Rekursu Minarai hetan redusaun hodi hasai orsamentu Millaun $650 ne’ebé hetan saldo ho koresaun $28.757. Antes ne’e Orsamentu Jeral Estadu (OJE) 2019 ho montante biliaun $2.1 no hafoin halo alterasaun montante orsamentu redus ba biliaun $1.4.

Orsamentu Ministériu Petroliu ho mudansa total ba ministériu nian saláriu no vensimentu $318, bens servisu $1.239, transferensia públika $38.747, total $30.364 hafoin hetan alterasaun husi proposta númeru 2. Bankada Opozisaun vota kontra OJE 2019 tanba rajaun laiha dalan atu halo.

Tuir Presidente bankada Fretilin Aniceto Guterres hatete, hafoin rona ho atensaun husi intervensaun PM katak maioria PN lakohi hadia orsamentu ne’e tanba ne’e sira nia parte kontra. “Fretilin rona ona intervensaun husi PM inklui mós bankada governu katak, laiha dalan atu hanaruk, tan ne’e hatudu katak laiha dalan ona atu hadia orsamentu tanba ne’e ami vota kontra,” dehan nia liuhusi dikusaun ba reapresiasaun OJE 2019 iha uma fukun PN (31/01).

Sira nia parte kontra, tanba pozisaun refere atu halo diskusaun sériu atu fó duni kumpriemtu ba konstituisaun ne’ebé orgaun ida ne’e presija atu iha diálogu ne’ebé espesífiku ho orgaun ezekutivu atu bele hatene lolos oinsa bele hatan rekomendasaun Xefi estadu nian ho maneira efikas, nune’e bele fó satisfasaun ba orgaun soberania hotu liu-liu bele asegura intrese povu nian.

Iha fatin hanesan Deputadu Adérito Hugo da Costa husi Bankda CNTR hatete, Polítika diversifikasaun ekonómika nasional tanba ne’e maka hasoru malu iha fulan hirak liu ba, iha posibilidade halo alterasaun lei atividade fundu petrolíferu nian atu ajusta lei sira ne’ebé invigor ho nesesidade nasaun nian.

“Tanba ne’e maka ita bele diskuti ba mai atu fó sustentabilidade ba dezenvolvimentu no progresu la’o tanba ita la’os la’o husi jero maibé kontinua obra ne’ebé iha ona ho osan povu nian tanba ne’e ita tenke matenek atu halo jestaun ba polítika atu dezenvolve nasaun ida ne’e ba oin,” esplika nia.

Nia dehan, kestaun konfiansa povu nian poder polítika ohin la hetan aban sei bele hetan maibé soberania estadu bainhira lakon ne’e lakon total ona tanba ne’e maka obra boot ne’ebé investe ida konsitente ba kontinuasaun obra ida ne’e maka Vitoria ne’ebé mana husi fronteira maritime entre TL no Australia.

“Vitoria ne’ebé ita manan ita hetan ona postu Greater Sunrise atu iha dalan los lori mai fó benefisiu ba dezenvolvimentu diversifikasaun ekonómika ne’ebé ita tau hela tanba ne’e ita tenke iha konsistensia hodi kuidadu obra ne’ebé inverste ona tanba obra ne’e halo ho povu nia osan no halo husi konfiansa husi orgaun demokrátiku sira ita la halo tuir ita nia hakarak obra hirak ne’e ho folin karun no ho lejitimidade povu nia fiar,” nia firma.

Ho nune’e Primeiru Ministru Taur Matan Ruak hatete, nia fiar katak PR nia veto la’os ho intensaun atu fó kbit deputadu sira atu intromente iha atividade pontual governasaun nian. “Iha dala rua de’it ida maka fó hikas ba PR nia esplikasaun maka loke krize ida boot liu tan , segundu halo diskusaun no ha’u apresia partidu opozisaun no partidu aliansa ne’ebé sustenta governasaun ha’u mós apresia maun Boot Xanana nian ne’ebé nia hatete tenke hasai tuir buat ne’ebé Presidente husu ha’u haruka ema dala tolu ka dala hat ba nia,” PM esplika.

Karik PR nia pozisaun ne’e konsidera hanesan intervensaun ida sistemátiku no ema ba hakarak konfrontu ho PR maibé Xanana dehan intensaun PR nian la’os ida ne’e. “Ha’u nia pozisaun hanesan Primeiru Ministru ami nia pozisaun relasiona ho PR nia ejijensia se ita boot sira haree hotu ona ami nia intervensaun hotu-hotu hanesan PR durante tinan lima jatamente hanesan Xefi estadu” nia esklarese.

Xefi governu ne’e mós realsa katak, PR nia koalia hanesan aman ba nasaun no laiha intensaun seluk governu mós fiar PR nia intensaun maka alerta maibé governu mós husu atu fó tempu tanba durante fulan 6 nia laran halo orsamentu rua ho presaun no to’o mai atu halo mudansa ida radikal ne’ebé desrespeitu ba ema hotu ne’ebé servisu iha insituisaun estadu no ema hotu nia sakrifisiu ne’ebé halo to’o ohin loron.

Tanba ne’e sei iha mudansa maibé neneik tanba saida tanba laiha setor ida sei taka setor industri petrolífera atu hatama osan ba fundu petrolíferu ne’e prioridade urujente. “Ha’u lafiar katak edukasaun, agrikultura maka sei fó katurismu maka fó lae tanba ne’e ha’u foin fulan neen ita boot sira labele ejiji buat ne’ebé imi la halo iha tinan 16 nia laran tanba ne’e maka inposível,” tenik nia. (BT)