DĺLI----Relasiona ho merkadu Tualeku Planaltu iha munisipiu Baucau ne’ebé prepara ona ba negosiante na’in-600 sira ne’ebé hela iha merkadu Villa Nova tuan, atu transfere ba maibe merkadu kondisaun seidauk sufisíente ba negosiante sira.

Tuir Prezidente Autoridade lokál António Guterres esplika, presiza prepara kondisaun minimu ba negosiante sira hafoin transfere negosiante sira atu responde ba negosiante sira nia preokupasaun.

“Negosiante sira presiza kondisaun ne’ebé minimu, atu signifika no valoriza sira nia atividade negosiante nian, tinan barak ona ita la hari’i merkadu ho kondisaun la minimu ne’ebé ita kria atu responde ba preokupasaun negosíante nian,” dehan António Guterres ba Business Timor (BT), hafoin hala’o enkontru iha Hotel Timor (HT), Tersa (25/02)

Prezidente deklara, tan negosiante ne’ebé okupa terminál ne’e ladun di’ak tanba negosiante sira hela iha merkadu ne’e uza hanesan rezidensia privadu.” tan ne’e mak tinan rua liuba, ita hari’i merkadu ida, kategoria merkadu, munisipiu nian, iha Tualeku atu trasfere negosíante ne’ebé, buka nia moris iha Villa laran,” relata nia

Nia esplika iha tempu badak negosiante sira ne’ebé faan iha trotoa leten, iha estrada ninin sira ne’e no iha fatin terminál ne’e sei transfere, maibe kondisaun mak seidauk premite no dadaun ne’e sei halo manutensaun ba estrada sira.

“Ita ko’alia kona-ba merkadu Villa, ita hotu hatene nia kondisaun, merkadu balun sira harii baraka, laiha tratamentu hanesan merkadu, atividade negosiu lao maibé kondisaun infraestrutura ita labele hatete ne’e merkadu, tanba ida-idak buka nia moris atu sustenta nia familia uma laran, sira ida-idak buka harii baraka, hodi faan sasan ruma entaun, identifikasaun ba negosiante sira faan iha trotoa iha tempu badak sei transfere ba merkadu Tualeku,” esplika nia

Prezidente autoridade lokál munisispiu Baucau hamutuk ho nia ekipa sira orienta negosiante no identifika sira nia atividade hotu ne’ebé mak negosiante sira hala’o lor-loron, atu negosiante sira ne’e responsablidade ba sira nia atividade. “Ami orienta no liga gestaun merkadu turizmu negosiu, diresaun sira ne’ebé toma konta ba ida ne’e, ita orienta atu identifika negosiante hira, no kada atividade negosiu ne’e saida, atu ita orienta kada tipu atividade iha ninia ema ida mak responsablidade,” katak nia

Responsavel ne’e prontu ona, mak foin muda ba merkadu foun atu labele intropreta ba sira nia atividade negosiante lor-loron, atu labele autoriza beik-beik autoridade lokais. Tanba negosiante sira bele uza merkadu sai nain ba merkadu.

“Identifikasaun 600 negosiantes nebe iha kondisaun merkadu foun ne’e la premite atu sira ba hotu, maibe fasiadamente sira ba, ami mos sei halo rehabilitasaun ba moru, sei halo kompletasaun iha 2020, maibé orsamentu xumba iha Parlamentu Nasionál, ami labele finaliza 100% ba resintu merkadu nian ne’ebé prepara ona atu tranfere negosiante sira ba,” tenik nia

Tuir nia esplika terminal Baucau ne’e atu uza de’it ba pasajeiru sira hein kareta nian, laos negosiante sira mak hela fali iha ne’ebá no uza sai hanesna rezidensia privadu. “Ami oriente negosiante sira iha terminál ne’e tranfere hotu ba merkadu foun, atu terminál nee uza deit ba terminál, tanba negosiante sira hela iha merkadu nee uza hanesan rezidensia privadu,” deklara nia

Alende ida ne’e prezidente Autoridáde Munisipiu Baucau relata katak iha tempu badak atu muda negosiánte sira iha merkadu Villa Nova tuan ba iha merkadu foun, ne’ebé prepara ona, maibe tuir Autoridade nia identifika katak negosíante sira barak, entaun merkadu foun seidauk sufisiénte atu transfere negosíante sira, no dadaun nee halo manutensaun ba merkadu no kompleta kondisaun. (BT)