DÍLI----Dezempregu  Iha rai laran kuntinua a’as nafatin tanba  ne’e husu  juventude sira  ida-idak tenke kreativu no kria kampu servisu baa an rasik hodi  muda ekonomia iha familia. Sekretariu Estadu  Komunikasaun Sosial (SEKOMS), Nelio Izaac  ba jornalista  sira Sesta (18/09) iha salaun  SEPFOPE katak, juventude nia kontribusaun ba dezenvolvimentu ekonomia bo’ot no nudar pilar ida atu reduz dezempregu iha rai laran.

“Sidadaun ne’ebe mak matenek   tenki organiza an ba imi nia moris vida lor-loron nian, ida ne’e mak bolu  dehan nasaun forte  populasaun  mos forte, ita nia governu hahu husi V  to’o  VI fo atensaun oinsa atu  buka meius  hodi muda  povu   nia  moris  no mukit, tanba agora iha Timor ne’e problema dezempregu  barak  mak liu  maioria idade  produtivu  teb-tebes, tan ne’e husu ba idade produtiva  sira, bele  hadia  nia moris, tanba saida mak ita produtiva  ne’e la bele hadia ita nia moris,”dehan nia

Nia esplika  papel importante mak tenki buka  atu kapasita an  ba iha vida moris, estadu liu husi  governu iha obrigasaun  atu  fo apoiu ba ninia sidadaun  sira  ne’ebe mak  presiza duni apoiu husi governu. Nia dehan governu tinan- tinan sempre fo osan ba grupo sira  maibe la bele mos halo populasaun  dehan katak, depende deit  ba iha kontribusaun, governu la bele hanorin  jerasaun foun  sira hanoin  hotu depende estadu deit.

“Ita mos tenki bo’ok an se ita  la koi atu bo’ok an hodi fortifika ita nia nasaun  ema seluk tama mai ho satu dollar  ita nia nasaun ne’e mos  bele monu, tanba  ne’e mak obrigasaun governu nia  atu tane  ba povu nia  inisiativa rasik   hakarak ajuda estadu  atu lori  nasaun ne’e ba oin,”dehan nia. “Hau mos fiar katak,  esatadu tenki hanorin ita nia sidadaun sira atu muda mentalidade iha vida ekonomia falimia nian, muda familia nia ekonomia  laos estadu mak muda maibe ida-idak iha kapasidade atu hanoin  muda vida moris nian, governu kria fatin ba imi deit, imi halo negosiu rasik tanba hau haree  iha   gropu ne’e   oin-oin balu iha  vida agrikultura,” nia esplika.

Iha fatin hanesan diretor SEPFOPE, Paulo Alves hateten kada tinan  SEPFOPE sempre  halo  atu empregu sira kria  kondisaun ba sira nia an rasik, tanba bebeik  sira ne’e sei fo servisu ba ema seluk, tanba iha nasaun  ne’e bazeia ba peskija  iha fulan hirak liu ba, numeru dezempregu atinji ona ba 11% kompara ho tinan 2010 numeru dezempregu iha 3 ou 6 %.

“Ami hanoin iha area rural sei sai area produtivu  tanba governu   aloka elekrisidade  komunidade sira nia hela fatin no tama ona ba bairu-bairu  tanba ne’e mak  governu liu SEPFOPE kria kampu servisu ba auto empregu sira, maibe  governu fo deit ekipamentu la fo osan ba sira  fo deit ekipamentus  hanesan mesin bataku,iha  kada fulan-fulan ami sempre ba halo monitorizasaun  ba gropu sira  ne’e iha mudansa ka lae,” hateten Diretor.

Objetivu asina Akordo ne’e laos atu fo apoiu ba ema individual, maibe kada  gropu kompustu ema nain 5 tuir planu estratajezia  annual iha tarjeitu iha oin 3 gropu benifisiariu ba ema la iha servisu. Benefisiariu ema ne’ebe mak alejadu  no benefisiariu sira  ne’ebe mak hetan gradusaun husi sentru formasaun iha SEPFOPE, tanba programa ne’e hanesan programa insentiva ida   atu fo apoiu ba ema sira ne’ebe mak hakarak atu halo negosiu  ba nia an rasik.

Nia dehan iha timor la iha industria bo’ot, maibe iha future ekipamentu ki’ik  bele  kria  kampu de traballo  ba timoroan sira. Nia  husu ba juvens sira ne’ebé mak hela iha area rural atu hakat mai iha dili  no bele tuir formasaun hodi bele  halo negosiu ki’ik. Hanesan ba ema seluk, tanba  gropu  auto empregu ne’e ba 13 “Asina akordu ne’e ba segundu  fraze tanba gropus ne’e hamutuk  60 gropus  ne’ebe hetan apoiu hotu,  maibe 300 gropus mak hetan ona apoiu  ba programa autu empregu,”dehan nia. (BT)