OE-CUSSE----Relasiona ho implementasaun Zona Especial Ekonomia Merkadu Sosial sai aprsia boot ida ba Presidente Repúblika (PR), Francisco Guterres “Lú-Olo” ba projetu ne’ebé la’o dadauk iha Rejiaun Administrativa Espesial Oe-Cusse Ambenu (RAEOA).

“To’o iha faze ida ne’e povu Oe-Cusse reprezenta nia-an liu husi projetu sira ne’ebé halo dadauk ne’e diferente barak ona, ha’u foin mai vizita, mais foin to’o iha Aeroportu Internasionál, eskola Estrada no mós parajem ho kualidade ne’ebé di’ak,”dehan PR Francisco Guterres “Lú-olo” ba Jornalista sira iha Aeroportu Internasionál Palaban, Oe-Cusse, Sesta (09/06).

PR Lú-olo haktuir, Estrada sira ne’ebé maka halo iha Oe-Cusse ne’e ho kualidade di’ak, no nia durasaun bele to’o tinan lima nulu no ninia manutensaun to’o tinan lima. “Entaun ida ne’e ha’u haree kualidade di’ak, no bu’at hotu integradu, laiha buat ida maka halai keta-ketak, halo buat sira ne’e pronto dala ida de’it, labele ida seluk mai sobu ida seluk nian ho tau fali ninian, mais lae buat hotu integradu,”Afirma Lú - Olo.

Nia mos dehan katak ba implementasaun projetu hotu la’o iha Oe-Cusse hanesan Aeroportu Internasional sei remata iha tina 2018 remata ona no aviaun boot sira sei tun hotu iha Oe-Cusse, tanba Aeroportu refere sei halo koneksaun ba Portugál, Singapure no Austráli, tanba Aeroportu ne’e boot no ba futuru sei halo Oe-Cusse no Timor Leste sai di’ak ba futuru.

Nune’e mós antes ne’e Xefi Estadu Francisco Guterres “Lú-0lo” halo uluk obbservasaun ba progresu Dezemvolvimentu fíziku ne’ebé maka la’o iha Rejiaun Oe-Cusse hanesan eskola 24, ponte, irigasaun Tono, Estrada Urbana Pakote no ne’ebé ka’er husi kompañia Waskita Karya ho orsamentu $44. 978, Estrada Urbana parte II Utama Karya ho orsamentu $37 mil, Jardim Parke Desportivu 30 de Junho ka’er husi kompañia rua hanesan kompaña Dinola no Dino hola ho montante orsamentu $400 mil, klínika, Aeroportu Internasionál Palaban ho montante orsamentu $119, 940, 058. 87, PT WijayaKarya (Persero) Tbk, konsultor ba obra refere kompaña ISQ.

Iha fatin hanesan, deputadu bankada FRETILIN, Francisco Miranda Branco hatete, projeitu ZEESM sira ne’e hotu nu’udar ezemplú ba alternative dezemvolvimentu nasional nian. “Projeitu sira ne’e alternative intermus de kualidade ba dezemvolvimentu nasional ho prosesu tomak maibé hatudu ba ita kualidade importante liu projeitu sira iha ne’e bele garante sustentablidade ba aban-bainrua,”dehan Franciso Branco.

Iha vitiza PR Francisco Guterres “Lú-olo” ba projetu sira ne’e, akompañadu husi Prezidente Autoridade RAEOA Marí Alkatiri, Xefi Estadu Maior Jeneral FALINTIL Forsa Defeza Timor Leste (F-FDTL), Major JeneralLere Anan Timur, membrus deputadus Parlamentu Nasional, no mós Sekretáriu Rejional RAEOA sira inklúi funsionáriu RAEOA nian. (BT)