DILI----Relasiona ho situasaun polítika ne’ebé oras ne’e akontese iha Timor-Leste sei fo amiasa ba partisipasaun atleta sira nian iha eventu internasional Asia Games Indonesia ne’ebé sei realiza iha fulan Agostu 2018.

Presidente CDTL Afranio Xavier Amaral hatete, antes CDTL iha ona planu hodi hatan ba atividade desportu nian ne’ebé sei akontese iha 2018, hanesan Eventu internasional Asia Games Indonesia no Universitariu Games iha La’ós inklui Festival Nasional Desportu iha Baucau.

Maibé tanba situasaun polítika ne’ebé akontese iha Timor-Leste i ida ne’e sei fo impaktu ba preparasaun atleta sira nian ba eventu refere ho masimu. Ne’e dunik konaba kalendariu preparasaun atleta sira nian ba eventu refere, i ida ne’e CDTL hein orsamentu governu, maske antes kalendariu aprova ona iha 2017.

Ne’e dunik ho situasaun polítika ida agora ne’e sei prejudika preparasaun atleta sira nian, tanba defisil atu prepara atleta sira ho tempu badak tuir kalendariu ne’ebé antes termina,imforma Afranio ba Jornalsita sira iha nia k’nar fatin, tersa-feira (09/08). 

Afranio hatutan, tanba ne’e CDTL sei la bele foti desizaun ruma hodi hatan ba preparasaun atleta sira nian iha eventu internasional, tanba sem pursentus (100%) CDTL dependensia ba orsamentu governu (SEDPAK).

Maibé nia nafatin husu ba atleta sira ne’ebé liu ona selesaun ba eventu internasional hanesan Asia Games Indonesia no sira seluk, atu kontinua esforsu treinu nafatin i la bele influensia ho polítika ne’ebé agora akontese iha Timor-Leste. Inkui federasaun sira nafatin ativu hodi tau matan ba atleta sira tuir kbi’it ne’ebé federasaun iha,mensagen husi Presidente CDTL. (BT)