DILI----Diretor Diresaun Relasaun Institusional Timor Telekom, Manuel Carseles da Costa hatete, maske kompañia telekomunikasaun Portugal Telecom fa’an fali nia asaun ba kompañia seluk, Timor Telecom la bankruta no sei ezizte nafatin iha nasaun foun ne’e. “Portugal Telecom bele sai, Timor Telekom la bankrut, la monu no la lulun biti banhira estadu Timor-Leste seidauk monu, iha garantia tanba timor ne’e ita iha satujuta seratus orang ne’e ita nia osan mos iha Timor Telekom iha, ne’ebe Timor Telekom sei la monu,” Carseres argumenta hodi hatan ba rumoris ne’ebe mosu iha publiku ohin loron.

“Hau ida kolia ne’e hau nia osan mos iha Timor Telekom hanesan timor oan. estadu ne’e se, estadu ne’e reprejenta povu timor,” katak Carseres. Tuir nia katak Timor Telekom ne’e simbulu soberania RDTL nian tanba Telekomunikasoens Timor-Leste nian laos  estranjeirus nian ne’e mak naran Timor Telekom. Nia haktuir  iha tinan rua liu ba emprezariu timoroan  Oscar Lima  ne’ebe sai mos asionista bainhira Timor Telekom ezizte fan tiha  nia asaun mos Timor Telekom la nakdoko. 

“Timor Telekom la bankrut, Timor Telekom monu kuandu estadu Timor ne’e monu ona enkuantu estadu iha laran  nia labele monu,” Carceres  garantia. Tuir nia kompañia Timor Telekom ne’e estadu timor nian buat ida kompetisaun ne’e buat politika ida, agora sese deit mak sente nia án nudar timor oan tenki servisu hamutuk hodi lori kompañia ne’e lao ba oin. Entretantu Viceministru Obras Publika trasporte no Komunikasaun, Inacio Freitas Moreira informa ba jornalista Busines Timor iha palasio do Governu hafoin enkontru konselu ministru hatete, “Portugal Telekom haruka ona karta mai ministeriu ne’ebe nia lidera no ba dadun ne’e ministeriu prepra hela atu oinsa mak responde karta husi Portugal Telekom nian para bele hare to’o hodi tetu halo oinsa para bele sai nain ba Timor Telekom ne’e. 

Alende ne’e vise  Ministeriu ne’e mos sei rekoilha hela informasoens hothotu inklui hanoin atu halo sorumutu ho asionista sira hanesan  Julio Alvaro, Amu Bispo dioseje Baucau Dom Basilo, Vodafon husi Macau nian rekoilha informasoens depois mak estadu Timor-Leste hanesan asionista, ne’ebe ho persentazen bo’ot liu 20,59 bele halo desizaun. “Agora sira hanoin dehan atu faán tan fali Timor Telekom ne’e mak ita nia ema sira ne’ebe iha osan husi rai Fizi, Telemor mos haruka karta mai espresa sira nia interese atu sosa, Tanba ne’e mak ami sei hare no halo estudu hela dokumentus, tenki iha paraser legal ida depois estadu liu husi governu bele halo desijaun,”  dehan vise ministru ne’e. 

Nia haktuir liu tan katak momentu premeiru govenru konstitusional halo kontratu ne’e klaru katak depois tinan 15 ne’e sira (Portugal Telekom) intrega mai iha estadu Timor-Leste maibe tanba iha tinan hirak liu ba governu hamosu liberalizasaun tanba ne’e to ohin loron sei iha hela faze diskusaun. “Hela tinan rua deit ona sira (Portugal Telekom) atu intrega mai ita, maibe tranba deit liberalizasaun entaun kontratu konsisaun ida uluk halo la bale tiha ida ne’e mak problema,” katak Inacio Moreira. (BT)