DILI----Tuir kalendariu, Federasaun Karate Timo4r-Leste (Fekatil) atu realiza aktividade iha fulan Juñu ne’e maibe sei atraza ho orsamentu hosi governu liu hosi Sekretariadu Estadu Juventude Desportu (SEJD). Sekretaria Jeral Fekatil, Antonio Carlos de Araujo haktuir ba BT semana kotuk katak, tuir kalendariu federasaun sei realiza eventu kampionatu nasional  iha fulan Junhu 2015 ne’ebe sei partisipa hosi 13 munisipiu, maibe  agora federasaun  sei hein hela kontratu ne’ebe sei asina entre Fekatil ho SEJD hodi realiza eventu kampionatu nasional, tanba buat hotu depende ba orsamentu.

Carlos hatutan, iha kampionatu nasional  federasaun sei presiza hola ekipamentus ne’ebe relasiona ho eventu refere, ne’e dunik federasaun iha preokupasaun oituan tanba ekipamentus sira ne’e presiza hola iha rai liur, ne’e dunik nia husu se karik bele SEJD aprova lalais orsamentu atu nune’e eventu kampionatu nasional bele realiza tuir kalendariu Fekatil, tanba hosi ekipamentus refere ne’ebe  federasaun atu hola presiza hetan lisensa hosi karate internasional foin bele sosa, tanba ekipamentus hirak ne’e elektronik.

Carlos imforma, orsamentu tuir proposta ne’ebe federasaun husu apoiu hosi SEJD ho montante $. 40,000.00,  hosi orsamentu refere 10% ba administrasaun no $. 26,000.00 uja ba kampionatu nasional. Entertantu iha parte seluk realsiona ho try out federasaun basketbal ne’ebe Sekjen ne’e akompanha nia hatete,  CDTL tau importansia ba basketbol hodi akompanha iha try out refere,  tanba sira foin primeira vez atu partisipa iha eventu internasional Sea Games. Ne’e dunik CDTL hakarak  hatene lo-los atleta nia kapasidade ne’e to iha ne’ebe. Carlos hatutan, try out laos atu buka manan maibe atu kompleta aumenta atleta nia esperiensia ne’ebe durante sira hetan iha treinu. Maibe iha try out ne’e atleta basketbol hatudu dunik disiplina jogu  ho kapasidade diak, ne’e dunik se karik iha jogu Sea Games sira lakon mos nia fiar atleta sira sei hatudu jogu ho diak. (BT)