DILI----Seitor privadu rai laran, ohin loron hatudu tan sira nia halerik ba publiku liu - liu ba iha governu no estadu Timor Leste tanba iha investimentu balun ne’ebe mak emprezariu rai laran halao ohin loron balun a naben (Bankrut) tanba laiha protesaun husi Estadu no governu.

Investimentu balun ne’ebe mak seitor privadu rai laran halo hanesan Investimentu Material Infrasntrutura liu produs rai henek, Fatuk britas maske seitor privadu sira investe liu Millaun $2 resin ohin loron la folin iha Timor Leste tanba Kompana Estranjeiru sira ne’ebe kaer Projetu Governu nian liu liu uza osan Imprestimu, Governu kontinua fo mos licensa ba kompana sira hodi produs rasik rai henek no Britas ba kontruksaun Estrada sira iha Timor Leste.

Maske projetu hirak ne’e antes atu lao konsege kompana hakbesik ona ba iha Seitor privadu rai laran ne’ebe investe iha area refere atu sosa rai henek no Britas maibe governu fo licensa ba kompana ne’ebe kaer obra hodi produs rasik ikus mai konsege komprimisiu kompana la konsege realize. Tuir Emprezariu Oscar Lima nudar Diretor Monte Viado hateten katak durante ne’e iha timoroan balun konsege halo investimentu iha Minarais maibe la iha protesaun husi governu ohin loron naben ka Bankrut.

“Ita kolia kona ba investimentu Ema tau ema nia osan nia tenke hare katak tinan 5 mai nia iha retornu ka lae no nia tenke halo estudu ida ne’ebe klean hodi hare ba investimentu ne’ebe iha, Agora prezentimente ita kolia lolos timoroan barak teb-tebes halo investimentu iha rai laran kona ba material kontruksaun tanba ema barak halo investimentu Kontruksaun ne’e bakru hotu maske gasta osan ba investimentu liu Millaun $2 resin paradu no bankrut hotu,” dehan Oscar Lima foin lalais nee.

Nia fo rajaun katak Investimentu iha material kontruksaun oin loron barak mak bankru tan kompana sira ne’ebe hetan fiar kaer projetu no governu kontinua fo licensa mos hodi halo produsaun ba material kontruksaun hodi halo investimentu ne’ebe timoroan sira investe la folin iha Timor Leste.

“Rajaun Bankrut tanba Cina Sira ne’ebe mai kaer Projetu boot sira no Boron halo rasik produsaun ba rai henek, Britas ba projetu sira no laiha protesaun husi governu tanba governu fo tan licensa ba sira hodi halo rasik no la sosa investimentu Ne’ebe mak timoroan sira halo ona tanba ne’e sira loke oportunidade timoran sira nian investimentu labele kompete ona tanba osan ne’ebe investe lakon tiha ona,” ketiona nia.

Tan ne’e Prezidente CCI-TL Sujera ba governu atu tau atensaun ba problema refere hodi nune’e bele hakbiit seitor privadu rai laran tanba investimentu Material laiha atensaun ka protesaun husi governu durante ne’e. “investimentu refere mos laiha atensaun ka protesaun husi governu mos laiha tanba sira fo licensa liu ba sira ne’ebe implementa projetu, Halo komparasaun ho rai selu ema halo hau fo ezemplu hanesan Nasaun Indonesia Protesaun material ba ema ne’ebe halo investimentu tanba ema nia investimentu osan ne’e tenke fila fali maibe Timor Leste tenke hare didiak ida ne’e.

Bainhira ema halo investimentu laiha atensaun no protesaun oinsa investimentu ne’e osan fila no laiha mak ida ne’e susar tebes no lakleur ema halo investimentu ema bankrut hotu,” klarifika Oscar Lima. Maske antes ne’e iha Programa Governo Konstitusional sai hanesan instrumentu polítiku ida, ba tinan lima, nebé reflete aspirasaun povo timor nian no mós fó sai medidas prioritárias ba dezenvolvimentu sustentável, hanesan define ona iha ‘Planu Estratégiku Dezenvolvimentu 2011-2030’.

Ezekutivu ida ne’e, durante nia mandatu, sei kontinua kontribui ba transforma Timor-Leste, país ida nebé iha rendimentus ki’ik ba país ida ho rendimentus médios-altos, pís iha nebé populasaun moris iha seguransa nia laran no saudável, instruída no próspera.

Programa Governu nian inkorpora (katak, tau mós) roteiro (dalan) nebé Timor-Leste define tiha ona atu kumpri (ka implementa) “Ajenda 2030 ba Dezenvolvimentu Sustentável, husi Nasoens Unidas”, roteiro ida nebé dezenvolvidu (ka halo) ho baze iha Planu Estratéjiku Dezenvolvimentu, hodi artikula ninia metas ho prioridades ho “Objetivus Dezenvolvimentu Sustentável (ODS)”, atu bele atinje progressus nebé konkretus ba dezenvolvimentu sustentável.

Ajenda Global ida ne’e iha 17 ODS, nebé buka hatán ba nesesidades emar-nian, hodi realsa katak labele iha ema ida nebé husik hela iha kotuk, atu garante futuru nebé diak liu ba timoroan sira hanesan ba mundu tomak.

Alende iha VIII governu Konstitusional nia programa ne’ebe estimentus iha kapital sosial, ho objetivu atu harí sosiedade saudável no instruída, no ho nune’e bele hatán ba nesesidades sosiais povu-nian no bele hamosu forsa-de-trabalhu atu bele disponível ba dezenvolvimentu País nian.

Investimentus nebé aloka iha infrastruturas ho hanoin atu kontribui ba ekonomia ida ke buras, interligada no sustentável. Ami iha planu kompletu iha infrastruturas, ba konstrusaun portus, aeroportus, estradas, bé-mos no saneamentu báziku iha rai-laran tomak, nebé sei implemente ho dinâmika foun ida, iha tinan 5 mai né.

Investimentus iha dezenvolvimento ekonómiku sei ajuda Timor-Leste atu kria ekonomia moderna, diversifikada no próspera, liu husi konstrusaun iha setores industriais estratéjikus, ho kbiit atu transforma. Agrikultura, peskas, pekuária no rekursus florestais mak fonte de rendimentu no ba alimentasaun, buat rua krusiais ba dezenvolvimentu nebé, ho tán hadi’a no haboot empreendedorismu, sei kria oportunidades barak ba dezenvolvimentu iha indústria.

Turismo presiza tama iha prioridade investimentu, atu bele kapitaliza (fó valor) ba ninia beleza, ninia diversidade no atu aproveita lokalizasaun jeográfika País nian. Nune’e mós, investimenu atu transforma kosta-sul ba sentru petrolíferu rejional ida – projetu Tasi Mane – ne’e sai hanesan aposta ida nebé brani, nebé sei lori impaktus ekonómikus multiplikadores ba munisipius hotu-hotu to’o sukus no aldeias tomak. Parte importante iha prosesu konstrusaun Estadu no Nasaun, mak atu garante soberania total da Rai. (BT)