DILI----Portugal Telecom fa’an nonok deit nia asaun ka saham iha Timor Telecom ba kompañia Brazil depois fa’an tutan tan ba kompañia husi Fiji. Hafoin PT fa’an nonok nia saham ne’e, ita iha rai-laran preokupa hahu husi estadu, governu, no entidade tomak oinsa foti kompañia TT labele monu alias bankrut. Tuir mai povu nia lian (vox pop)

Manuel Tilman 

Advogadu, eis deputadu

Ha’u nia hanoin mak ne’e, ha’u mak ukun no kaer finansas ha’u tulun emprezariu timor sira ne’ebe manan osan balu iha ne’e sira mak sosa la’os estadu mak sosa. Estadu bele sosa uitoan deit ou estadu bele hela ho buat sira ne’ebe iha tiha ona 20%.

Saida mak Portugal hakarak fa’an ne’e husik setor privadu mak sosa no ita tulun sira ne’e diak liu, la’os estadu mak tama fali ida ne’e, ne’e risku boot  no labele hasai osan husi minarai hodi hola sasam Portugal Telekom nian ne’ebe mak laiha rendimentu.

Se ha’u mak ukun ida karik ha’u kria mekanismu seluk hodi abilita emprezariu lima ka sanulu hanesan ne’e sosa Portugal Telekom hodi transforma Timor Telekom ba iha sosiadade anonima (SA) no mos tau povu sira hodi bele sosa mos asaun Portugal Telekom hodi bele garantia kompetisaun iha merkadoria.


Arsenio da Silva Perreira

Diretor NGO FONTIL

Ha’u nia hanoin servisu atendimentu konaba kompania Timor Telekom, ha’u haree prosesu la’o diak. So ha’u ladun akompaña informasaun prosesu ne’e rasik maibe kompania ida-idak ho ninia estratejia ne’ebe iha sira nia sistema rasik atu nune bele manan kliente sira nia atendementu iha momentu ne’ebe kliente ejiste.

Ha’u hakarak dehan deit katak mesmu ohin loron kompania Timor Telekom halo publiku hatene konaba sira nia saham atu fa’an, kestoens hirak ne’e sei prosesu laran  maibe oinsa mak to’o ohin loron kompania Timor Telekom iha problema ita labele hatene parese sistema de servisu ou iha problema seluk tanba kompania ne’e Timor-Leste hetan independensia  eziste ona iha nasaun Timor-Leste.

Ita bele dehan deit katak parese sira nia top manager ladun iha interese maibe ita labele hatene problema saida mak derepenti deit sira atu fa’an sira nia saham no iha parte seluk mos monopoli maka’as entaun bele mos prejudika servisu admistrasaun no finanseiru iha kompania ne’e nia laran.

Agora dadaun povu tomak ou publiku hatene ona katak tanba saida mak sira atu fa’an sira nia saham maibe ne’e problema ka perkupasaun kompania Timor Telekom nian, sidadaun tomak nia ezijensia mak ba kompania Timor Telekom oinsa mak halao servisu nafatin iha nasaun Timor-Leste.


Januario de Almeida 

Joven Suku Metiaut 

Ha’u nia komentariu kona ba Timor Telekom nian ne’ebe oras ne’e Portugal Telekom fa’an nia saham, ha’u hanoin diak liu governu iha inisiativa diak tenke hola saham Portugal Telekom hodi bele reprezenta Timor Leste nia kompania telekomunikasaun, duke ita mak laiha inisiativa atu bele iha kompania telekomunikasaun ida  no ita mak hakarak ema hotu mai kaer halo operasaun iha Timor Leste hau hanoin ladun diak.

Tanba saida mak hau dehan ladun diak tanba osan sira ne’ebe mak iha sai hotu ba iha rai liur. Tan ne’e ha’u husu governu Timor Leste hamutuk ho setor privadu tur hamutuk atu nune’e bele hola saham Portugal Telekom nian labele governu mesak mak hola maibe involve mos setor privadu.

 

 

 

 


Julio Da Silva

Komunidade Laga (Baucau) 

Kona ba isu Timor Telekom nian ne’ebe mak oras ne’e iha katak faan saham, se diak liu mak ne’e, Governu Timor Leste tenke hanoin ona ba iha futuru kona ba asegurasaun infromasaun rai laran diak liu governu tenke hola hodi bele asegura ita nia siguransa Informasaun maibe labele governu mesak mak hola tenke involve mos ita nia seitor privadu sira iha rai laran karik diak liu tenke involve mos ita nia povu sira ne’ebe mak iha osan bele mos sosa.

Tanba sa ha’u dehan povu mos tenke sosa tanba bele iha fiar husi povu katak ne’e kompania sira nia hakarak ka lakohi sira tenke sosa sira nia telekomunisaun nia pulsa, ida ne’e ha’u kolia hanesan kompetisaun merkadoria nian.

Ha’u mos hakarak dehan tan katak oras ne’e dadaun ema barak gosta uza TT tanba ninia prosesu diak tebes inklui internest no telephone ho nia kustu ne’ebe mak baratu tebes maibe haul abele fo komparasaun ho telekomunikasaun seluk.

 


Lucia de Jesus

Estudante Universidade DIT

Distrito Bobonaro

Kona ba portugal Telekom nia saham iha TT hau aseita atu governu bele sosa ho  razaun katak Ita hola saham husi sira ita la gasta ona osan atu selu sira  nia Teknologia. Se governu sosa  Portugal Telekom hau husu ba governu.sira se karik ita sosa..atu kuidadu didiak osan no labele halo korupsaun ih ita nia  rai rasik...Osan hirak ne’e liu husi povu  nia terus..timor nasaun ne’ebe mk ki’ek Se ita maneja osan ho diak no laiha iha korupsaun hau  fiar katak ita nia nasaun sei avansadu liu tan iha area Teknologia.

Kona ba uza telekomunikasaun agora dadaun hau  gosta uza  Timor Telekom nian  tanba uja pakote ba internet diak  ezemplu ita halo semana ida taun to semana da...i dalaruma ita hetan bonus.. wainhira enxe plsa. No furak liu ba premiu ne’ebe TT fahe ba cliente sira liu husi sms jogu futeboll. 

 

 

 


Paulo Cosmero 

Kona ba Asaun Portugal nian

1. Hau  hanoin presiza  governu sosa asaun Portugal Telekom  ne’ebe oras ne’e sira faan  hodi bele  hamenus dezempregu  nb as ih ita rain,

2. bainhira governu sosa bele hatama osan  ba estadu,

3. Ita tenke  taka segredo ita timor nia para rai seluk labele mete ita nia uma laran  ba iha futuro, tanba ne’e  hau  hanoin tenke sosa duni. Hau sei duniva mak ne’e  governu prepara ona ou forma ona grupu ida atu bele maneger kompana ida ne’e I hau t auk mak  keta manan tiha fo fali deit ba ema ida no hamosu korupsaun. (BT)