DÍLI----Tinan 2019 Sekretaria de Estado Juventude no Desportu (SEJD) preve orsamentu hamutuk $1,543,346.00, hodi organiza no realiza programa Juventude iha Timor laran tomak.

Diretór Nasional Juventude SEJD, David Tomas de Deus hatete, bazeia ba politika VIII Governu nia programa ne’ebé sira elabora tuir planu estratejia tinan lima, iha tinan 2019 SEJD sei halo programa lubuk ida ba Juventude tomak iha 12 munisipiu inklui RAEOA.

David hatutan, programa sira ne’ebé SEJD sei halo iha 2019 maka hanesan, Parlamentu Foin sa’e, Juventude sai siviku ho saudavel, LSB, promosaun Juventude, karakter building, divulga espritu nasionalismu no patrionalismu ba Juventude, hadok Juventude hosi fuma tabako, emprendedorizmu, selebrasaun loron nasional Juventude no komemora loron masakre santa cruz, akampamentu joven kontenti, joven hadomi natureza inklui partisipa atividade Juventude iha internasional ho naran joven ceriodes da CPLP (Angola) no união scuteiros Timor-Leste wordl casa embore iha Amerika.

Maibe programa hirak ne’e enjeral hamutuk 6 maka hanesan, Parlamentu Foin Sae, Edukasaun Sivika no Saudavel, emprendedorizmu, eventu nasional, eventu internasional no reforsa organizasaun Juventude.

Objektivu enjeral hosi programa hirak ne’e maka oinsá atu halo Juventude hetan hahalok diak no moris diak, dehan Dirétor Nasional Juventude ba Jornalista BT iha k’nar fatin iha semana liu ba.

David sublinha katak, hosi atividade ou programa sira ne’e hotu SEJD so fo apoiu deit, maibe atu halao atividade hirak ne’e liu centru Juventude sira ne’ebé estabelese ona iha teritorio, tanba sira maka sai hanesan parseiru implementador. 

Alende ida ne’e SEJD mos sei fo apoiu ba CNJTL hodi halao sira nia kongresu nasional inklui mini kongresu iha munisipiu no postu, tanba struktura sira nia mandatu remata ona, inklui fo fundus ba união scuteirus hodi halo formasaun avandu ba dirijente sira no formasaun basiku ba membru scuteirus,imforma Dirétor DNJ.

David akresenta katak, iha fulan Janeiru 2019 SEJD liu hosi Diresaun Nasional Juventude la halo atividade, tanba situsaun uja orsamentu duadesimu defikulta ituan tanba tama tarde, ne’e duni sira espera iha fulan Febreiru Ministeriu Das Finansas bele transfere osan sedu, hodi nune’e bele ezekuta programa hirak ne’e.

David realsa liu tan katak, parseiru hosi Diresaun Nasional Juventude SEJD hodi implementa programa sira ne’e maka hanesan, centru Juventude, alumi parlamentu foin sae, união nasional escuteirus, CVTL, aliansa tabako Timor-Leste, Juventude hadomi natureza no CNJTL inklui parseiru internasional hanesan UNICEF, UNDP, JIZ, UNBPB. Entretantu totál orsamentu ba Diresaun Nasionál Juventude SEJD ba tinan 2019 hamutuk $1,543,346 .00, liu hosi verba transferensia publik. (BT)