DÍLI----Governu liu husi Ministériu Komersiu Industria (MKI) planu ona iha tinan 2018 sei halo tan Timor Plaza II, objetivu atu akumula negosiante Kampu Alor Kolmera ho Tais Market hodi ba faan iha fatin refere.

Ministru Antóni da Conseicão hatete, kona-ba komersiu iha rai laran nia komesa hahu ona halo kontaktu ho investedor internasional ida husi nasaun Xina sei halo Timor Plaza 2 parte komoro besik Terra Santa nian.

Iha plaza ida ne’e sei halo desmoblizasaun ba vendedores sira ne’ebé agora dadaun faan hela iha Kampu Alor sei desmobiliza husi ne’eba nune’e mos vendedores sira faan telephone sira iha Kolmera dalan ninin sira ne’e atu bele hasai tanba kria barullu tanba parte ne’ebé besik liu ba iha Palasiu governu persiza organiza.

“Ida ne’e nia investimentu kapaital ne’e posivelmente bele han too tokon $20 ha’u sei asina akordu ne’e iha Janeru nune’e mos sei halo identifikasaun ba vendedores sira atu bele ba halo aluger ba fatin ne’ebé atu halo dadaun ne’e,”deha Ministru ne’e ba jornalista sira iha Salaun CCD, iha semana hira liu ba.

Governante ne’e dehan, nune’e mós terseira Plaza ne’ebé sei halo iha Bekora ida ne’e sei negosia hela tanba iha fatinkomerial tolu ne’ebé importante hahú ona atu halo desmobiliza hodi halo sentralija de’it ema hotu iha Dili laran ne’e ladun di’ak. Planu sira ne’e iha ona no investedor nia hasoru ona maibé nia tenke proativu hodi bele identika didi’ak ema sira agora dadaun iha Kampu Alor hamutuk Indonezia sira iha hira no inklui mós bazar tais tenke ba hotu fatin ne’eba.

Tanba saida tenke halo hanesan ne’e tanba ida e’e atu halo sai sentru turistiku nune’e ema sira ne’ebé tun husi ró iha ona fatin atu lori sira ba halo kompras ruma ne’e bele dehan reseitas ba estadu ne’e komesa iha dadaun ona. (BT)