OE-CUSSE-Eis Primeiru Ministru Mari Alkatiri fo sai katak Planu Estratejiku Dezenvolvimentu Nasional  (PEDN) dudu Zona Espesial  Ekonomia Sosiál de Markadu hodi hahu implementa projeitu boot sira iha Timor-Leste. PEDN  hatudu dalan katak zona  espesial  Ekonomia Social Merkadu, (ZEESM) hanesan dalan ida atu dudu prosesu dezenvolvimentu ne’e ba oin lalais liu uit oan (mega projetu sira). Tuir Mari Alkatiri, projeitu ZEESM hanesan projeitu pilotu ida hodi kontinua halo estudus ba kondisaiun real povu Timor-Leste nian.

Primeiru Ministru Kay Rala Xanana Gusmã, Prezidente da Republika, inklui eis Primeiru  Ministru, Mari Alkatiri deskuti ona kona-ba projeitu pilotu ba ZEESM nee, tanbá tenke kontinua define didiak projeitun refere. Mari Alkatiri fo sai katak  projeitu ZEESM iha rai seluk faille, entaun Timor-Leste tau projeitu pilotu ida ba ZEESM. “Ha’u dehan, tenki define konseitu ne’e didiak, porque iha zona espesiais iha fatin barak, balun iha susesu, no balun sai failla. Li-liu iha rai ida hanesan Timor Leste, rai ida ke persija rekursu umanus barak tebes, rai ida ke ki’i. Biar iha rai bo’ot ho kontinente rua nia klaran,”informa Alkatiri liu husi inkontru ho emprezariu internasional no nasional sira iha Distritu Oecusse Domingu (20/04).

Iha tinan 2013 liu ba, Primeiru Ministru Kay Rala Xanana Gusmao ho Mari Alkatiri koalia asuntu ZEESM nee. “Primeiru Ministru Kay Rala Xanana Gusmão husu ha’u (Alkatiri)katak, se ha’u bele lidera prosesu ambisiozu bo’ot ida ba Timor Leste, ba dezenvolvimentu rai doben ida ne’e,”afirma Alkatiri. Maski projeitu ZEESM sei sai projeitu pilotu, maibé Alaktiri promete sei kria kondisaun diak, tanbá Timor-Leste iha de’it habitants milaun ida, ne’ebé  iha kontinente boot rua, hanesan kontinente Azia ho Australia. Eis Primeiru Ministru nee mos vizita ona ba ZEESM xina nian, inklui Indonézia nian iha Batam ne’ebé ho habitantes kuaze rihun hitu resin.

Mari Alkatiri fo ezemplu, komponente sosiál iha Batam, Indonézia hanesan industria kiik ida dei, maibé ZEESM Oe-Cusse tenke liu ida nee. “Ha’u dehan ba Prezidente da Republika no Primeiru Ministru katak, ita nia objetivu ba Timor Leste ne’e saida, atu hamenus kiak no hamos kiak, maibé hamos halo nusa, ne’emak ita tenki buka dalan ida ke loos, sela’e la sustentavel,”dehan Alkatiri. Eis PM nee hateten katak, zona espesiál sosial dee merkadu nee tenke iha komponente social ida ne’ebé forte, tanbá dinamika merkadu nee tenke hanesan ho prosesu dezenvolvimentu. Mari Alkatri afirma, esforsu ne’ebé governu hala’o atu hadia ema hot-hotu nia vida, aumenta kualidade vida, hanesan forma ida atu aumenta merkadu anivel internu, domestiku, inklui merkadu iha nivel rejional.

“Tanbá ne’e mak ha’u hili enklave Oe-Cusse hanesan projeitu pilotu, balu dehan, Enclave Oecusse ne’e sei susar liu tanbá atrazadu liu, tanbá izoladu liu, ha’u dehan la’e se nia Enklave, nia labele izoladu, signifika katak, se atu halo integrasaun rejional, enklave ne’e integradu ona iha rejiaun,”relata Alkatiri. Eis Primeiru Ministru ne’e mós halo hela mediasaun ho Banku Mundiál, atu nune’e distritu Oe-Cusse bele simu eletrisidade husi Kefa, liu husi Planu Eletrifikasaun Nasionál (PEN). “Eletrisidade ita produs husi Hera ka Betanu, halo transmisaun liu husi Maliana, tama ba liña transmisaun Indonezia nian iha Atambua. Entaun ida ne’e kanal ida de’it para ita simu fila-fali eletrisidade husi Kefa,”tenik Alkatiri.

