DILI----Relasiona ho planu politika dezenvolvimentu desportu husi sekretaria de estado joventude e desportu (SEJD), Confederasaun Desportu Timor-Leste (CDTL) dehan planu ne’e sei la impede ba planu sira nian ne’ebé fiksu ona ho programa altu kompetetivu. Prezidente Federasaun Atletizmu Timor-Leste (FTA), Àfranio Xavier Amaral hatete, agora CDTL  inklui federasaun hotu ne’ebé legal  iha Timor-Leste, hein deit karta husi Sekretaria de Estado Joventude e Desportu (SEJD) hodi halo enkontru jeral konaba planu politika dezenvolvimentu desportu ihanasaun foun ne’e.

Àfranio hatutan, iha ekontru politika dezenvolvimentu desportu atu forma draft ou matadalan ida atu nune  federasaun sira lao tuir, ne’e dunik federasaun hotu-hotu sei hato’o planu ida-idak inklui obstaklu ne’ebé durante sira infrenta iha baze, hodi hato’o ba Sekretaria de Estado atu diskuti iha meja. Nia imforma, CDTL antes tinan 2000 kria ona matadalan ida ho longo prazu tinan 5 ne’ebé imvolve planu ho hanoin husi federasaun hotu, ne’e dunik agora dadaun planu ne’e mak sei akompanha hela sira ate agora.

Àfranio sublinha, iha planu hirak ne’e konsege sira realiza planu ida deit,  planu barak mak la konsege realiza, tanba orsamentu ne’ebé deside mai husi SEJD limitadu entaun planu sira ne’e maten ona, tanba agora planu bele iha maibe tenki tuir osan, osan mak manda planu. “Planu la tuir ezekusaun orsamentu no tempu, ida ne’e mak problema , maibe iha tinan lima ne’e CDTL nia planu mak hanesan, kapasita rekursu humanus treinador, arbitrazen, try out no subsidi ba federasaun,” dehan nia ba Jornalista BT iha knar  fatin jinasiu GMT, sesta (17/04).

Nia dehan, planu ne’ebé SEJD atu kria politika dezenvolvimentu desportu sei la impede CDTL, tanba programa ne’ebé CDTL halo fiksu ona bazeia ba programa altu kompetetivu, ne’e dunik iha planu politika dezenvolvimentu desportu CDTL so suporta hodi kria politika ida ne’ebé diak, atu nune’e bele abansa ba oin! i CDTL sei la halo mesak usida la sinkronisasi no osan sei la tuir planu, tanba governu mak fo osan,”reafirma Vise presidente CDTL.

Entertantu iha asuntu ne’ebé relasiona ho hola Bus tula atleta sira hodi partisipa iha Asian Games Singapura 2015, Àfranio hatete, bus ne’e iha ona no sira haree ona dezenhu bus nian, ne’ebé iha bus lolon marka ho logo CDTL, SEJD inklui bendera Timor-Leste. Àfranio dehan, bus ne’e hola iha Surabaya no prontu ona   agora hein deit lori mai mak kleur ituan ho  viagen do’ok tanba  tula iha ro ahi, ne’e dunik nia dehan katak sei garantia tempu antes fulan Junhu bus ne’e bele to iha Timor-Leste, entertantu orsamentu hola bus ne’e ho montante $85,000.00 ho  kapasidade 32 kadeiras. (BT)