Afrânio Xavier Amaral,Prezidente (FTA)
Afrânio Xavier Amaral,Prezidente (FTA)

Afrânio Xavier Amaral,Prezidente (FTA)
DILI-Secretario de Estado Joventude e Desportu (SEJD) fo apoiu orsamentu ba aktividade Festival Desportu ho total montante orsamentu Dolar Amerika 350.000. Atividade festival desportu ne’e Konfederasaun Desportu Timor-Leste (CDTL) atu halao iha fulan Setembru ida ne’e maibe kansela  tanba atraza  orsamentu husi Ministerio do Finansas, no sei realiza  iha fulan Outubro oin mai.

Prezidente Federasaun Atletizmu Timor-Leste (FTA) Afrânio Xavier Amaral  nudar responsavel ba atividade festival desportu hatete katak, atividade festival desportu ne’ebe sei realiza iha fulan Outubro, diak liutan hodi nune’e federasaun ida-idak bele prepara liutan atleta sira. Afrânio hatutan, iha federasaun haat (4) mak sei partisipa aktividade festival desportu ho nia asosiasaun ne’ebe espalia iha distritu 13. “Agora fo  ona orientasaun ba fokal poin CDTL iha distritu 13 hodi prepara atleta sira atu mai tuir eventu festival desportu ne’ebe sei halao iha fulan Outubro oin mai,”dehan Afrânio ba Jornalista BT iha edifisiu jinasiu GMT segunda (08/09).

Atividade festival desportu sei komesa iha loron 12 fulan Outubro no final iha loron 24-25 fulan Outubro, ho prosesu kompetisaun normal, tenik Afrânio. Federasaun ha’at (4) ne’ebe atu tuir eventu festival desportu mak hanesan Atletizmu, Volibol, Basketbol no futebol inklui asosiasaun federasaun  distritu 13. Iha tempu badak, Ministerio do Finansas aloka orsamentu mai Confederasaun Desportu Timor-Leste, sira sei  halo reuniaun ho fokal poin CDTL  distritu 13 hodi prepara ho diak, no sei intrega orsamentu ba fokal poin CDTL iha distritu 13 hodi bele mobiliza atleta sira tanba kada distritu ida mai ho modalidade haat hodi partisipa eventu festival desportu ne’e. Afrânio hato’o katak, kada fokal poin CDTL  distritu 13 ho ekipa ida, kada distritu ida ema nain hitunulu resin lima (75). (BT)