Inkontru entre emprezariu nasionál inklui emprezariu internasionál ho Primeiru Ministru Kay Rala Xanana Gusmão ho eis Primeiru Ministru Mari Alkatiri, maibé Primeiru Ministru la marka prezensa, tanbá kondisaun saúde la permite. “Hau lidera prosesu ida ne’e tenki defini konseitu ne’e didiak ZEESM iha fatin barak balu iha susesu balun laiha  li-liu rai ida timor leste rai ida ne’ebe presija recursu humanus barak tebes,rai ida ne’ebe ki’ik biar rai iha bo’ot nomos kontonenti bo’ot rua nia klaran. Ita ba cina kuandu hare ZEESM aprende mercadu domestika tenki rezolve problema  mercadu ZEESM lapresija tan   atu buka  rai seluk hanesan Mercadu ”dehan eis PM.

Cina mercadu domestika tenki rezolve entaun ita labele kopia tuir cina tanba rai ida un milaun ,hau ba vizita mos batang,batang ne’e rai ki’ik ida laiha buat ida ho $mil quinentus americanu agora un milaun quinentus mil  americanu miabe ema barak liu ema Indonesia mak ba ne’eba laos ema husi liu,ema husi liur so espesializasaun  bo’ot mak ba iha ne’eba. Nune’e komunity social iha batang laiha ,industrial ezemplu ZEESM halo osan duni iha reseitas ba ZEESM. “Hau dehan ba PM nomos Prezidenti RDTL ita nia obejectivo ba timor saida atu hamenus kiak  nomos hamos kiak maibe hamoos oinsa ne’e mak ita tenki buka ida n’ebe los,selae lasustentavel, tanba ne’e mak hau dehan laos ZEESM maibe ZEESM, tanba komponenti social  ne’e forte tenki forte maibe dinamika mercdau ninian tenki iha atu nune’e bele dudu dezenvolvimentu ne’e ba oin signifika esforsu atu nune’e bele hadia ema hotu nia vida ou aumenta kualidade ba vida hanesan, atu aumneta kualidade ba vida hanesan forma ida ba mercadu”dehan eis PM.

Iha nivel internu nomos domestika,konaba nivel regional buka prosesu ida atu timor leste sai ponte  ba dezenvolvimentu ba sub rezaun refere ba futuru mos rezaun ba fatin seluk. Tanba ne’e nia hili enclave Oe-Cusse hanesan, projeitu pilotu , enclave refere sei susar liu tanba atrajadu,ijoladu liu nia enclave nia labele ijoladu signifika katak keta halo reintegrasaun regional enclave integradu ona iha rezaun.kriteria politika deit ba soberania politika ba dezenvolvimentu ekonomiku.
Atu halo dezenvolvimentu komum tanba saida mak nia hanoin hanesan, tanba latau mapa timor nomos Indonesia iha ne’e tenta atu rezolve problema refere. “ita sei hare timor leste nomos enclave hare iha Indonesia hanesan NTT, NTB ba liu to’o  papua atu nune’e timor leste bele sai dezenvolvimentu ida atu nune’e bele serbi mercadu ida seidauk iha kompetisaun,seidauk dezenvolvidu, maibe ema sira hamutuk quatru trinta Korenta Miloens tanba ita hahu iha enclave, atu hahu signifika katak tenki kooperasun ho NTT fasil liu husi ne’e ba to’o kupang”dehan eis PM.

