DÍLI----Sekretáriu Estadu Juventude no Desportu (SEJD) Nelio Isac Sarmento deklara atu muda Liga Futebol Amadora (LFA) ba hamahan iha Federasaun Futebol Timor-Leste (FFTL), tanba FFTL maka mahon ba atividade futeból hotu rai laran.

“La’ós muda LFA ba FFTL, memang regras no prosedumentu iha mundu tomak nia lalaok maka hanesan ne’e.

Ita kompriende muito bem, tanba saida maka momentu ne’eba Sekretáriu de Estado anterior toma desizaun polítika ida halo liga ne’ebé la’ós hosi di bawah naungang FFTL, maibé governu, ne’e ita bele kompriende tanba kestaun polítika,” hatete Nelio Isac Sarmento.

Nelio hatutan, situasaun agora tenke muda ba na’in, ne’ebé tenke sai induk ba atividade futebol, depois maka governu fasilita kodisoens ba sira para halo servisu, maibe ida ne’e la signifika katak FFTL maka atu organiza liga, maibe nia under responsablidade ne’e tenke FFTL. “Hau fo ezemplu kikuan ida deit, se agora klube ida halo tranferensia ba jogador estranjeirus ida mai iha ne’e maka sala dokumentus ida, FIFA fo sansaun ne’e ba FFTL la’ós ba LFA no SEJD.

Ne’e duni buat sira ne’e hotu ita tenke regula, tanba ne’e maka agora hau husu liga, agora tenke dibawah naungang FFTL, atu nune’e bele halo kontrolu ba sistema hotu ne’ebé seidauk tuir regras FIFA nian, maibé la signifika FFTL maka atu organiza LFA i LFA nafatin orgaun independente ida maka kaer (organiza),”informa Nelio wainhira dadalia ho Jornalista BT iha edifisiu FFTL semana liu ba.

Nia dehan LFA agora tenke hamahan-an iha FFTL nia okos, hodi nune’e bele kolabora diak liu tan ba sistema hotu hosi FIFA nian, governu hanesan instituisaun polítika atu kria kondisaun hodi fó apoiu para atividade desportiva hotu bele la’o ba oin. (BT)