Filomeno Fernandes
Filomeno Fernandes

Filomeno Fernandes
DILI----Assesor Sekretariu Estadu Juventude no Desportu (SEJD) Filomeno Fernandes lamenta ho kuantidade ofisial no delegasaun hosi Comite Olimpiku Nasional Timor-Leste (CONTL), Confederasaun Desportu Timor-Leste (CDTL), no Sekretaria de Estado Juventude e Desportu (SEJD) ne’ebe barak hanesan mos atleta ba eventu Internasional Sea Games Singapura fulan Junhu 2015.

“Hau kecewa ho Comite Olimpiku,  CDTL no SEJD laos kontra maibe kecewa. Kecawa  tanba sira lori ofisial ne’e barak liu fali atleta sira, ne’e dunik hau senti kecewa oituan. Ofisial hosi SEJD,  CDTL no Comite Olimpiku ba barak ne’e atu halo sa ida? Tanba ne’e hau husu ba autoridade kompetensia hodi hare’e problema  sira ne’e, tanba Comite Olimpik nia odomatan taka hotu, inklui CDTL nain hira kedan. Diak liu haruka atleta mak ba barak,  hodi nune’e bele hetan medalia ruma, ida ne’e mak hau kecewa oituan.

Ida ne’e laos kritik destroi maibe kritik atu hadia para ba oin bele tau iha konsiderasaun,  para ema ida ka rua deit mak ba deit,” dehan Filomeno ne’ebe nudar mos Vice Prezidente FFTL (Federasaun Futebil de Timor-Leste) ba BT iha edifisiu FFTL, tersa (12/5). Filomeno esplika katak iha tempu pasadu nia mos sai atleta no partisipa Sea Games iha Laos maibe ofisial sira nain hat deit mak ba. Ema nain hat ne’e ba iha momentu neba mak xefi demisaun, presidente delegasaun ida, sekertariu ida hodi koordena aktividade no finansas 1 inklui ho media 1. Maibe agora ne’e ba barak ne’ebe kuaze instituisaun nia odamatan taka hotu.

“Lolos ita fo oportunidade ba atleta sira para hodi manan esperensia no buka medalia. Se la hetan medalia, sira bele hetan esperensia, laos ofisial mak ba barak hodi  ba pasiar deit. Ida ne’e signifika katak ita ba Sea Games Singapura para ba pasiar laos partisipa eventu. Ne’ebe governu dehan poupa osan maibe ita ba fakar osan,” dehan Filomeno.  Iha fatin hanesan Xefi Demisaun Laurentinho Guterres afirma, agora dadaun CONTL nain 9 mak ba partisipa iha eventu ne’e, kompostu hosi Sekretaria Geral ho nia Vise,  Presidente ho nia Vise, ne’e hanesan regras ba realizasaun eventu Sea Games nian, no ofisias staff CONTL nain rua.

Entertantu lista Sea Games Singapura ne’ebe loron tersa (12/05) Jornalista BT hetan hosi Xefe Demisaun Sea Games Singapura, Laurentino Guterres ho total numeru atleta fiksu 60 pessoas kompostu hosi federasaun hitu, no numeru treinador/ofisial ba atleta ho total 21 pessoas ne’ebe tuir atleta nian katak 2 banding 1.  Hosi parte CDTL nain 3, CONTL nain 9, no SEJD nain 6 inklui media TVTL 1. Entertantu ba atleta rejerva hodi antisipada  ho total 15 pesoas. (BT)