Iha inkontru ho emprezariu ne’e, Reprezentante Primeiru Ministru atual Ministru Turismu e Kultura Fransisco Kalbuadi Lay deskuti estabelesementu projeitu ZEESM iha Oe-Cusse. Kalbuadi mós lori Primeiru Ministru nia naran valoriza teb-tebes ekipa ne’ebé servisu, hodi prepara projetu ne’e, nó fó parabens ba Mari Alkatiri ho nia inisiativu ne’ebé di’ak teb-tebes. Antes ne’e mós, Primeiru Ministru Kay Rala Rala Xanana Gusmão reforsa tan katak Planu Estratejiku Dezenvolvimentu Nasionál (PEDN) sai hanesan mata dalan ba tipu projeitu hotu-hotu iha Timor-Leste. Aleinde Noura Hamladji Koordenador UNDP ba timor Leste hateten, saida mak sira fo ba NTIL nia Escritoria  nomos parseria nomos servisu potensialidade bo’ot tebes NTIL  sei fo iha koperasaun  refere to’o ohin loron iha futuru.

Primeiru konaba Eskritoria ZEESM maka apoiu konaba hare ba juridika kebijakan bazea ba vizaun nomos ami ami sei kolia konaba apoiu ami kompriende konaba vizaun nomos planu ZEESM nian. Hodi apoiu sira konaba politika ida diak hodi implementa investimentu ZEESM refere,ami nia diskusaun naran katak ita hotu ami hotu kompriende katak konseitu ida ne’e koalia sobre modelu foun konaba investimentu lahanesan ho investimentu sira bai-bain atu nune’e sempre iha antes  implementasaun. Maibe inportante tebes katak planu konseitu ida ne’e dezenvolvimentu ida ne’ebe insklusivu katak ema hotu involve nomos partisipa iha laran,zona ida ne’ebe ema partisipa nomos hetan benefisiu. Savi ida ba ami iha nasaun timor leste oinsa bele hasai hanoin ida ne’ebe diak atu bele apoiu konaba politika ZEESM nian atraves escritoria UBDP nian.

Uluk hanesan, maluk sira hotu hatene katak fulan agostus to’o fulan Dezembru tinan 2013 ekipa tecniku kompostu husi escritoria ZEESM linha ministreiais mai hamutuk sira ba iha Oecusse kuaze fulan ida ami halo sitausaun analisis. “Situasaun final ami publika ona katak iha prazu por prazu nian ami sei kontinua hodi buka  estabelesiementu funsionamentu instutuisional escritoria ZEESM nian iha oecusse”dehan Noura. Sira sei apoiu escritoria ZEESM iha parte rua hanesan, kooperasaun ba ZEESM,saida mak apoiu iha konseitu ne’e bele lao iha terenu, tebes ktaka apoiu ne’e sei hare katak oinsa mak liga dezenvolvimentu social tomak iha Oecusse iha ZEESM refere. Iha fatin hanesan ,Indira Dharmpatni Senior World Bank Ofice Jakarta ba timor leste (WBOJ) hatete, ondra tebes ne’ebe apoiu internet ZEESm refere ,entaun lalais tebes ami iha misaun ida mai hamutuk nomos kolega sira seluk  ZEESM iha Oecusse  iha Dezembru tinan 2013.

Iha  fulan Janeiru  tinan ida ne’e ami nia vise prezidenti  reprezenta banku Mundial regional  ASEAN nian vizita ba Timor leste hasoru malu ho Dr Maria Alkatiri nomos entidade estadu nian. Foin dadaun ne’e encontru  iha Jakarta dr Mari Alkatiri hamutuk director iha Indonesia ne’eba ho ekipa tomak encontru koalia koanaba saida mak konsikuensia ZEESM nian. Iha tinan kotuk to’oa agora  komonikasaun estabelese kontinua ho escritoria ZEESM  Dr Mari Alkatiri nomos Banku Mundial konaba dezenvolvimentu ne’ebe lao entermus iha relasaun  ho apoiu ba investimentu ida ne’e. “Hau hakarak aprezenta konaba areas potensiais ne’ebe ami sei hare nomos apoiu depois koalia diretamentu ho Dr Mari Alkatiri ninia escritoria nomos ekipa durante diskusaun ne’ebe ami lao iha fulan Dezembro to’o agora”dehan ,Indira Dharmpatni Senior World Bank Ofice Jakarta  ba BT  domingo (20/04) semana liu ba iha eis secretariu Estado Rezaun Otonomia Oecusse (SERAO).

