ERMERA----Banku Mandiri, Dili iha Segunda feira (30/01) lansa programa Edukador Negosiu ho Kreditu Kiik ba Negosiante sira iha Munisipiu Ermera, Gleno. Objetivu husi Programa Negosiu ne’e oinsa mak bele eduka komunidade sira ne’ebe mak halo negosiu bele diak liu tan.

Tuir ulun boot Buness Tezoreiru Banku Mandiri Danil Morad hateten katak Objetivu lansamentu programa Edukador Negosiu husi banku Mandiri tanba servisu hamutuk entre Banku Mandiri ho Camara Comersio Industria Timor-Leste (CCI-TL) Liu-liu Munisipiu Ermera.

“Programa ida ne’e hanesan dalan ida atu oinsa eduka ita boot sira bele halo negosiu tanba ne’e husi fundu ne’ebe mak iha bele mos ba komunidade seluk bainhira ita boot sira seluk tuir tempu,” dehan Head Negosiu no Finanseiru Banku Mandiri Danil Morad iha lansamentu iha Ermera Segunda- feira (30/01).

Nia mos informa katak Projetu refere hanesan primeiru foin mak ajuda ema nain 11 maibe sei kontinua ba oin wainhira iha progresu ne’ebe diak. “kreditu ne’ebe ami fo tuir proposta ne’ebe mak iha no ninia montante la hanesan, selu fali mos la hanesan tanba ne’e bainhira ita boot sira seluk diak ita kontinua nafatin fo apoiu,” dehan Danil.

Iha biban ne’e mos Prezidente CCI Munisipiu Ermera Luis ALves Tilman orgullu tebes ho apoiu Banku Mandiri nian tanba bele apoiu diak liu tan negosiante kiik sira ne’ebe mak durante ne’e difisil hetan finanseiru hodi haboot liu tan sira nia Negosiu. Nia mos informa katak liu husi programa ida ne’e bele hadiak liu tan kooperasaun servisu entre Banku Mandiri no CCI Munisipiu Ermera iha Futuru. Ba notisia Kompletu liu bele akompana Iha Jornal Business Timor (BT)