DILI----Emprezáriu timoroan Julio Alfaro hatete  wainhira Estadu Timor Leste sosa asaun ka saham Portugal Telekom  no estadu loke odamatan ba emprezariu sira mak nia mos iha interese hodi haluan nia partisipasaun iha Timor Telecom.

“Se estadu sosa telekomunikasaun Portugal Telekom nian premeiru konfiasa ami iha estadu Timor Leste tenke sosa, se estadu Timor Leste la Sosa ami laiha konfiasa tanba iha kompana Telekomunikasaun 3 liu-liu rua telekomunikasaun laos privadu tanba kompana estadu nian, ne’e duni hanesan asonista hau dehan ba ita se estadu Timor Leste sosa ami mos hakarak aumenta tan ami nia saham,” dehan Julio Alvaro nia nia Knar fatin Fomentu Dili Sesta –Feira (06/03).

Nia dehan wainhira Estadu Timor Leste la sosa mak sira  tauk no labrani atu sosa hodi aumenta tan saham iha Timor Telekom tanba Timor Leste nasaun ida ne’ebe ho nia populasaun millaun ida maibe kompana telekomunikasaun 3 ne’ebe halo kompitisaun iha TL. Tan ne’e nia dehan wainhira governu hola saham nudar dalan ida halo investimentu sei fo nia retornu  nomos bele garantia siguransa informasaun Timor Leste. “Hau pernah iha enkontru ho senhor Ministro transporte no telekomunikasaun hau koloka kestaun sira ne’e hotu ba no hau fo hatene ba iha ministru katak investimentu ne’ebe ita nia estadu hakarak sosa hanesan Timor Telekom ida ne’e investimentu ida ne’ebe mak iha retornu, ita bele garante siguransa komunikasaun no informasaun iha ita nia estadu nia laran no mos ita hatudu katak nasaun indepedente ita mos iha ita nia telekomunikasaun nasional rasik,” dehan Julio.

Nia mos sujere ba iha Governu Timor Leste wainhira hakarak sosa saham tenke involve mos seitor privadu rai laran tanba iha seitr privadu balu mos hatoo sira nia manifesta hakarak mos atu partisipa iha asaun Timor Telekom nian bainhira Portugal telekom faan sahan no estadu Timor Leste sosa. “Sira mos hakarak husu estadu mos husik oportunidade sira mos hakarak partisipa konforme estadu nia criteria nomos estadu nia disizasaun hodi seitor privadu bele partisipa ida nee,” katak nia.

Bainhira Estadu TL deklara hakarak sosa saham Portugal Telekom nian mak asonista timoroan sira ne’ebe hakarak atu sosa mos  seitor privadu balun sei la nonok no sei buka atu halo aprosimasaun ho estadu hodi estadu bele husik persentagen balun ba iha seitor privadu sira sosa. Alende ne’e iha tempu hanesan nia mos hateten katak wainhira Estadu sosa saham mak  Funsionariu TT inklui kuadro Tekniku Timoroan sira pronto atu servisu hamutuk ho governu kontinua halo gestaun diak ba iha TT wainhira estadu presiza.

“Ami hakarak fo infromasaun katak agora dadaun ema estranjeiru ne’ebe mak servisu iha TT ema nain lima deit barak liu kuadro tekniku timoroan hotu maibe husi Administrador Delegadu (CO) ne’ebe agora dadauk iha nia mos deklara ona, se estadu Timor Leste sosa no estadu presiza nia partisipasaun no nia prontu atu hamutuk ho kuadro tekniku timoroan kontinua halo gestaun ba Timor Telekom to;o tempu ne’ebe estadu determina tuir kontraktu ne’ebe iha,” dehan nia.

Tan ne’e  se wainhira estadu mak lasosa no kompana rai seluk mak sosa mak  husi administrador delegado sei husik servisu husi Timor Telekom. “Ne’e duni ida ne’e ami sente hanesan pontu partilha ida posetivu tebes tanba tekniku timoroan barak iha laran iklui CO deklara prontu atu servisu hamutuk ho estadu Timor Leste hamutuk ho asonista timoroan sira hodi halo jestaun Timor Telekom lao ba oin,” nia hatete.

Deskonfia halimar foer 

Durante ne’e governu Timor Leste establese ona regulador balun iha Timor Leste atu bele halo regula telekomunikasaun sira iha Timor Leste maibe la funsiona tanba iha ema balun iha telekomunikasaun balun hodi impede no lakohi regulador funsiona diak hodi halo servisu. “Regulador la funsi tanba iha interse balun iha impede lakohi regulador funsiona, iha ema balun interese iha telekomsel, iha ema balun interese iha Telemor, tanba sira lakohi regulador funsi tanba sira hakarak iha keuntungan,” kestiona Julio Alvaro.

Tan ne’e wainhira estadu Timor Leste sai sosio humanitariu regulador tenke funsiona para atu sai hanesan arbitu, fiskal no juis ba iha kompana tolu ne’ebe mak halo sira nia operasaun iha Timor Leste. “Agora komo estadu laos sosio humanitariu entau todan liu ba iha Timor Telekom sira seluk neebe interse iha kompana foun rua ne’ebe sira hatama iha rai laran kontinua kolia katak iha operador maibe tidak pernah berfunsi nee langka mati”, katak nian.

Tan ne’e wainhira regolador funsiona diak mak telekomunikasaun Timor Telekom sei lao diak no sei laiha problema. “Hau konfiansa katak ita nia estadu sei sosa tanba ida nee asuntu ida sensitive teb-tebes se la foti disizasaun atu sosa iha eru boot ne’ebe mak ita komete , ne’e duni hau iha konfiasa boot katak estadu sei sosa tanba estado komesa ona fila oin hakarak atu sosa saham ne’ebe Portugal Telekom faan,” garante nia. (BT)