DILI----Eis Baliza Selesaun Nasional no DIT Ramos Maxanches ne’ebé antes (2016) husik hela Timor-Leste hodi ba servisu iha Inglatera, agora dadaun fila hikas mai TL hodi asumi fali nia kareira hanesan guarda rede, maibe agora dadaun sei fora husi kontratu, tanba seidauk iha klubu ida mak halo kontratu ho Ramos.

Eis Guarda Rede Selesaun Nasional no DIT Ramos Maxanches to iha Timor-Leste iha dia (06/01/18), maibe ate agora seidauk iha klubu ida mak intrese ba nia hodi halo kontratu ho Guarda Rede Selesaun Nasional ne’e.

“Hau fila mai Timor-Leste iha dia (06/01/18), maibe to agora seidauk iha klubu ida mak halo aprosimasaun ho hau, para bele joga iha sira nia klubu. Tanba ne’e agora dadaun hau sei fora (livre) husi kontratu,”hatete Ramos ba Jornalista BT wainhira hasoru malu iha Kampo Demokrasia, Sesta-feira (19/01).

Ramos hatutan, konaba atu fila fali ba klubu anterior (DIT) parese nia lakoi, tanba kontratu ne’ebé sira fo la tuir standar kareira ninian (salariu). ne’e dunik 75% nia sei la bele fila fali ba klubu anterior, se karik sira sei mantein ho kontratu antes. Ne’e dunik agora dadaun nia hein aprosimasaun husi klubu seluk ne’ebé iha interese ba nia, hodi reforsa klubu refere.

“tanba ne’e agora dadaun hau hakarak hamutuk fali ho klubu seluk, ne’ebé hakarak atu halo kontratu ho hau tuir standar kareira hau nian. maibe agora dadaun seidauk iha klubu ida mak halo aprosimasaun ho hau”imforma Guarda Rede ne’e. Maibe agora dadaun nia treinu iha kampo demokrasia ida ne’e la inklina iha klubu ida, tanba sira ne’ebé treinu publik alias jogador selesaun nasional,tenik Ramos. (BT)