Koalia konaba hari’ I energia   ami diskuti konaba oinsa mak opsaun asegura nesesidade fornesementu energia ba timor leste special ba ZEESM kooperasaun  entre  EDTL   nomos PT PLN  Persero. Interkoneksaun lina elitrisidade  timor leste nomos Indonesia. Area segundu mak hanesan, estrada nomos transportasaun seksaun tono,oesilio nomos lifau ba Citran, hanesan transportasaun nian hare liu ba iha area jestaun portu mahata nian. Area hare liu fasilitasaun area fronteira konaba negosiu kafe,esprensia nasaun seluk  oinsa bele maneija diak iha area fronteria nian ,atu fo ideas oinsa mak estabelese sistema ida ne’ebe diak nomos operasaun  servisu iha area fronteria nian. Area potensial kuatro  mak hanesan, Planeamentu Urbanu ami kompriende katak Mari Alkatiri nomos ninia escrotoria sira tenta atu kompriende saida mak akontese  iha korea ne’eba nomos cina ami banku mundial hanoin katak sira espriensia nasaun barak hanesan, nasaun rua nulu liu.

“Ami mos bele kompremete ba hanoin  ida ne’e konaba asuntu planeamentu urbanu  iha zona ne’ebe diak tebes, foin sistema dezenvolvimentu konaba oinsa maka aprezenta aprozoniamnetu ida ne’ebe diak zona refere hasa’e kapasidade Peace Building nian. Ami nia apoiu estudu konaba servisu finanseiru nian”nia dehan. Entertantu David Feedman Economista ADB hateten ami apoiu koperasaun susesu mak hanesan, oinsa ita bele eskola  nomos halo dezenho infrastrutura ida ne’ebe sebele fo reitor ekonomika ida ne’ebe maka’as atu nun’e koperasaun bele susesu. Antes harii’I projetu refere ita tenki hare nomos garante katak iha  sistema koperasaun diak tebes nomos manutensaun ne’ebe atu bele garante sustentabilidade projetu ne’ebe mak ita hotu hari’I,. Koperasaun ne’ebe mak ita halo hamutuk tenki iha kapasidade diak ba timor oan rasik atu bele garanti nomos diskusi nafatin atu nune’e dezenvolvimentu ne’ebe ita halo hamutuk bele dura iha tempu naruk.

Iha oecusse rasik ADB hamutuk ho ita nia governu implementa projeitu fornesementu be’e mos iha pante makasar,Orsamentu ba projeitu ne’e hamutuk $5 miloens nia atu hare katak Projeitu fornesementu be’e mos iha uma kain sira iha parte makasar ne’e horas 24 presija be’e mos laiha problema. Dezenvolvimentu refere sei dura nafatin laiha intrope ema hotu hetan hanesan benefisiariu to’o tinan 2035 fornesementu sei bele garanti nafatin. Opersaun nomos manutensaun ba obra projeitu ne’ebe halao hahu ho parseria servisu hamutuk privadu antes tinan 2 ba leten. Governu liu husi DNSA bele kontinua hare operasaun nomos manutensaun ne’e rasik. Projeitu refer kompleta  iha tinan 2013 dezenho espefiksaun nomo dokumentus ba Building nian kompletu ona,konstrusaun refere buat lao diak bele kompleta ho diak atu nune’e ba tina ida ne’e ita bele hahu konstrusaun ba projeitu fornesementu ba be’e mos.

Wainhira programa ZEESM ne’e halao ami hahu dadaun ona ami nia projeitu tanba buat hotu kompletu ona. Tuir Koperasaun Portugues Vanesa Spenser hateten, portugues servisu  rua ne’ebe halo ho Governu timor leste hanesan, liu husi Ministeriu Edukasaun hanesan, eskola refrensia ne’e depois xefi sira hare maluk sira rona. Halo eskola transferensia sira ne’e,ita nia profesora sira tuir formasaun konaba portugues barak mak aloka ba distritu hodi fo formasaun lian portugues ba sira. Agradesementu diak ba komunidade Oecusse  tomak  nomos Grupu Banku Mundial ne’ebe bele fasilita sira  intermus aloja mentu. Iha fatin hanesan, koperasaun Frances Aurele Sequin hateten, Ami apoiu governu timor leste to’o ohin loron konaba kultura,reforsamentu apoiu servisu professional nomos projeitu fornesementu be’e mos, hau hamrik hodi koalia nafatin konaba projeitu dezenvolvimentu iha ZEESM  refere.

