DILI----Banco Central de Timor-Leste (BCTL) ohin lansa Relatóriu Trimestrál Fundu Mina-Rai Timór-Leste nian ba trimestre ne’ebé termina iha loron 30 fulan Setembro tinan 2018 iha . Relatoriu ne’e hatudu katak kapitál Fundu nian iha trimestre ikus ne’e mak billiaun US$17,16 kompara ho trimestre dahuluk hamutuk billiaun $16,93.

Tuir Vice Governador Banku Central Timor Leste Venancio Alves Maria hateten katak relatoriu Ikus fundu minarai nian sae ba iha Billaun $17,16 tanba bazea ba totál reseitas mak simu iha trimestre ne’e hamutuk millaun $79,42 ne’ebé kompostu husi kontribuisaun kontribuinte sira ba Fundu hamutuk millaun $64,27 no pagamentu royalty simu husi Autoridade Nasionál Petróleu (ANP) millaun $9,21 no annual pipe line fee millaun $5,94.

Nia mos dehan tan katak Rendimentu husi investimentu Fundu nian ne’e hamutuk millaun $293,72 kompostu husi kupaun no jurus ne’ebé simu mak millaun $89,86, mudansa iha valór merkadu nian millaun $226,35 no movimentu cambiais mak millaun -$22,50 iha trimestre ne’e. 

“Ne’e rezulta rendimentu ba karteira Fundu nian durante trimester ne’e 1,73% enkuantu rendimentu sasukat (benchmark) nian ba periodu ne’e mak 1,73%,” dehan Vice Governador Banku Central Timor Leste Venancio Alves Maria iha lansamentu FM iha edifisiu BCTL Acait kuarta feira (06/11).

Nia esplika mos katak Lei Fundu Mina-Rai nian espesifika katak Jestor Operasional (Banco Central de Timor-Leste), mak hanesan ajente responsavel ba jestaun operasionál Fundu Mina-Rai nian. Ministériu Finansas mak responsabliza atu estabelese estratéjia investimentu tomak kona-ba Fundu ne’e nian. Vice Governador Venancio Alves Maria hateten Banco Central de Timor-Leste jere ona portofoliu besik liu ho pontu referensia iha trimestre dala lima nulu resin tolu dahuluk.

Tan ne’e Diferensia entre portofoliu no pontu referensia hahú husi inísiu fundus nian mak pontu baze 5 (0,05%). Tan ne’e nia mos klarifika katak pontu importante husi Relatóriu Trimestre ba dala LIII, ne’ebé kobre períodu 01 fulan Julhu tinan 2018 to’o loron 30 fulan Setembru tinan 2018, inklui Kapitál Fundus nian mak billiaun $17,16, Osan kontadu brutu fundus nian tama husi konribuisaun kontribuinte, realeza (royalties) hamutuk millaun $79,42, Osan kontadu líquidu ne’ebé sai husi Fundu durante trimestre ne’e hamutuk millaun $144,15.

Nia mos afirma katak husi fundu Minarai ne’ebe mak iha kompostu husi millaun $140 transfere ba Orsamentu Estadu no millaun $4,15 kobre kustus jestaun Nian, Reseitas líkidus durante trimestre ne’e hamutuk millaun -$64,73, Rendimentu portofoliu iha periodu ne’e mak 1,73% kompara ho rendimentu referensia mak 1,73%.

“Relatóriu trimestrál, lei Fundu Mina-Rai nian no mós Akordu Jestaun Operasionál, disponivel iha portal Banku Central de Timor-Leste nia,” informa nia. Iha biban ne’e mos Investimentu Officer BCTL Agostinho Maia hateten katak Retornu Investimentu Fundu Petroliun nian hatudu posetivu iha trimester ikus tanba Ekonomia global ne’ebe ohin loron lao diak tebes iha mundu.

“Hanesan ita boot sira hatene iha Trimestre ida ne’e ita hetan retornu Posetivu iha investimentu liu liu kausa husi indikador ekonomia global ne’ebe mak estavel liu – liu iha estadus Unidus Amerika ne’ebe sira nia indikador forte teb-tebes hanesan Tasa Dezempregu ne’ebe mak kiik nomos politika fiskais sira husi governu nian ne’ebe mak hatun tasa ba kompana sira,” dehan Agostinho Maia.

Nia dehan husi indikador ne’ebe mak iha fo kontribuisaun diak tebes ba dezenpenu kompana sira ne’ebe rejulta folin asaun ne’ebe sae tanba kresimentu Estadu Unidus Amerika nia Kresimentu Ekonomia Ass liu kompara ho nasaun sira seluk. Tan ne’e fundu ekonomiku EUA nia forte nafatin maske Federal Reserve (FED) EUA nian hamenus Flexibildade Polika Monerariu, Dadus hatudu ekonomia EUA nia kria servisu iha Mediu 185,00 kada fulan durante trimester ne’e, Mediu husi ema sira ne’ebe maka rejista ba benifisiu dezempregu nian mos tuna ba Nivel ne’ebe kiik liu iha tinan barak nian laran, Taxa desempregu agora tuna ba 3.7%.

Tan ne’e , Fed hasae sira nia taxa juru husi 2% ba 2,25% iha setembru , marka aumenta bad ala tolu tutuir malu kada trimester iha tinan nee. Alende hasae taxa de jurus iha setembru, FED mos reafirma sira nia projesaun hodi sae taxa de juru dala ida tan ba tinan ida ne’e no dala tolu iha 2019 karik dadus ekonomiku suprota, Fed mos aumenta tan sira nia projesaun kreismentu ekonomia EUA nian husi 2.8% ba 3.1% iha tinan 2018 no 2.4 ba 2.5% iha 2019.

Alende ne’e mos Agostinho afirma tan katak iha regiaun Asia mos hanesan indikador ekonomia hanesan Japaun, Korea, sira nia indikador ekonomia posetivu maske nune’e liu liu ba tinan ida ne’e nia laran no iha fulan 3 ikus ne’e TL iha espektativa volutidade merkadu ne’ebe sei as tanba sei kausa husi eventu sira hanesan disputa komersiu iha nasaun boot sira hanesan Estadus Unidus Amerika ho Cina ne’ebe mak agora lao hela liu liu tau tarifa ba sasan importasaun no esportasaun ninian hodi kauza volutidade iha merkadu.

Nune’e mos iha Uniaun Eropia ninian ne’e Renu Eropa deside atu sai husi Uniaun Eropia no negosiasaun lao hela no TL espera katak nia rejultadu bele tuir nafatin Estativa Merkadu ninian ne’ebe ohin loron iha. Alende ne’e kona ba Investimentu TL iha Bons no Equety iha nasaun ne’ebe laos uza Moeda Amerika Tuir Agostinho katak Investimentu Bons no Equity por volta 30% mak laos moeda Amerika, tan ne’e bainhira Valor Moeda Amerika sae fo impaktu negativu ba TL nia investimentu no Nasaun sira ne’ebe mak TL investe laos Moeda Amerika mak hanesan Japaun, Korea nomos nasaun seluk tanba nasaun ne’ebe laos Uza Moeda Amerika ne’ebe TL investe liu nasaun 22 ne’ebe mak iha. Tan ne’e Maske iha Merkadu Mundial Timor Leste Posetivu maibe iha nasaun sira ne’ebe laos Dollar Nia kambial negative millaun $22. (BT)