BAUCAU----Jogador eskerda João Pedro (10) lori klubu AD. SLB lidera jogu kontra klubu Zebra Fc ho derota 3-1, hodi rejulta 3 pontus iha jogu abertura ne’ebe mak realiza iha Mini Stadion munisipiu Baucau (18/02).

Iha primeiru jogu abertura ne’ebe mak atrai tebes komunidade munisipiu Baucau hodi prense masimu tribung iha parte hotu-hotu, iha jogu primeiru parte klubu ho identidade munisipiu Baucau (Zebra), liu husi nia talentu jogador konsege halo tribung nakonu ho haklalak, tanba foin hakat deit ba minutu 2 jogador Brazileiru ho naran Marcos de Lima ho numeru kamijola (25) konsege ultra pasa kedan primeiru golu ba guarda rede AD. SLB, liu husi bola remata ne’ebe suta husi jogador ne’e no la konsege kaer husi baliza AD. SLB hodi lidera ho derota 1-0.

Maibe tanba deit jogador AD. SLB la lakon esperansa, ikus mai ho esforsu ne’ebe mak iha husi ekipa tomak, konsege ultra pasa hikas golu ida ba fali guarda rede Zebra Fc iha minutu 5, liu husi kruja bola ne’ebe mak halao husi jogaodr eskerda AD. SLB João Pedro ho numeru kamijola (10). 

Maske esforsu jogador Zebra Fc lakoi hatun sira nia dignidade klubu ho identidade munisipiu Baucau ne’e, maibe liu husi esforsu tomak ne’ebe mak sira halo la konsege hetan rejultadu diak, tanba jogador AD. SLB la fo oportunidade ba jogador Zebra Fc hodi lori bola to sira nia baliza.

I maske nune’e liu husi tekniku ne’ebe maioria jogador ho idade ki’ik ne’e iha, sira konsege ultra pasa tan golu segundu ba baliza Zebra Fc, liu husi bola remata husi jogador Nidio Alves (24) iha minutu 30, hodi halo derota nakfilak ba 2-1 to jogu primeiru remata.

Entertantu depois de deskansa hakat ba jogu segundu parte, klubu rua ne’e nafatin esforsu para atu halo mudansa ba derota ne’ebe antes iha, maibe liu husi esforu ne’ebe klubu rua ne’e halo, ikus mai konsege klubu AD. SLB mak hetan oportunidade tan hodi halo derota nakfilak ba 3-1, liu husi jogador João Pedro (10) iha minutu 76, i depois de kontinua jogu la iha tan jogador ida mak hatama tan golu to jogu remata, hodi halo jogu refere lidera husi AD. SLB ho derota 3-1 iha Mini Stadion Munisipiu Baucau.

Entertantu iha jogu abertura ne’e hetan siguransa masimu tebes husi, PNTL, FFDTL, Siguransa Civil, Joventude, Bombeirus no Saude inklui komunidade munisipiu Baucau. (BT)