Jacinto Baros GusmãoDILI----Polítika Ministeriu Comerciu Industria (MCI), garantu orsamentu Duo-désimo funsiona makina estadu, banhira orsamentu geral do estadu (OGE) 2018 seidauk hetan aprovasaun.

Vice Ministru Comerciu Industria, Jacinto Baros Gusmão hatete orsamnetu dou-désimu ne’e atu funsionamentu makina estadu liu liu iha ministeriu ne’e nia laran hanesan salariu no bems servisu inklui atividade seluk nebe iha relasaun ho lei ne’e.

“Orsamentu dou-désimu ne’e Ministeriu Comerciu Industria hetan um pontu quatru noventa milloes hodi gastu fali ba fulan rua nia laran ne’e, Liu husi orsamentu ida ne’e (dou-désimo) ne’e la inklui ba kapital dezenvolvimentu nomós kapital ba infrastrutura nian, Maibé orsamentu ida ne’e so selu de’it ba salariu ho bem servisu liu liu halaí liu ba viajen lokál no estranjirus, Nune’e mós atu selu Assessor, funsionariu kontratadu ho funsionariu permanente sira inklui hare mós ba atividade hanesan workshop inklui atu hadia edifisiu ho mós ekipamentus servisu nia,” dehan Vice Ministru ne’e ba BT iha nia knar fatin Mandarin Dili sexta 11/01.

Nia informa, orsamentu ne’e ho montante $1.490 milloes ne’e sufisiente atu uza ba fulan hirak nia laran. Governante ne’e informa, liu husi orsamentu dou-désimo nebe mka iha hodi funsiona makina estadu hanesan iha Ministeriu Comerciu Industria ba ninia funsionariu permanente duzentus quarenta seis no tenpurariu hamutuk duzentus oitente oitu.

“Total ita nia funsionariu hanesan permanente iha ministeriu ida ne’e hamutuk duzentus quarenta seis ho funsionariu tenporariu ne’e kuaze duzentus ointenta oitu. Husi funsionariu sira ne’e durate ne’e servisu permanente hotu, agora atu selu mak funsionariu sira nebe kontratatu.

Tanba ita servisu iha estadu liliu iha komerciu industria no koperativa, ita presiza sira, tanba durante ne’e sira mak hallo atendementu ba ita nia komunidade sira,” nia lamenta. Barros haktuir liu tan katak, atu halo kontinuasaun ba politika ne’e depende ba governu liu husi orsamentu nebe iha hodi hein ba OGE tinan 2018 nian.

Tan e’e mak iha fulan rua ou tolu oin mai mak orsamentu geral estadu 2018 nia la pasa nafatin politika governu sei uza nafatin orsamentu dou-désimo ne’e. Nia klarifika orsamentu dou-désimo ne’e laós hetan aprovasaun husi Parlamentu Nasional, maibé orsamentu ne’e mai husi lei gestaun finanseiru publiku, tanba ida ne’e lei fo viban ba governu hodi ezekuta.

Vice ne’e akresenta tan katak, kuandu banhira orsamentu geral estadu tinan ne’e iha no hetan aprovasaun bele mós muda osan dou-désimo ne’e tuir lei. Tanba ida ne’e fo viban ba governu VII para uza orsamentu tinan kotuk nian ba funsionamentu nafatin makina estadu iha ministeriu nia laran ne’e. (BT)