DILI----Liu husi atividade Peace Run bele motiva povo Timor-Leste hodi hakbesik a’an liu tan, iha prosesu dame no paz iha rai laran.

Sekretaria de Estado Joventude no Desportu (SEJD) Leovirgildo da Costa Hornai hatete, programa Peace Run ida ne’e importante tebes ba Timor-Leste, tanba objetivu husi programa ida ne’e atu lori mensagen ba moris dame no paz nian, ne’e dunik liu husi Peace Run ida ne’e bele promove liu tan dame no paz TL nian ba mundu.

Nia hatutan katak, programa Peace Run ida ne’e realiza ona ba dala 2 iha Timor-Leste, ne’ebe permeiru hahu iha tinan 2014 no agora iha 2017, tanba Timor-Leste aprova ona katak, hakarak nia povo kontribui moris husi dame no paz. “Ne’e dunik liu husi prezensa Peace Run ida ne’e ita espera bele lori dame no paz ba timoroan hotu, tanba ita hela fulan hira deit atu tama ba eleisaun Presidente no Parlamentar” tenik Leo iha semana liu ba.

Iha fatin hanesan Primeiru Ministru RDTL Rui Maria de Araujo husu ba SEJD atu prepara hodi halo selesaun ba timoroan ne’ebe mak iha talentu, para bele halo voluntariu ba partisipa iha atividade Peace Run. Entertantu Ekipa delegasaun Peace Run mai husi nasaun 10, kompostu husi Jepan, Indonesia, Australia, Guetemala, Czeech Republic, USA, Brazil no Switzerland, Puerto Rico no Austria. Rute Peace Run refere hahu stars iha, PN, BNU, Intreposto, Colmera, TDD, Rotunda Colmera, Tiger Full, CNJTL, Ministeriu do Turizmu, Igreja Motael, Porto Dili, no Finish iha Palacio do Governu. (BT)