DILI----Relasiona ho deslokakasaun ekipa selesaun nasional Futebal Timor-Leste partisipa eventu internasional Sea Games Singapura 2015, presidente Confederasaun Desportu Timor Leste (CDTL) Higino Trindade husu ba futebolista sira  tenki hatudu interese dignidade nasionalizmu iha jogu laran hanesan ema timor. Presidente CDTL Higino Trindade hatete, maske ekipa selesaun nasional futebal hasoru pol ne’ebe todan espera  katak jogador sira sei hatudu intrese nasionalismu ne’ebe makas hodi kontra ataka nasaun ne’ebe forti hodi hatudu katak Timor-Leste mos iha mudansa, ne’e .

“Hau espera katak  iha Singapura hau sei fo motivasaun makas ba sira para bele dudu jogador sira, atu lori dignidade nasaun nian ba oin ida ne’e mak importante! tanba jogu ne’e sempre iha lakon ho manan, maibe importante mak oinsa atu lori nasaun Timor-Leste naran morin iha Futebal Asia! liu –liu eventu Internasional Sea Games Singapura” Nia esplika.

Presidente CDTL reafirma, tinan ida ne’e  prestasaun jogadores  nia husu ba jogador sira tenki hatudu talentu ho teknik ne’ebe iha, hodi servisu ho ekipa ne’ebe diak atu nune’e bele hatudu ba nasaun seluk katak timor mos merese dunik atu kompete iha eventu internasional! laos interese partisipa deit maibe interese atu lori buat ruma fila mai timor. Higino esklarese katak, iha modalidade hitu ne’e nia garntia husi parte modalidade arte marsiais ho Boxing mak sei lori medalia mai Timor, tanba sira iha potensia ho jogu individu, 

Nia imforma, CDTL mos iha planu depois de fila husi eventu internasional Sea Games, sira sei  husu ajuda ba SEJD hodi apoiu osan ba alimentasaun atleta nian iha treinu, ne’e dunik CDTL identifika ona hodi fo prioridade liu ba atleta individual hanesan Atletizmu, Taekwondo, Karate, Volyball Praia no Boxing  mais la signifika katak la fo oportunidade ba modalidade sira seluk, maibe sei halo diferensia iha orsamentu alimentasaun individual  hodi nune’e bele fo prioridade ba atleta sira para prepara ba tinan 2017-2018, tanba se lae atleta sira la iha mudansa ho preparasaun tempu ne’ebe limitadu! ne’e dunik susar atu realiza povo timor nia mehi,”reklama Presidente CDTL.

Higino hatete, relasiona ho kondisaun infrastruktura confederasaun iha ona planu ba futuru, ne’e dunik persija neneik! tanba orsamentu hotu mai husi governu! Maibe la signifika katak fasilidade sai impaktu ba atleta, tanba atleta ida kuandu hatudu rejultadu iha fasilidade ne’ebe la diak ida ne’e mak dehan milhor! laos hakarak fasilidade kompletu foin atleta sira konsentra! ne’e dunik buat hotu persija faziada, laos hakarak agora pronto kedan! tanba nasaun laos hare’e deit desportu maibe komun. (BT)