DILI----Ró-Ferry Haksolok ne’ebé Governu Timor-Leste sosa no halo konstrusaun iha Portugal husi empreza Portuguesa Atlanticeagle Shipbuilding no ninian Konsultor husi ISQ-Portugal remata ona no iha loron Sesta 26 Maiu foin lalais ne’e hetan ona bensaun husi Amu Bispo Dom Carlos Ximenes Belo hodi husik tun ba Tasi Figueira da Foz iha Portugal.

Lansamnetu ba ró foun Timor nian ne’e hala’o husi Eis Primeiru Ministru atuál Prezidente Autoridade RAEOA ZEESM TL, Dr. Mari Alkatiri.iha loron sesta 26 Maio 2017, no konsege husik tun ró ferry haksolok ba tasi Figueira da Foz-Portugal. Tuir karta komunikadu ne’ebé BT sita katak antes atu hala’o lansamentu ba ró foun timór nian ne’ebé hanaran Haksolok ne’e hetan mós bensa husi Amo Bispo Dom Carlos Ximenes Belo no sai hanesan Inan Sarani (Madrinha) ba Ro Haksolok mak Madre Guilhermina Marcal husi Canossa Timor-Leste.

Ferry Haksolok sei remata iha tinan 2017 no sei halo viajem mai Dili-Timor-Leste no sei halo Inagurasaun iha Timor-Leste. Haksolok ho niania medida naruk maka 71,30 metrus no kapasidade atu tula passajeiros 377 no ho 25 kareta, no viagem ba Haksolok maka Oé-Cusse Dili, Dili Atauro no Atauro Oé-Cusse, no sei iha posibilidade mós Haksolok sei halo ninia viagem ba Lospalos, Suai-Covalima, Same-Betano, Baucau no Viqueque.

Entretantu Antes ne’e Vise Ministru Obras Públiku Tranporte no Telekomunikasaun (MOPTK) Inacio Moreira hatete ró foun ne’e atu sosa planeia husi kintu governu konstitusionál iha 2014 hodi mai apoiu ró Nakroma ne’ebé halo operasaun kleur ona iha nasaun foun ne’e.

“Tuir planu governu nian liu husi kintu governu konstitusionál hodi hakat mai sestu governu, i hahu husi ne’eba ita iha planu atu halo tan Ró ferry ida, para bele ajuda hodi halo operasaun iha area norte ho kosta de sul ba mai, inklui halo operasaun ba Oecusse no Atauro. Tanba durante ne’e ferry Nakroma halo hela operasaun mesak no nakroma ne’e mos katuas ba bebeik ona,” dehan Inacio ba Jornalsita BT iha k’nar fatin, tersa-feira (23/05).

Inacio esplika ró foun ne’e ninia oarsamentu tau husi Governu Timor-Leste no hetan ajuda mos husi governu Alemanha tanba ne’e total orsamentu ba ró refere provolta Euro 14 milloens. Inacio sublinha katak, Ró refere nia kapasidade bo’ot tanba ne’e bele tula pasajeirus to 300 ate 400 inklui material sira seluk., ró nia komprimentu provolta 72 metrus. Ne’e dunik Ró refere iha fulan 2 ou 3 mai bele to ona iha timor hodi hahu halo operasaun, tanba Ró ne’e perveitu ho kualidade diak.

Lansamentu ba ró ferry Haksolok ne’e hetan asiste husi Vice Ministro Telekomunikasaun no Transporte Timor-Leste, Inacio Moreira, Delegasaun husi Embaixada Timor-Leste ba Portugal, ekipa delegasaun tekniku no funsinariu RAEOA, Estudantes Timoroan ne’ebé hala’o hela sira nia estudu iha Portugal, no mós konvidadus sira. (BT)