Dosente UNTL Fakuldade Edukasaun Fisika Desportu, Oscar Dias Quintas
Dosente UNTL Fakuldade Edukasaun Fisika Desportu, Oscar Dias Quintas

Dosente UNTL Fakuldade Edukasaun Fisika Desportu, Oscar Dias Quintas
DILI-Sekretaria Estadu ba Juventude Desportu (SEJD) presiza halo seminariu nasional hodi tau hamutuk hanoin husi lider desportiva sira, sosiedade sivil no mos membrus governu ne’ebe iha hanoin atu dezenvolve desportu Timor-Leste. Mestrado Desportu Dosente UNTL Fakuldade Edukasaun Fisika Desportu (FEFD)  Oscar Dias Quintas hatete, desportu Timor-Leste agora dadaun foin mak lao neneik seidauk to baze tanba movimentasaun desportu iha baze husi aldeia, sub-distritu to distritu seidauk lao tanba sidauk iha planu ne’ebe diak ba jogu iha nivel nasional.

“Entaun ita tenki oinsa halo mobilizasaun desportu ba aldeia, suku, distritu to nivel nasional, ida ne’e mak ema seidauk hanoin. Tanba sa mak ema seidauk hanoin tanba planu sidauk iha,” hatete dosente desportu ne’e ba jornalista BT iha jinasiu GMT, segunda (15/09). “Festival desportu no desportu komunitaria ne’e planu tinan rua nian, mais antes ke tinan rua movimentasaun planu desportu laiha a não ser atu halo festival desportu no desportu komunitaria foin mak iha suku no aldeia foin lao,  So que ida ne’e hotu desportu mate iha fatin deit,” dehan Oscar.

“Hau nia hakarak ne’e ita labele hein tinan rua mak foin halo festival desportu no desportu komunitaria  mais oinsa mak movimentasaun iha aldeia ne’e bele moris, ida nee mak ema seidauk hanoin no seidauk iha planu no sai perkupasaun boot,” hatete Dosente Edukasaun Fisika Desportu. Nia dehan, atu dezenvolve desportu tenki halo seminariu nasional ida para tur hamutuk hodi tau ideas. “Tenki halo seminariu ida hodi nune’e ita bele tau hanoin hamutuk katak desportu ne’e lalaok tenki husi ne’e, depois mak halo rezumu ida para hodi ita lao tuir, hau kualia hanesan ne’e tanba seidauk iha sistema klean ida ba desportu atu lao ka komesa husi ne’ebe ida nemak ema seidauk hanoin to’o ida ne’e,” nia fo hanoin.

Nia hato’o,  nia mesak labele fo ideas tanba desportu ne’e ita hotu nian tanba ne’e presiza ema hotu nia hanoin. Ne’e dunik nia husu ba SEJD  tenki halo seminariu ida hodi tau hanoin hamutuk hodi halo rezumu ida para ita lao tuir hodi dezenvolve desportu iha ita nia nasaun. “Husi hau nia hanoin, atu dezenvolve desportu tenki halao aktividade desportu barak liu iha nivel basic hanesan aldeia no suco no tenki iha planu ne’ebe klaru,”hato’o Oscar. Nia dehan, Atu halao desportu iha nivel basic  persija defini klaru desportu  atu halao husi ne’ebe husi clubu ka, nivel eskolar ou nivel profesional ida ne’e mak  tenki hare sekarik iha desportu ita hare katak tenki liu husi nivel eskolar entaun ita tenki halao husi ne’eba, hatete Dosente Oscar.

“Ema barak hanoin ona mais atu lao oinsa ida ne’e mak sai perguntas boot. Ida ne’e mak hau sempre hatete ita kuandu halo aktividade pertandingan desportu tinan ba tinan mais laiha planu para peninkatan prestasi ba atleta ne’ebe iha ne’e hatudu ita seidauk lao,” dehan dosente UNTL. Agora  dadaun ne’e somente para ita halibur malu deit konaba prestasaun seidauk hare. Kona ba SEJD ho federasaun ida-idak failansu laiha so falta planu tanba ema ne’ebe halo planu seidauk klaru. Ema ne’ebe atu halo planu menus liu, pelumenus iha censia no iha pratika ho esperensia hodi bele tau hamutuk para halo planu ida ho klaru. (BT)