DÍLI----Ohin loron situasaun politika lao iha Timor-Leste hanesan Orsamentu Jeral Estadu ne’ebé parlamentu Nasional haruka ba iha Prezidente da Republika ikus mai veta orsamentu refere.

Husi orsamentu ne’ebé Veta hakarak ka lakohi funsionamentu makina tenke lao ho orsamentu Duadesimu no husi orsamentu Duadesimu fo impaktu ba makina estadu liu-liu ba salariu funsionariu sira nian tanba iha fulan Fevereiru salariu ba funsionariu sira tenke tarde tanba Ministeriu Finansas tenke halo prosesu ba orsamentu Duodesimu hodi responde ba salariu funsionariu sira nian.

Tuir Ministra Interina Finansas (MF), Sara Lobo Brites esplika katak durante fulan rua hanesan Janéiru ho Fevereiru Funsionáriu Públiku (FP), sei simu osan tarde, tanba Governu sei halo prosesu ba Orsamentu Duodesimál. “Ami preokupa tebes, tanba funsionáriu sira simu osan tarde, maibé ita espera ohin loron sira bele simu ona sira nia saláriu,” informa nia ba jornalista sira iha edefisiu Ministériu Finansas, Aitarak Laran Díli (28/01/2019).

Governante ne’e hatete funsionáriu sira bele foti ona osan, maibé nia parte seidauk komfirma informasaun klaru husi parte tékniku Ministériu Finansas nian, nune’e hatene osan haruka ona iha Banku ka seidauk, posibilidade funsionáriu sira bele simu ona osan iha ohin lokraik, maibé seidauk bele hatene. “Ita nia saláriu iha fulan Janéiru tarde, embora mós sei nafatin iha fulan Fevereiru salariu sei kontinua atraju,” tenik nia.

Entretantu, saláriu ba funsionáriu kompara ho fulan hirak liu ba kuandu tama ona loron 23 ho 24, funsionáriu sira simu ona osan, maibé tinan ida ne’e iha fulan primeiru saláriu atraju. Antes ne’e Ministériu Finansas (MF), liu husi Diresaun Finansa Diresaun Jerál Finansas Estadu, (FDJFE), iha loron 15/01 hahú fahe ona Dotasaun Orsamentu Temporarias (DOT), ba fulan Janeiru nian ho montante U$71.9 milloeñs ba liña ministériál.

Xefe Unidade Sistema Informasaun Integrado Jestaun no Finanseiru (USIIJF), MF, Joanico Pinto, liu husi komferensia imprensa relata MF hahú lansa orsamentu Rezimi Duodésimu ba fulan Janéiru nian ho montante U$71.9 milloeñs, Rezimi Duodésimal ida ne’e MF aplika de’it ba saláriu Bensimentu, bens servisu ho Transfrensia Públika.

“Husi kategoria tolu ne’e ita monu ba iha dotasaun orsamentu duodésimu ho montante U$71.9 milleoñs,” dehan nia liu husi komferensia inprensa iha loron 15/01 fulan kotuk. Xefe USIIJF ne’e esplika, orsamentu ba kapitál menor sei la aplika, tanba nia prosesu ketak, enkuandu OJE 2019 Promulga husi Prezidente Republika foin bele asesu tama to’o iha ne’ebá, inklui mós kapitál dezemvolvimentu.

Nia haktuir Orsamentu ba kapitál dezemvolvimentu la iha mezmu projeitu ne’ebé lao hela maibé persija Governu atu selu iha Janéiru ne’e, konserteja seidauk bele aplika. Tanba ne’e kuandu Governu iha ona OJE foin bele foti no tetu tuir kapasidade ne’ebé iha nune’e selu Projeitu sira.

Bainhira, Orsamentu ne’ebé aloka ba saláriu vensimentu ho montante U$16,671,499 milloñs, bens servisu U$28,972,180 milloens, traferensia públika U$26,231,570 milloñs, inklui ho orsamentu ba fundu kapitál dezemvolvimetu umanu ne’ebé mak atribui iha fulan ida ne’e ho montante U$1,316,175 dollar.

“Ha’u atu informa ba ita boot sira hotu katak, despeza ba DOT fulan Janéiru ne’e ninia aplikasaun hanesan mós ita adopta ona iha 2018, katak montante 71.9 milloñes ne’e aplika de’it ba dentru um mez katak, to 31 Janéiru ita remata no ita sei la lori ba periode seluk, Duodésimu ita taka iha Janéiru de’it,” nia koa’lia.

Tanba ne’e mak ninia regras kona-ba atu utilija hodi gasta osan iha fulan Janéiru ne’e nafatin mantein dekretu lei ezekusuan 2018 ne’ebé iha depois sei iha tan regras balun depois konsellu ministru desidi nune’e fahe tan ba liña ministériu sira hodi fortifika ba lei refere. “Ita aplika DOT ne’e la ses husi lei Orsamentu Jestaun Finanseira ne’ebé hatur iha artigu 31 No 13/2009 ida ne’e ita la ses,” Tenik nia. (BT)