DÍLI----Governu husi Ministeriu Petróleum no Rekursu Minerais (MPRM) fó konfiansa liu husi Autoridade Nasional do Petroleum (ANPM) assina tan kontratu ho Kompañia Uma Marmer Timor (UMT) Unip, Lda. Hodi halo aktividade prospesaun no peskiza daruak ba fatuk marmer iha Manatuto.

Tan ne’e, Antes ANPM Assina akordu ho Kompañia Internasional Elegant Marble Group (EMG) I.P husi Xina, Atu halo survey Primeiru ba iha Marmer refere maibe agora assina tan ida ne’e ba daruak nian.

Tuir Vise-Presidente ANPM José Gonçalves hatete Serimonia ida ohin ANPM atu assina akordu ho kompañia UMT ba prospesaun peskiza ba daruak nian kona-ba rekursu Mineral (Marmer) iha Laclo-Munisipiu Manatuto tanba ne’e kompañia halo peskiza ba Marmer ne’e ho luan hektare 400 no montante orsamentu hamutuk rihun $600 ba durasaun tinan ida. Nune’e reprezenta kompañia mós fó Agradese ba ANPM nia konfiansa.

“Ohin ami assina akordu tan ho Kompañia UMT hodi halo peskiza no explora ba marmore iha Laklo-Manatuto ba segundu peskiza nian” hateten V-Presidente ANPM José Gonçalves ba jornalista sira hafoin remata Assina Kontratu ho Kompañia UMT iha Salaun MF-Tersa (10/03).

Alende ne’e, Kompañia halo peskiza ne’e iha parte norte Laklo-Manatuto nian dook husi tasi ibun no antes ne’e ANPM assina akordu ho Kompañia internasional Elegant Marble Group (EMG) I.P husi Xina, atu halo survey primeiru ba marmer iha Ilimanu munisipiu Manatuto nian maibe iha foho leten iha Fevereiru nian nune’e kompañia rua dook malu. Tanba ne’e Kompañia UMT halo peskiza ba segundu nian iha area Laklo-Manatuto nian ho luan hectare hamutuk 400.

Ne’e dunik, ohin ANPM assina ho Kompañia UMT atu halo peskiza ba daruak nian nune’e ita espera hotu bele extende tan tinan ida hodi kontinua ba Explorasaun Marmer ne’e. “Ita hein Kompañia UMT sira halo peskiza hotu hafoin faze ida tuir mai ita bolu dezemvolvimentu produsaun ne’ebé possibildade sei presiza kontratu dala ida tan hodi loke dalan ba sira atu ke’e no faan ba merkadu,” katak V-Presidente ANPM.

Nia hatutan, Kompañia halo prospesaun ba iha marmore iha Manatuto mai ho programa lahanesan no objetivu atu atinji tuir ninia orsamnetu mos diferente. Nia dehan, Kona-ba orsamentu ANPM assina Primeiru ho Kompañia internasional Elegant Marble Group (EMG) I.P husi Xina, atu halo survey primeiru ba marmer ne’e lahanesan ho Kompañia UMT ida agora ne’e.

“Tanba nemak iha momentu ne’eba ANPM assina akordu ho kompañia EMG.I.P ba prospesaun peskiza ba rekursu Mineral (Marmer) durante fulan 18-24 ho Orsamentu montante rihun $800 kedas maibe ida agora Assina akordu ho Kompañia UMT ne’e ho Orsamentu hamutuk rihun $600 deit,” afirma nia.

Nune’e, Hafoin prospesaun ne’e hotu Governu bele hili dalan atu partisipa iha investimentu ida ne’e hodi komersializa rekursu marmore ho hanoin ida ne’ebé hetan valór optimum husi dezenvolvimentu rekursu refere. Alende ne’e husi sorin seluk Diretór Ezekutvu Uma Marble Timor (UMT), Lda, Jackson Lay haktuir tan, Kompañia UMT agradese ba ANPM ne’ebé mak fó konfiansa ba Prospesaun daruak nian no faze dezenvolvimentu ba explorasaun marmore iha Manatuto.

Tan ne’e, “Lori Kolega Investór nia naran ha’u hakarak fó obrigadu wain ba ANPM nia suporta duante tinan hirak nia laran ohin hafoin realiza assina akordu ida ne’e,” hateten nia. Nia hatutan, Kompañia Uma Marmore Timor (UMT) kompostu husi investór na’in tolu, husi Singapure na’in rua no Timoroan na’in ida. Nune’e Timoroan na’in ida nemak ha’u (Jackson Lay), mak atu investe iha rekursu marmore hodi lori produto ba mundu atu bele kuinese diak liutan Timor-Leste nia rikeza.

“Ami (Kompañia UMT) hamutuk ema na’in ho Misaun mak atu investe iha rekursu marmore hodi lori produto ba mundu atu bele kuinese diak liutan Timor-Leste nia rikeza nomos Kria kampu traballu ba komunidade lokal nomos fó treinamentu liuhusi hasa’e kapasidade ba traballador liuhusi peskiza ne’e” Salienta Diretor Ezekutivu.

PorEnkuantu Diretór Mós iha esperansa katak ho investimentu ne’e bele aumenta rendimentu ba komunidade nian direita no indireita ne’ebé assosiadu ho industria mármore no inklui fó taxa ba kofre estadu. Tanba nemak Kompañia UMT sei esforsu mak’as iha periode esplorasaun marmore ho diak hodi kontinua i avansa ba produsaun. Alende ne’e, iha fase explorasaun mós sei tau atensaun mak’as ba iha saude, seguransa no meiu ambiente nomós sei aplika saude seguransa ba garantidu ambiental, Afirma Jackson Lay. (BT)