DÍLI----Kompaña Ocean Line Realiza dada rifa sorteiru ba nia kliente sira liu-liu ba produtu Supermi Mie Sedaap iha dada rifa ne’e kliente Mie Sedaap primeiru lugar hodi Manan motor KLX ho CC 125, Beat 2, Gelera 5 inklui mos Televisaun rasik.

Kompaña Ocean Line nudar Distributor ba produtu Mie Sedap husi kompaña PT Wings Food Indonesia ne’ebe ohin loron sai famozu tebes iha Timor-Leste tanba maioria populasaun maka konsumu Produtu refere.

Tuir Diretora Ocean Line Clarisia Lay hateten katak Sedap nudar produtu ida ne’ebe maka sempre gostu nomos nia nudar produtu ida ne’ebe origin husi Indonesia rasik.

“Hau agradese ba populasaun husi munisipiu hotu inklui Oe-cusse sempre sosa Mie Sedap tanba Mea Sedap ba sira origen, Asli Midar no Gostu tebes tanba ne’e hau agradese ba ita boot sira bainhira laiha ita boot sira laiha Ocean Line,” dehan diretora Ocean Line Clarisia Lay iha nia deskursu ne’ebe halao iha Timor Plaza, Sabadu (12/01).

Nia esplika katak Ocean Line kontinua nafatin atu fornese premiu ba kliente sira ba produtu ne’ebe maka Ocean line Distribui iha Timor-Leste tanba Ocean laos deit sai distributor ba Mie Sedap maibe iha mos produtu sira seluk tan. Tan ne’e nia dehan ho premiu ne’ebe iha nudar dalan ida oinsa fo apresiasaun ba kliente Mie Sedap hodi bele kontinua konsumu Produtu refere.

Claricia Lay mos dehan Premiu ne’ebe maka Mie Sedap Fornese maka hanesan Motor 3, Gelera 5 inklui mos televisaun 5. Iha biban ne’e mos Lewi Kurniawan nudar Manager kompaña Wings Food hateten katak ohin loron produtu Mie Sedap sai boot iha Timor-Leste tanba hetan ajuda husi Ocean line tanba Ocean line Nudar Distributor Uniku iha Timor-Leste.

“Hau agrade ba Embaizador Indonesia ba Timor-Leste, Husi Dili Mart inklui ba Diretor Ocean Line Claricia Lay ne’ebe ajuda hodi sirkula Produtu Mie sedap iha Timor-Leste tanba laiha ajuda husi ita boot sira,” katak nian. Tan nia esplika katak oferese Premiu ba kliente Mie Sedap laos primeiru maibe nudar ba dala tolu tanba konsege realize iha tinan 2014, 2017 inklui 2019 tanba Mie sedap konsege distribui ona ba nasaun 80 iha mundu tanba husi kompaña ida husi kompaña boot 5 husi Indonesia .

“Ami nia visi mak kontinua fornese produtu ne’ebe diak hodi publiku kontinua sastifas ho ami nia produtu no objetivu ami nian mak kontinua produtu ne’ebe ho kualidade internasional ho folin ne’ebe ekonomika,” katak nian. Nia mos esplika katak kompaña labele boot bainhira laiha suporta husi kliente tanba kliente maka nudar save importante hodi lori sucesu ba iha kompaña ninia produsaun hodi sirkula nia produtu ba iha merkadu rai laran nomos rai liur.

Ho sucesu ne’ebe iha lori kompana PT Wings Food nia naran lahaluha husu obrigadu wain ba publiku liu-liu kliente Mie sedap ne’ebe maka durante ne’e konsege konsumu produtu ne’ebe iha. Tan ne’e atu taka nia promote katak kontinua fornese kualidade ne’ebe diak ba kliente hotu iha Timor-Leste.

Iha fatin hanesan Embaixador Indonesia ba Timor-Leste Sahat Sitorus hateten katak sente orgullu ho Produser nomor Distributor ba Produtu Mie Sedap ne’ebe maka iha tanba konsege hatudu rejultadu liu husi Rifa ba kliente sira iha Timor-Leste. “Hau sente Orgullu tebes ba eventu ida ne’e tanba konsege fo premiu ba kliente sira tanba ita kolia sempre iha produser nomos Distributor konsege sucesu tebes” katak nia.

Nia mos esplika katak Produtu Mie Sedap laos deit faan iha Timor-Leste maibe iha nasaun seluk mos faan hanesan iha nasaun Arab inklui mos Eropa rasik. Iha biban ne’e Manan nain Aquilis Dias sente orgullu tanba konsege manan Motor ida inklui mos Televisaun ida. “ hau sente orgullu tanba hau konsege hetan Motor ida no Telvisaun ida maibe hau nunka espera ida ne’e,” katak nia.

Nia mos agradese ba kompaña Wings Food inklui mos Ocean Line nia inisiativa ne’ebe konsege realize programa refere. Programa refere realize hetan partisipasaun maksimu husi komunidade sira inklui mos visitante sira ne’ebe visita Timor Plaza. (BT)