DILI----Relasiona ho klubu ne’ebe oras ne’e pasa ba primeiru divizaun  agora kontinua tenta hela hodi haforsa tan ekipa para bele atinji metas ne’ebe klubu mehi, ne’e dunik klubu Fc Karketo Dili iha fulan ida ne’e sei sosa tan jogador husi parte klaran/mediu husi 13 klubu nasional ne’ebe la pasa ba primeiru divizaun.

Sekretaria Geral Fc Karketo Jose Luis Oliveira hatete, regulamentu LFA fo ona dalan ba klubu sira durante iha diskansa fulan ida ne’e fo mos posiblidade ba klubu sira atu komesa bele halo negosiasaun ho 13 klubu ne’ebe la pasa iha primeiru divizaun ne’e, karik sira iha interese atu halo transasaun ba sira nia jogador/transfer.

“ami mos observa ona katak jogador balun iha 13 klubu ne’e ami atu koko hakbesik hodi taka tia frakeza ne’ebe ami ejisti, liu-liu  iha parte mediu! Tanba ami persija tebes jogador mediu ne’ebe diak ho defeza klaran”imforma Jose ba Jornalista BT iha k’nua fatin farol, kuarta-feira (27/01).

Entertantu  klubu ne’ebe Fc Karketo atu foti jogador/sosa  sira la temi sai alias subar, tanba tauk usida se temi sai klubu seluk bele taka dalan alias sosa uluk, ne’e dunik agora Fc Karketo sei hakbesik uluk ho klubu “espritu” ne’e mak se positivu foin bele fo sai ba publiku para bele hatene, ne’e dunik klaru Fc Karketo matan kona  ona ba jogador nasional mediu husi klubu espritu,” tenik Sekgen ne’e. 

“atu aumenta tan jogador estrangeirus ida ne’e depende mos ba ami nia finanseiru karik iha kapasidade finanseiru, “inprinsipiu sim” karik ami iha posiblidade ami bele buka tan jogador estrangeirus nain 1, tanba tuir regulamentu LFA katak jogador estrangirus joga masimu nain 3 deit iha kampo laran, i se mak atu truka sira ne’e so estrangeiru truka estrangeiru  no jogador nasional bele truka sira, maibe jogador estrangeiru la bele truka jogador nasional, maibe memang ideal ne’e karik 4 para nain 3 joga 1 seluk hein para hodi truka sira/subtitui, maibe ida ne’e hotu depende ba ami nia finanseiru. imforma Nia. (BT)