Vizita ida ne’e sai hanesan, governu loke dalan ba posibilidade atu bele organiza vizita hanesan, franseza atu mai hare direitamente koalia ho ita konaba ida ne’e maibe posibilidade ita husi CCI-TL hamutuk ho governu organiza vizita fila fali ba Jakarta hodia hasoru malu koalia konaba parseiru investimentu ZEESM nian. sira servisu hahu tinan 2007 nomos tinan rua nia laran sira implementa projeitu be’e mos iha oecusse. Iha tinan 2011,hetan fundus $1 miloens resin Uniaun Europea  servisu hamutuk Francas ida. Tanba projeitu sei remata iha fulan junho sira servisu hamutuk ho DNSA atu intrega nomos maneja konaba operasaun nian hanesan, sira kontinua pronto atu servisu hamutuk saida tan maka ita servisu hamutuk iha area be’e mos nomos sanimentu nian. Tuir lei ne’ebe halao iha timor leste tanba nia registo iha timor leste.

Iha fatin hanesan, NITL Collin Yap hateten, servisu asuransi iha timor leste ami preparadu atu bele fo garantia ba kolega sira ne’ebe hakarak halo investimentu iha ZEESM. Seguru ba investimentu ne’ebe iha,ami pronto nomos garante fo seguru ba ita bo’ot sira nia asset, prioridade,inklui pregado sira ida ne’e mak ami bele ofrese ba ita bo’ot sira bele hakarak halo investimentu iha ZEESM. Sira osan hamutuk $20 milaun sira iha osan atu bele fo seguru ba kresementu,parseiru mai husi singapura nomos kanada to ‘o iha ne’eba sira pronto atu ajuda timor leste hodi fo seguransa ba investimentu. Konaba saida NITL hanoin atu bele involve fo paoiu sira servisu hamutuk nia hetan ajuda iha investimentu iha ZEESM , dezenvolve nomos hari’I ida ne’ebe presija fasilita ita bo’ot sira nia negosiu.

Proposta sei mai wainhira remata,iha descobre lifau,aeroportu, portu ba ema, fatin sei hein katak dalaruma sei hein governu la aprova karik entaun laiha ne’aba hein governu aprova fatin lai. Iha hotel nmos Oisina atu tama ba hotel laran are ida ne’ebe bele akomoda ema atus rua hanesan, salaun konfrensia. Kada quatruluan 25 meter per segi. Entertantu Vizaun Seitor Privadu Oscar Lima hateten, ba eis PM katak konfiansa ne’ebe mak estado timor leste foti ba ita bo’ot,satan PM nomos eis PM hamutuk responsabilidade ne’ebe ita bo’ot sira halo iha tinan 1975 sei iha ninia rezultadu ida ne’ebe diak especial ba Oe-Cusse. “Hau hateten governu to’o ohin loron sempre kolia katak kapasita seitor privadu  nasional, hau lori kolega hotu nia naran liafuan ida ne’e labele husik ba rai, tanba ami iha momentu frazel maibe laos frazel liu lae lubun oan ne’ebe hamutuk iha sala ida ne’e, atu kompara katak ami mak ki’ik liu maibe balun mai fraku hela maibe sira mai ho fasilidade ne’ebe sira nia governu fo nomos sira nia banku fo baut hirak ne’e sira hetan ajuda”dehan Oscar Lima.

Seitor privadu nasional ita bo’ot sira hanoin ona katak atu halo kapasita  so governu liu ba ne’e fo ona konfiansa barak ba seitor privadu,hanesan pakote referendum,PDD, Projeitu bo’ot tebes iha timor laran tomak sa’e deit pajeiru muda-mudahan pajeiru hirak ne’e aguenta nafatin, hanesan eleitrisdade, ida ne’e bo’ot tebes. Konaba finanseiamentu hau fo parabens SEAPRI buat ne’ebe ninia promete iha CCI-TL I ohin loron realiza ona ne’ebe ita iha ona Orsamentu $10 miloens  iha BNCTL atu dudu seitor privadu nasional ba oin. Maibe balun lapresija maibe ema balun presija hau hanoin, tanba seitor privadu ba oin SEAPRI  nia naran bo’ot ba bei-beik maibe kuandu ami Seitor privadu monu SEAPRI mos gagal iha ninia tugas. “Ami husu protesaun ba eis PM ita bo’ot hanoin halo to’ok konfiansa ba emprezariu internasionais sebele sira halo netik koopersaun ho emprezariu nasionais atu nune’e husik netik Presentajen ki’ik ida maibe lukru ne’e bele husik hela iha timor”dehan Oscar Lima.

