DILI----VI Governu Konstitusional iha Tersa - feira (20/10) liu husi desizaun koletivu Konselhu Ministru (KM) aprova ona proposta lei orsamentu Jeral Estadu (OJE)  ho montante hamutuk billaun $1.455 ba iha tinan 2016. Aprovasaun ne’e dirizi husi Premeiru Ministru , Rui Maria Araújo aprova proposta lei orsamentu  ne’ebe mak aprezenta husi Ministeriu Financas (MF) nian.

Tuir Vise Ministro Finansas, Helder Lopes  hateten katak orsamentu ne’ebé KM aprova sae halo komparasaun ho evelope Orsamentu fiskal ne’ebé Ministeriu Finansas entrega ba iha liña ministeriu sira.

“Kona-ba orsamentu 2016 sae uituan la hanesan ho envelope fiskal ne’ebé mak Ministeriu Financas fo ba iha linha ministeriu sira tanba hodi seik konselhu  ministru aprova osan ho montante un billiaun quartocentos Ciquenta e Cinco milloens dozentos trinta mill cento quarenta nove dollar,atu habadak deit katak governu aprova $1.455”, dehan Vise Ministro Financas Helder Lopes ba BT iha Hotel Timor Depois de lansamentu census Populasaun preliminaria 2015, iha Hotel Timor kinta Feira (22/10).

Nia dehan orsamentu ne’ebe Ministeriu Financas rekomenda $1.3 bazea ba jornalda orsamentu no hakarak  maibe mantein orsamentu nian mak $1.5  maibe tinan oin governu hatun $1.455. “Kona ba Orsamentu 2016 ne’ebe Ministeriu Financas rekomenda $1.3 bazea ba jornada orsamentais no se hakarak mantein tenke ho $1.5 tanba tinan ne’e 1.5 no tinan oin governu hatun ba $1.455,” dehan nia.

Bainhira BT husu kona ba orsamentu hira foti husi fundu Minarai Governante ne’e ladun hatene  kona ba orsamentu ne’ebe mak foti husi fundu mina rai maibe tuir lei governu tenke foti 3% deit karik presiza foin bele foti liu. Tuir informasaun ne’ebe mak BT hetan husi Jornal Timor Post edisaun kinta feira katak xefe governu Rui Maria Araujo haktuir katak iha fulan hirak liu ba binhira governu establese envelope Fiskal global, hafoin halo distribuisaun ba ministeriu no institusaun estadu nia hodi halo ida-idak nia planu.

“Felismente , hanesan iha prosesu orsamentu hotu, ita nia rekursu limitadu  maibe ita nia nesesidade boot liu ita nia rekurusu e’ebe iha entaun governu tenke halo ezersisiu boot ida oinsa atu bele kompri ho envelope fiskla no rejultadu ne’ebe mak Konselhu Ministru aprova ona OJE ba 2016 hamutuk $1.4 resin” dehan Rui Araujo iha palasio Governu  kuarta feira (21/10).

Xefe governu ne’e dehan , Evelope fiskal ne’ebe governu define ho montante billaun $1.3 la kompri tanba necesidade estadu nian barak. Iha tinan 2015 nian ho montante billaun $1.5 no hatun husi billaun $1.3 ne’e defisil tebes ba necesidade estadu tomak. Nia dehan iha momentu tetu orsamentu ba tinan 2016 hamutuk Billaun $1.3  kompostu husi rekorente millaun $873 no capital millaun $427.

Rui anuncia tan katak husi OJE 2016 ho montante $1.4  refere la inklui ba projektu fisiku sira tanba total osan ne’ebe governu TL impresta hodi halo projektu fisiku iha tinan oin montante hamutuk millaun $150. Nia mos informa katak tuir planu OJE 2016 sei aprizenta proposta orsamentu iha loron 15 fulan Outubru tinan ne’e. (BT)