DILI----Asionita sira iha Timor Telecom kondena maka’as Portugal Telecom  tanba fa’an nia asaun (saham) iha TT la fo koñnesimentu ba asonista sira ne’ebe mak durante ne’e hamutuk iha TT. “Ami kondena tanba  lolos molok atu fa’an sira nia asaun tenke fo hatene ba asonista hotu ne’ebe hamutuk iha Timor Telekom maske iha Timor Telekom sira hamutuk deit iha TPT hanesan Fundasaun São Jose , Fundasaun Oriente no Portugal Telekom maibe tenke fo hatene ba asonista hotu tanba saham ne’ebe fa’an laos iha Portugal Telecom maibe iha Timor Telekom,” dehan asionista Julio Alfaro ba BT iha nia knar fatin Fomentu  (09/03) foin lalais.

Tuir nia katak bainhira Portugal Telekom atu fa’an  nia saham tenke husu no fo peroridade ba iha Asonista sira  ne’ebe hamutuk iha TT tanba PT fa’an nia sahan iha TT. “Sebelum atu fa’an ba OI Brazil, tuir lolos  sira tenke  husu uluk no fo uluk peoridade ba asonista sira ne’ebe hamutuk iha Timor Telekom tanba sira fa’an saham laos Portugal Telekom maibe sira fa’an saham Portugal Telekom iha Timor Telekom nia laran lolos etika bisnis sira tenke halo hanesan ne’e maibe bainhira sira fa’an sira la fo hatene ba sosio sira neebe mak iha Timor Telekom”, dehan Julio.

Julio afirma katak wainhira Portugal Telekom premeiru fa’an ona sira nia sahan iha Portugal no ikus kontinua fa’an sira nia sahan iha Timor Telekom tanba Portugal hasoru problema maibe tuir etika no estatutu Timor Telekom tenke husu Opiniaun ba iha sosio sira hafoin bele fa’an ba iha kompañia seluk atu sosa maibe la fo kuinesementu ba iha sosio sira. “Foufoun sira la fa’an saham Timor Telekom nian no fa’an uluk mak Portugal Telekom iha Portugal tuir lolos etika bisnis nian nomos tuir estatutu Timor Telekom nian hatete ita tenke husu uluk opiniaun ba asonista Timor Telekom, hanesan estadu Timor Leste, Vodatel Macao, Julio Alfaro husu uluk opiniaun ba iha Asonista nain 4 ne’e hafoin bele fa’an ba iha OI maibe sira fa’an tiha no ikus mai OI atu fa’an tutan ba iha pihak ketiga hafoin ita foti disizasaun hapara atu buat ne’e labele lanjut”, katak nia.

Tan ne’e ho hahalok protugal Telekom sai prekupasaun ba iha sosio sira tanba la respeitu estatutu ne’ebe mak iha. Julio mos afrima katak ho hahalok PT fa’an nia sosio ba iha OI brazil no Oi brazil atu kontinua fa’an hodi halo sosio sira hapara hodi labele kontinua fa’an ba iha kompañia seluk. Tan ne’e sira husu estadu Timor Leste mak atu hapara PT ne’ebe iha Timor Telekom labele monu ba iha kompañia seluk nia liman no estadu Timor-Leste mak tenke sai nain ba iha PT n’eebe husik hela iha TT.

“Ami husu estadu atu apara para saham ne’ebe iha Portugal Telekom labele fa’an tan ba iha ema seluk maibe estadu timor Leste mak tenke sai nain ba saham Portugal telekom ne’ebe mak husik hela signifika katak Timor Telekom 100% nain mak Timor Leste” husu nia. Nia dehan iha future labele buat hotu lao diak wainhira governu Timor Leste hola saham PT tenke hadia fila fali estatutu hamutuk ho sosio sira seluk atu nune’e lao tuir disizasaun hotu ne’ebe mak sosio sira foti. Nia infroma katak hahalok ne’ebe PT halo sosio sira konsidera medida ida ne’ebe foti inkorentu no la respite ba iha kontraktu no estatutu tuir etika negosiu ninian. (BT)