DILI----hanesan membru ba Federasaun Karate-Do Internasional, Federasaun Karate-Do Timor-Leste (FEKATIL) iha mos obrigasaun hodi partisipa eventu internasional ne’ebé federasaun internasional termina ona, tanba ne’e FEKATIL tinan 2018 sei partisipa eventu internasional 2.

Sekretaria Geral FEKATIL Antonio Carlos de Araujo hatete, tinan 2018 FEKATIL sei partisipa eventu internasional rua, ne’ebé eventu refere iha obrigasaun ba FEKATIL hodi partisipa tanba hanesan membru Karate-Do.

Nia hatutan, eventu internasional rua refere ne’ebé FEKATIL sei partisipa mak hanesan, eventu internasional Azia CahmpionShip Junior iha Tokyo no eventu Internasional Junior Cup iha Vietnam.

“eventu internasional rua ne’e ami iha obrigasaun hodi partisipa, tanba ami sai ona membru ba Federasaun Karate-Do Internasional, ne’e dunik ami iha obrigasaun para partisipa iha eventu refere”imforma Carlos.

Sekgen ne’e sublinha liu tan katak, alende iha obrigasaun hanesan federasaun hodi partisipa iha eventu internasional, i sira mos iha obrigasaun kada tinan hodi realiza eventu nasional hanesan Kampionatu Nasional ba Karate-Do nian, tanba hanesan membru Karate-Do internasional kada tinan iha dever hodi realiza eventu nasional.

Ne’e dunik ho eventu nasional sira ne’e mak federasaun bele identifika no sukat kapasidade atleta sira, hodi prepara molok ba kompete iha eventu internasional.

Carlos realsa liu tan katak, maske FEKATIL nia atleta sei sufiente, maibe sira mos hatudu ona prestasaun diak iha eventu internasional. ne’e dunik atleta ne’ebé agora FEKATIL iha hamutuk 400 resin iha Timor-Leste, tanba ne’e ho numeru refere bele hatan ona ba partisipasaun iha eventu internasional no nasional. (BT)