DILI----Arte Marsiais Padjajaran Nasional ne’ebé akumula iha Federasaun Silat Timor-Leste (FESTIL) nia okos, hahu  halao treinu loron-loron hodi  prepara kompete iha eventu nasional no prepara mos atleta ne’ebe merese atu partisipa iha eventu internasional. Sekretaria jeral  Padjajaran Nasional, Bendito da Costa Xavier hateten, agora dadaun atleta nasional ne’ebé sempre ativu iha treinu ne’e kuaze 60 resin, ne’ebé mai husi Munisipiu, cabang ho ranting sira.

Bendito realsa, liu husi preparasaun ne’ebe sira halao atu haree no defini talentu atleta nian iha eventu nasional, tanba ne’e atleta ne’ebe sai manan nain iha kompetisaun nasional mak iha direitu atu kompete iha eventu internasional arte marsiais padjajaran nian. Nia fo exemplo sekarik atleta nain rua mak sai vensedor iha kompetisaun nasional sira mak iha direitu atu ba tuir eventu iha internasional

Nia sublinha, apoiu ne’ebé Padjajaran nasional hetan  husi Sekretaria de Estado Joventude no Desportu (SEJD), tanba liu husi dalan Confederasaun Desportu Timor-Leste (CDTL) mai iha Federasaun Silat Timor-Leste  (FESTIL) foin fo apoiu ba arte marsiais Padjajaran! tanba sira akumula iha parte federasaun silat nia okos, kompostu husi arte marsiais Serulin Dewata, Padjajaran Nasional no Perisai Diri (PD). (BT)