Knar eis PM hetan husi estado timor leste sei lalet  nomos sei lamonu ba rai  kauze seitor hotu iha ne’e seitor ida ne’ebe ami kadaves enkuandu ami preokupa mak apoiu valefikasaun  maun de obra ami koalia bei-beik ho SEPFOPE iha restaurant hira ita ba hare komesa iha mudansa uitoan tanba maibe tenki prepara tan eletrisidade,karpintaria, pedreirus,be’e nomos makinas. Atu nune’e ZEESM halo iha ne’e ita lalikan lori buat barak mai husi liur balun mos tenki uza ita nia maun de obra. Husu ba eis PM ita ukun’an ona maibe ekonomiamente ita bo’ot sira husik ba ema husi rai seluk ou emprezraiu seluk mak kaer  ita nia nasaun sei laforte tanba seitor Privadu forte  nasaun sai forte. Seitor Privadu nasional Katleen Goncalves hateten, sim feto emprezariu sira iha papel ida inportante tebes ne’ebe bele fo kontribuisaun nomos kapasitasaun iha planu dezenvolvimentu ZEESM.

Implemeneta projeitu sira ne’e servisu seitor privadu nian ida ne’e seitor privadu nia funsaun atu bele implementa ho diak ,iha oportunidade ida ne’e nia koalia ho emprezariu local balun rona husi sira liu ba maluk feto emprezariu sira. Sira hato’o nomos simu balun sira hasoru dadaun ne’ebe asesu ba finanseiru nomos prosesu dezenvolvimentu ida ne’e sei fo oportunidade negosiu lubuk ba seitor privadu hotu baa mi nai emprezariu nasional,lokal nomos internasional. “Hau hanesan Feto emprezariu negosiu oportunidade ami sei hetan oprtunidade ingordade oinsa ita bele aseguru feto emprezariu sira kapasitasaun nomos ami nia partisipasaun iha dezenvolvimentu ida ne’e, ami fiar katak governu nomos dr Mari Alkatiri nia paoiu nomos atensaun bele aseguru feto sira partisipasaun li-liu ba lokal sira”dehan Katleen.

Tuir Vice Prezidenti CCI-TL  Vicenty Maubocy hateten, dokuminador komum iha kualker dezenvolvimentu mak hanesan, infrastrutura xave hanesan, estradas,portu,aeroportu nomos telekomunikasaun ita iha ona nomos eletrisidade. Eletrisidade sai triste bo’ot ida ba timor leste kadaves iha fatin ida ne’e ami iha tecnolojia ida naarn Copres Natural yes (CNY) ne’ebe ami aprezenta ona ba konselho ministru nomos individual oinsa CNY tecnologi katak ba transporte ba khas ba  papiline nomos Ciency tecnologi foun. Timor leste iha vantajen bo’ot tanba hela deit estrela de gas iha estrela gas lubuk iha 11 tanba oinsa atu lori gas timor leste. Kupang sujere atu fornese eletrisidade husi Oecusse planu original iha Betano.  “Ami husu ba dr Maria Alkatiri  porsentu 30 tenki involve kompania lokais involvement halo nusa scavator timor oan husi liur lalikan lori mai ona para kamianetas barak sira Esporta”dehan Maubocy.

