DILI----Konfederasaun Desportu Timor-Leste (CDTL) intrega orsamentu alimentasaun fulan Abril nian ba federasaun hitu ne’ebé sei  partisipa iha eventu internasional Asia Games Singapura, inklui orsamentu try out ba Federasaun Basketbol Timor-Leste (FBTL) hodi halo try out iha Bali -Indodonesia. Presidente CDTL Higinho Trindade hatete,  federasaun atletizmu halao ona try out iha Malaysia ho total orsamentu $. 11,695.00, ne’e dunik CDTL hein hela relatorio husi sira, i aban Federasaun Basketbol Timor-Leste (FBTL) mak sei ba halo try out iha Bali ho montante orsamentu $. 12,775.00,  i orsamentu ba try out CDTL sei intrega wainhira federasaun sira atu aranka ona ba halo try out iha nasaun ne’ebé sira planeia ona tuir proposta ne’ebé iha.

Higinho hatutan, iha parte seluk federasaun sira mos simu osan konaba alimentasaun atleta sira nian ba fulan Abril. Osan ba alimentasaun ne’e rasik sei halao komesa husi fulan Janeiru to fulan Maio. “Kada fulan ida federasaun ida-idak mai hatama relatorio depois foin bele simu fali osan,” tenik Higinho ba Jornalista BT iha edifisiu jinasiu GMT, kinta (09/04).

Nia sublinha, kada atleta ida sei hetan orsamentu ba alimentasaun ho nutrisaun loron ida ho montante $. 20.00, i orsamentu ne’e CDTL intrega dereitamente ba federasaun hodi fo alimentasaun no nutrisaun ba atleta sira, entertantu total orsamentu ba alimentasaun ba federasaun hitu ho montante (duzentus ital mill dollar amerika),”imforma presidente CDTL.

Entertantu Sekretaria Geral Federasaun Basketbol Timor-Leste (FBTL) Ejildo Tilman hatete, federasaun ba halo try out ho objektivu atu aumenta jogador sira nia esperensia hodi bele imfrenta ho talentu ne’ebé nasaun sira seluk iha, ne’e dunik iha try out ne’e federasaun basketbol laiha faktor ruma iha ne’eba maibe iha intensaun deit, oinsa mak bele motiva jogador sira hodi hasae tan sira nia abilidade. (BT)