DILI----Klubu Kampiaun LFA epoka 2017 no Super Taça LFA, Karketu Dii Fc husu ba Orgaun Liga Futebol Amadora (LFA) atu hasae premiu do jogu iha epoka 2018, tanba premiu do jogu ne’ebé antes klubu sira hetan seidauk bele subtitui ba gastus klubu nian durante epoka 1.

Presidente Karketu Dili Fc Jose Adilson Ribeiro husu ba orgaun LFAatu kria planu ne’ebé diak hodi hasae tan premiu do jogu iha epoka 2018, tanba premiu ne’ebé klubu rejulta la atinji 50% husi gastu ne’ebé klubu impoint iha epoka 1.

“hanesan klubu ne’ebé sai Kampiaun LFA ba epoka 2017 no Super Taça, ami nafatin husu ba Orgaun LFA atu kria planu ne’ebé diak hodi nune’e bele hasae tan premiu do jogu, atu nune’e premiu ne’ebé klubu rejulta pelumenus bele subtitui hikas gastus klubu nian durante epoka 1, tanba esperensia ne’ebé ami hetan hanesan Kampiaun LFA ho $15,000.00 no Super Taça $10,000.00 inklui subsidiu klubu husi governu seidauk subtitui gastus klubu nian durante epoka 1, tanba ne’e ami husu ba Orgaun LFA atu hare’e kestaun refere”dekalra Presidente Karketu Dili Fc ba Jornalista iha nia k’nua fatin, Kinta-feira (11/01).

Nia hatutan katak, durante epoka 2017 gastus ne’ebé klubu Karketu Dili Fc hasai minimun liu mak 250,000.00, tanba ne’e premiu do jogu ne’ebé klubu rejulta seidauk bele rekopera hikas osan klubu nian, ho rajaun ida ne’e hanesan klubu sira husu para LFA bele hare’e kestaun refere hodi hasae premiu do jogu ba epoka 2018,esplika Adilson.

Entertantu ba epoka 2018 Karketu Dili Fc seidauk hetan prezensa husi sosio foun hodi apoiu klubu, tanba ne’e klubu sei mantein nafatin ho sosio anterior nain 7 inklui sponsorship hanesan Bintang no Kreative Furak. Maske nune’e klubu nafatin halo hela aprosimasaun ho emprezariu balun hodi sai mós sosio ba klubu, maske ate a data seidauk hetan resposta positivu. (BT)