Paradigma foun hanesan uluk ita hamutuk funu ba ukun rasik’an agora hamutuk oinsa ekonomia sai diak. Tuir Seitor Privadu Oecusse Bartolomeus squera hateten, ami  sei la espera katak ida ne’e maibe sai hanesan pontu ida ita hakat ba oin hamutuk hodi hari’I dezenvolvimentu ba futuru. Ba maluk emprezariu sira ami emprezariu Oescusse iha diskusaun barak ona  hamutuk dr Mari lalikan iha duvidas ami iha konseptu ba ZEESM ida ne’e hanesan, buat foun ida iha mundu foin aplika iha Oecusse. “Ami husu deit ita hotu nia apoiu atu nune’e ZEESM ida ne’e labele lao bei-beik nune’e mos Ami husu ba governu nomos PN atu sebele buat ida sai funda,entu liu mak lei sai ba nia instatutu especial oecusse nian labele dada naruk tan tanba Dr Alkatiri ba fanun sira ona iha tempu naruk nia laran, ami loron, kalan hein deit wainhira mak atu komesa.ami fiar katak ita servisu ZEESM sei lao”dehan Bartolomeus.

Aleinde Secretariu Estado Promosaun Seitor Privadu (SEAPRI) veneranda Lemos hateten, hau koalia la barak maibe hau enkoraja nafatin seitor privadu sira atu ativu liu tan nomos hare oinsa bele partisipa iha dezenvolvimentu ida ne’e. Projeitu bo’ot ne;ebe dr Mari Alkatiri lidera hanesan projeitu ita nian,timor oan nian, futuru  timora oan nian. “Ita nia parseriu dezenvolvimentu sira mai atu hakbi’it tan ita deit, maibe ita mak nain ba projeitu refere, tanba hau hakarak enkoraja nafatin seitor privadu sira ho hanoin ida katak ita hotu tenki iha esperitu patensia saida deit mak ita halo tenki patensi ba sasan ne’ebe ita halo,ita tenki iha responsabilidade, apoiu tenki iha didikasaun masima ba saida mak ita halo ba servisu saida deit tanba ne’e ita timor oan nian”dehan SEAPRI. Labele hakilar bei-beik katak ami laiha finanseira ida ne’e parte ketak ida labele kahur se ita kompremiso atu halao servisu ida ba oin finansiamentu ne’e ita hare hamutuk.

Tinan ida ne’e liu husi aprovasaun orsamentu husi PN ita iha ona $10 miloens,oinsa seitor privadu sira prepara’an atu bele hetan asesu ba osan refere,  prepara’an ba saida laos tur deit ita hotu ba banku rame-rame atu fo lae.maibe ita tenki iha planu ida ne’ebe diak hanesan, planu dezenvolvimentu,planu negosiu iha  jestaun ba orsamentu,jestaun ba administrasaun ida ne’ebe diak hafoin ita hetan ona asesu finanseiru.  Planu finanseiru nomos investomentu bele lao ho diak,ami kria ona ida hanaran ekipa tacksforce ne’ebe bele akompnaha seitor privadu ne’ebe iha ona planu negosiu ida ne’ebe diak antes  hetan  asesu finanseiru tacksforce ne’e mak sei akonpanha seitor privadu sira. “Hau husu hakaraik’an atu nakloke’an ita dalaruma ita tenki kritika malu hodi rekesa malu,tanba ita hamaus malu deit liu husi pakote governu fo ida hakbi’it ona seitor privadu maibe ita hotu tenki hatene nomos rekoinese katak ita nia planu ladiak,tanba planu ladiak mak orsamentu aumenta kapital aumenta maibe laaumenta ita mak nafatin,senti urgulho tebes barak mak halo ona invetimentu”dehan SEAPRI.

Durante hau halo vizita iha distritu 12 seitor privadu hahu halo investimentu nomos halo esportasaun ba liur ita mos bele fo fo’s ba seitor privadu  tanba neneik maibe bei-beik sira sei halao iha ona kbi’it atu halao maske seidauk hetan finansiamentu husik banku ida maibe ho sira nia kbi’it ne’ebe iha sira buka atu hakbi’it’an mesak  hodi hamrik . iha tinan ida ne’e iha pakote 3 hanesan,investimentu,Weeking kapital nomos house in Close BNCTL agora iha,hafoin BNCTL sei hadia ninia infrastrutura hanesan, ATM diak liu iha ATM rasik ka ou join ATM ou banku sira ne’ebe ejisteneti. “Hau husu ba Seitor Privadu sira atu rai osan iha banku tanba timor foin mak iha banku ida hanesan, BNCTL tanba ita forti banku ne’e forti seita laforti banku mos sei laforti”dehan Lemos.  (Business Timor)